Category: Armen Press

Մեկնարկեց աշխատանքային այցս Վրաստան🇦🇲🫶🇬🇪

Օմանի իշխանությունները մարտի 3-ին հայտնել են, որ անօդաչու թռչող սարքը հարվածել է Օմանի ամենամեծ նավահանգստին՝ Սալալային։

Մի քանի րոպե առաջ հարված է հասցվել Իրանի Ղոմ քաղաքին։

ԱՄՆ նախագահ Դոնալդ Թրամփը հայտարարել է, որ Իրանը ցանկանում է բանակցել, սակայն դրա համար արդեն չափազանց ուշ է։ Այս մասին նա գրել է Truth Social հարթակում։

«Նրանց (խմբ.՝ նկատի ունի Իրանի) հակաօդային պաշտպանությունը, օդուժը, ռազմածովային ուժերը և ղեկավարությունը չկան։ Նրանք ցանկանում են բանակցել։ Ես ասացի՝ չափազանց ուշ է», — գրել է Սպիտակ տան ղեկավարը։

Իսրայելը և ԱՄՆ-ն փետրվարի 28-ից հարվածներ են հասցնում Իրանին։ Թեհրանն իր հերթին պատասխան հարվածներ է հասցնում Իսրայելին և տարածաշրջանի երկրներում գտնվող ամերիկյան ռազմաբազաներին և էներգետիկ օբյեկտներին։

Հայաստանի Հանրապետության արտաքին գործերի նախարար Արարատ Միրզոյանը մարտի 3-ին հեռախոսազրույց է ունեցել Օմանի Սուլթանության ԱԳ նախարար Բադր բին Համադ բին Համուդ Ալ-Բուսաիդիի հետ:
Զրուցակիցները քննարկել են Մերձավոր Արևելքում ստեղծված իրավիճակը: Ընդգծվել է խաղաղ միջոցներով հանգուցալուծման հասնելու, դիվանագիտությանն առաջնահերթություն տալու կարևորությունը, ինչի համատեքստում բարձր են գնահատվել Օմանի կողմից գործադրված ջանքերը:
Արարատ Միրզոյանը շնորհակալություն է հայտնել Օմանից և ԱՄԷ-ից Հայաստան ՀՀ քաղաքացիների վերադարձի համար անհրաժեշտ ընթացակարգերի դյուրացման համար՝ պատրաստակամություն հայտնելով ՀՀ կողմից ևս, ըստ անհրաժեշտության, աջակցություն ցուցաբերել Օմանի քաղաքացիների տեղափոխման հարցերում:
Հայաստանի և Օմանի ԱԳ նախարարներն անդրադարձ են կատարել նաև երկկողմ օրակարգի ընդլայնմանն ուղղված աշխատանքներին՝ ընդգծելով առկա ներուժի լավագույնս իրացման հարցում Մասկատում ՀՀ ռեզիդենտ դեսպանություն բացելու՝ ՀՀ կառավարության կողմից կայացված որոշման նշանակությունը:

❗️Լեռնային Ղարաբաղի դեմ Ադրբեջանի սանձազերծած պատերազմի արդյունքում անհայտ կորած է համարվում 195 անձ:
«Արմենպրես»-ի փոխանցմամբ՝ այս մասին ԱԺ-ում ասաց ՀՀ արդարադատության նախարար Սրբուհի Գալյանը՝ անդրադառնալով «Հայաստան» խմբակցության պատգամավոր Գառնիկ Դանիելյանի հարցին:

«Ըստ պաշտոնական տվյալների՝ ունենք անհայտ կորած 195 անձ, որոնցից 175-ը՝ զինծառայող, մյուսները՝ խաղաղ բնակիչ»,-ասաց Գալյանը:

Ինչ վերաբերում է նույնականացված դիերին՝ նախարարն ասաց, որ վերջին տվյալներով՝ 75-80 դիերի դեպքում նույնականացման արդյունքներն ընտանիքների կողմից չեն ընդունվել: Ըստ նրա՝ կրկնակի փորձաքննություններ իրականացվել են հատուկ փորձագիտական գիտելիքներով օժտված անձանց կողմից և հատուկ միջոցներով: Փորձագետները վստահեցնում են, որ նույնականացումը ճիշտ է իրականացվել:

Համլետ Մանուկյանը ճանաչվել է Եվրոպայի 2025 թվականի լավագույն մարմնամարզիկ

Սաուդյան Արաբիան վճռականորեն դատապարտել է Իրանի հարձակումն Էր Ռիադում ԱՄՆ դեսպանության շենքի վրա։
Սաուդյան Արաբիայի արտաքին գործերի նախարարությունում հայտնել են, որ թագավորությունն իրեն իրավունք է վերապահում ձեռնարկելու բոլոր անհրաժեշտ միջոցները, ներառյալ պատասխան միջոցները։

Մերձավոր Արևելքում պատերազմը կարելի է դադարեցնել, եթե «ագրեսորին» կանգնեցնեն. ՄԱԿ-ի Անվտանգության խորհուրդը պետք է գործողություններ ձեռնարկի: «Արմենպրես»-ի փոխանցմամբ՝ այս մասին հայտարարել է Իրանի արտգործնախարարության պաշտոնական ներկայացուցիչ Էսմայիլ Բաղային ճեպազրույցի ժամանակ։

«Պատերազմը դադարեցնելու ճանապարհն այն է, որ նրանք պետք է ագրեսորին կանգնեցնեն։ ՄԱԿ-ի Անվտանգության խորհուրդը պարտավորություն ունի. եթե ցանկանա, ապա կարող է դա անել», — Բաղայիի խոսքը մեջբերել է Fars գործակալությունը։

Պաշտոնյան հայտարարել է, որ համաշխարհային հանրությունը պետք է համապատասխան որոշում ընդունի՝ «նախքան այլ վայրեր պատերազմի տարածվելը», և ստիպի կողմերին, «որոնք իրականացրել են ագրեսիան», դադարեցնել այն։

Ավիահարվածի հետևանքով վնասվել են այն շենքերը, որոնց միջոցով մուտք է ապահովվում Իրանի Նաթանզի միջուկային նյութերի հարստացման ստորգետնյա ձեռնարկություն։ «Արմենպրես»-ի փոխանցմամբ՝ այս մասին հաղորդել է Ատոմային էներգիայի միջազգային գործակալությունը (ԱԷՄԳ):

«Վերջին հասանելի արբանյակային լուսանկարների հիման վրա ԱԷՄԳ-ն կարող է հաստատել, որ վերջերս վնասվել են Իրանի Նաթանզի վառելիքի հարստացման ստորգետնյա գործարանի մուտքի կառույցները», — ասվում է X-ում ԱԷՄԳ հաղորդագրության մեջ։

Գործակալությունը հավելում է, որ 2025 թվականի հունիսի հակամարտության ընթացքում ԱՄՆ-ի հարվածներից տուժած գործարանը նոր հարվածներից լրացուցիչ վնասներ չի ստացել, ռադիոլոգիական հետևանքներ չեն սպասվում։