Category: Armen Press

«EngineerX» հայ-ամերիկյան ընկերության հրավերով՝  ԱՄՆ-ից երկօրյա այցով ժամանած փորձառու ինժեներներ, ավագ խորհրդատուներ Քեն Զերունյանսը և Ռամեշ Լակշմիպատին իրենց փորձն են կիսել Հայաստանի ինժեներների հետ։
«Արմենպրես Podcast» նախագծի շրջանակներում «EngineerX»-ի ինժեներական թեմի ղեկավար Էրիկ Կասսաբյանը նշեց, որ ընկերության նպատակը Հայաստանում ինժեներիայի ոլորտն առավելագույնս զարգացնելն  ու արտասահմանյան շուկաները հայ ինժեներների համար ավելի հասանելի դարձնելն է։

⚽️🌍 Մունդիալ-2026
🇳🇴 Նորվեգիան հաղթանակով մեկնարկեց աշխարհի առաջնությունում՝ 4:1 հաշվով առավելության հասնելով 🇮🇶 Իրաքի նկատմամբ։ ⭐️ Էրլինգ Հալանդը դարձավ դուբլի հեղինակ, իսկ մեկական գոլ խփեցին Լեո Օստիգարդը և Այմեն Հուսեյնին՝ սեփական դարպասը գրավելով։ Իրաքի միակ գոլը ևս խփեց Այմեն Հուսեյնին։
🇦🇷 Աշխարհի գործող չեմպիոն Արգենտինան մրցաշարը սկսեց խոշոր հաղթանակով՝ 3:0 հաշվով առավելության հասնելով 🇩🇿 Ալժիրի նկատմամբ։ 🔥 Լիոնել Մեսին ձևակերպեց հեթ-տրիկ և իր գոլերի թիվն աշխարհի առաջնություններում հասցրեց 16-ի՝ հավասարվելով գերմանացի լեգենդար ռմբարկու Միրոսլավ Կլոզեին։ 🐐
🇦🇹 Ավստրիան J խմբի իր առաջին խաղում 3:1 հաշվով հաղթեց 🇯🇴 Հորդանանին։
Ավստրիացիների կազմում աչքի ընկան Ռոմանո Շմիդտը և Մարկո Առնաուտովիչը, ևս մեկ գոլ գրանցվեց Յազան Ալարաբի ինքնագոլի շնորհիվ։ Հորդանանի միակ գոլը խփեց Ալի Օլվանը։
📊 Առաջին տուրից հետո․
🔹 I խումբ՝ առաջատարներ 🇳🇴 Նորվեգիա և 🇫🇷 Ֆրանսիա։
🔹 J խումբ՝ առաջատարներ 🇦🇷 Արգենտինա և 🇦🇹 Ավստրիա։

Վերջին տարիներին Հայաստանում ուռուցքաբանության ոլորտում առկա մի շարք խնդրահարույց հարցերի հետ կապված բացերը լրացրեց համընդհանուր առողջապահական ապահովագրությունը։ Այն արդեն շուրջ կես տարի է, ինչ ձևավորել է նոր մշակույթ և համակարգ, որը, մասնագետների գնահատմամբ, զգալիորեն թեթևացրել է քաղաքացիների առողջապահական բեռը։
«Արմենպրես»-ի հետ զրույցում Ուռուցքաբանության ազգային կենտրոնի տնօրեն Կարեն Ծառուկյանը նշեց, որ, ցավոք, քաղցկեղի բուժումը մատչելի չէ, հատկապես, եթե անհրաժեշտ է համակցված բուժում։ Նրա խոսքով՝ պետությունն արդեն իսկ էականորեն իր վրա էր վերցրել այդ ֆինանսական բեռը, սակայն լրացուցիչ աջակցության անհրաժեշտություն կար, և համընդհանուր ապահովագրությունն անհամեմատ մեծացրել է հնարավորությունները։

Օրեր առաջ հայազգի լեռնագնաց Գևորգ Գասպարյանը բարձրացավ աշխարհի ամենաբարձր լեռան` Էվերեստի գագաթը:
«Արմենպրես»-ի Podcast-Sport-ի շրջանակներում Գասպարյանը խոսել է Էվերեստ բարձրանալու, ճանապարհի դժվարությունների, մոտ 60 օր ձգված վերելքի, լեռնագնացների համար բարդություններ առաջացնող խոչընդոտների մասին:

Ինդոնեզիայի Բալի քաղաքում անցկացվել է Կիրառական կենսաբանության միջազգային 6-րդ օլիմպիադան (IABO), որի եզրափակիչ փուլին մասնակցել են ՀՀ 7 ուսումնական հաստատություններ ներկայացնող 27 աշակերտներ։
Այս մասին հայտնում են Կրթության, գիտության, մշակույթի և սպորտի նախարարությունից։
Նշվում է, որ հայ աշակերտները նվաճել են 8 ոսկե, 12 արծաթե և 7 բրոնզե մեդալ։
Ոսկե մեդալի են արժանացել «Քվանտ» վարժարանից՝ Ռոբերտ Գեղամյանը (9-րդ դասարան), Սամվել Խաչատրյանը (10-րդ դասարան), Սոֆի Ծուլիկյանը (10-րդ դասարան), «Հերացի» ավագ դպրոցից՝ Անժելա Կարապետյանը (11-րդ դասարան), Լևոն Հովսեփյանը (12-րդ դասարան), Էմմի Նազարյանը (12-րդ դասարան), Ալիկ Ղարագյոզյանը (12-րդ դասարան), ԵՊՀ ՍԹԵՄ ավագ դպրոցից՝ Նարեկ Ղազարյանը (12-րդ դասարան)։
Արծաթե մեդալի են արժանացել «Քվանտ» վարժարանից՝ Գևորգ Գասպարյանը (10-րդ դասարան), Ալեքսանդր Գրիգորյանը (10-րդ դասարան), Աննա Ստեփանյանը (11-րդ դասարան), «Հերացի» ավագ դպրոցից՝ Գոռ Կարապետյանը (11-րդ դասարան), Էդվին Շահինյանը (12-րդ դասարան), «Հերացի» բժշկական քոլեջից՝ Արամ Ծատուրյանը (11-րդ դասարան), ԵՊՀ ՍԹԵՄ ավագ դպրոցից՝ Անի Բաղդասարյանը (12-րդ դասարան), Ժաննա Հովսեփյանը (11-րդ դասարան), Էլինա Հակոբյանը (11-րդ դասարան), Դավիթ Հովհաննիսյանը (11-րդ դասարան), Էլեն Ղազարյանը (10-րդ դասարան), Գյումրու «Ֆոտոն» վարժարանից՝ Անահիտ Հունոյանը (12-րդ դասարան)։
Բրոնզե մեդալի են արժանացել «Քվանտ» վարժարանից՝ Արամ Մուրադյանը (9-րդ դասարան), Եվա Դարբինյանը (10-րդ դասարան), «Հերացի» ավագ դպրոցից՝ Անի Համբարձումյանը (12-րդ դասարան), Լևոն Սարգսյանը (12-րդ դասարան), ԵՊՀ ՍԹԵՄ ավագ դպրոցից՝ Մարի Առաքելյանը (10-րդ դասարան), Երևանի թիվ 148 ավագ դպրոցից՝ Ադրիանա Ավետիսյանը (10-րդ դասարան), Վաղարշապատի թիվ 2 ավագ դպրոցից՝ Միլլա Հակոբյանը (10-րդ դասարան)։
Հայաստանը ներկայացնող 2 աշակերտ (Նազարյան Էմմի և Ղազարյան Նարեկ) արժանացել են Գրան պրի հատուկ մրցանակի։

Հայաստանի պաշտպանության նախարար Սուրեն Պապիկյանը Փարիզում հանդիպել է Ֆրանսիայի զինված ուժերի և վետերանների հարցերով նախարար Կատրին Վոտրենի հետ։ Վոտրենը շնորհավորել է Պապիկյանին Խորհրդարանական ընտրություններում «Քաղաքացիական պայմանագիր» կուսակցության հաղթանակի կապակցությամբ:
ՀՀ պաշտպանության նախարարը հանդիպման մասին գրառում է կատարել «Ֆեյսբուք»-ի իր էջում՝ հրապարակելով նաև տեսանյութ։ 

«Բարձր ենք գնահատել Հայաստան-Ֆրանսիա համագործակցության ընթացքը՝ կարևորելով ձևավորված արդյունավետ գործընկերության հետագա ամրապնդումն ու զարգացումը։
Զրույցի ընթացքում անդրադարձանք երկկողմ և բազմակողմ ձևաչափերով համագործակցության ընթացքին, զարգացմանն ու խորացմանը, ինչպես նաև տարածաշրջանային և միջազգային անվտանգությանն առնչվող մի շարք հարցերի»,– գրել է Սուրեն Պապիկյանը։

Հայաստանի վարչապետ Նիկոլ Փաշինյանը հեռախոսազրույց է ունեցել Նիդեռլանդների Թագավորության վարչապետ Ռոբ Յետտենի հետ։ Վերջինս վարչապետ Փաշինյանին շնորհավորել է 2026 թվականի հունիսի 7–ին Հայաստանի Հանրապետությունում ազատ և ժողովրդավարական ընտրություններ անցկացնելու և ՀՀ քաղաքացիների վստահության քվեն ստանալու առիթով։
Նիդեռլանդների Թագավորության վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին։
Նիկոլ Փաշինյանը շնորհակալություն է հայտնել շնորհավորանքի և Կառավարության կողմից իրականացվող քաղաքական և տնտեսական բարեփոխումներին աջակցելու պատրաստակամության համար։

Շանհայի համագործակցության կազմակերպության գլխավոր քարտուղար Նուրլան Երմեկբաևը շնորհավորել է վարչապետ Նիկոլ Փաշինյանին Հայաստանում ընտրություններում տարած հաղթանակի առիթով: Ուղերձում ասված է.

«Հարգելի՛ Նիկոլ Վովայի, Շանհայի համագործակցության կազմակերպության անունից սրտանց շնորհավորում եմ Ձեզ և Ձեր գլխավորած «Քաղաքացիական պայմանագիր» կուսակցությանը Հայաստանի Հանրապետությունում կայացած խորհրդարանական ընտրություններում համոզիչ հաղթանակի առիթով։
Ձեր երկիրը հաջողություններ է արձանագրում հասարակական կյանքի բոլոր ոլորտների կատարելագործման և արդիականացման, տնտեսական զարգացման բարձր տեմպերի ապահովման ու միջազգային հեղինակության ամրապնդման գործում։ Գոհունակությամբ նշում եմ Հայաստանի ակտիվ գործունեությունը՝ որպես ՇՀԿ-ի երկխոսության գործընկեր։ Երևանի այսպիսի մոտեցումը լրացուցիչ խթան է հաղորդում Կազմակերպության լայն օրակարգին՝ բացելով նոր հեռանկարներ փոխշահավետ համագործակցության համար։
Մաղթում եմ Ձեզ, հարգելի՛ Նիկոլ Վովայի, քաջառողջություն և հաջողություններ պետական գործունեության մեջ, իսկ Հայաստանի ժողովրդին՝ խաղաղություն և հետագա բարգավաճում»։

ԱՄՆ նախագահ Դոնալդ Թրամփը Ֆրանսիայում անցկացվող G7-ի գագաթնաժողովի շրջանակում ԱՄԷ նախագահ շեյխ Մուհամմադ բին Զայեդ ալ Նահյանի հետ հանդիպմանը հայտարարել է, որ Հորմուզի նեղուցն անվճար կլինի ոչ միայն բանակցությունների 60 օրվա ընթացքում, այլև դրանից հետո։

Փարիզում ընթացող Eurosatory 2026 պաշտպանական տեխնոլոգիաների միջազգային ցուցահանդեսի շրջանակում Հայաստանի բարձր տեխնոլոգիական արդյունաբերության նախարար Մխիթար Հայրապետյանը հանդիպել է Ֆրանսիայի զինված ուժերի և վետերանների հարցերով լիազոր նախարար Ալիս Ռուֆոյի հետ։

«Հանդիպման ընթացքում քննարկել ենք երկկողմ համագործակցության ընդլայնման հնարավորությունները ռազմարդյունաբերության, պաշտպանական նորարարությունների և առաջադեմ տեխնոլոգիաների ոլորտներում»,– «Ֆեյսբուք»-ի իր էջում գրել է Մխիթար Հայրապետյանը։

Հանդիպման ընթացքում անդրադարձ է կատարվել մայիսի 5-ին Երևանում ստորագրված ռազմավարական փոխըմբռնման հուշագրի դրույթների կատարման ընթացքին, պայմանավորվածություններ են ձեռք բերվել առաջիկա անելիքների շուրջ։