Category: Armen Press

🇳🇱🇯🇵 ԱԱ-2026. Նիդերլանդները ոչ-ոքի խաղացին Ճապոնիայի հետ
F խմբի առաջին տուրի խաղում Նիդերլանդների և Ճապոնիայի հավաքականները հաղթողին չպարզեցին՝ 2:2։
Նիդերլանդների կազմում աչքի ընկան Վիրջիլ վան Դեյկն ու Կրեշենսիո Սոմերվիլը։ Ճապոնիայի հավաքականից գոլերի հեղինակ դարձան Կեյտո Նակամուրան և Դաիչի Կամադան։
🇨🇮🇪🇨 ԱԱ-2026. Կոտ դ’Իվուարը նվազագույն հաշվով հաղթեց Էկվադորին
E խմբի առաջին տուրի խաղում Կոտ դ’Իվուարի հավաքականը 1:0 հաշվով առավելության հասավ Էկվադորի նկատմամբ։
Հանդիպման միակ գոլը 90-րդ րոպեին խփեց Ամադ Դիալոն։
🇸🇪🇹🇳 ԱԱ-2026. Շվեդիան ջախջախեց Թունիսին
F խմբի առաջին տուրի խաղում Շվեդիայի հավաքականը 5:1 հաշվով հաղթեց Թունիսի ընտրանուն։

Հիքմեթ Հաջիևը Հայաստան է ժամանել ցամաքային սահմանի սահմանազատված հատվածով
ՀՀ անվտանգության խորհրդի քարտուղար Արմեն Գրիգորյանը և Ադրբեջանի նախագահի օգնական Հիքմեթ Հաջիևը Դիլիջանում քննարկել են Հայաստանի և Ադրբեջանի միջև խաղաղության օրակարգին առնչվող հարցեր։
ԱԽ քարտուղարի գրասենյակը «Արմենպրես»-ին տրված բացառիկ մեկնաբանությամբ պարզաբանել է, թե ինչպես է Հաջիևը ժամանել Հայաստան։
-Անվտանգության խորհրդի գրասենյակի հրապարակած մամուլի հաղորդագրությունից տեղեկացանք, որ Հայաստան է ժամանել Ադրբեջանի նախագահ Իլհամ Ալիևի օգնական Հիքմեթ Հաջիևը: Կխնդրեինք մանրամասնել, թե ինչպես է պարոն Հաջիևը ժամանել Հայաստան:
-Ադրբեջանի նախագահի օգնական Հիքմեթ Հաջիևը և նրան ուղեկցող պատվիրակությունը Հայաստան են ժամանել ցամաքային սահմանի սահմանազատված և սահմանագծված հատվածով՝ անցնելով բոլոր համապատասխան ընթացակարգերը: Ինչպես ավելի վաղ տեղեկացրել ենք այցի ընթացքում տեղի է ունեցել ԱԽ քարտուղար Արմեն Գրիգորյանի հետ հանդիպում, որի ընթացքում քննարկվել են Հայաստանի և Ադրբեջանի միջև խաղաղության օրակարգին առնչվող հարցեր։

Կենտրոնական ընտրական հանձնաժողովը հունիսի 14-ին ամփոփել է հունիսի 7-ի խորհրդարանական ընտրությունների քվեարկության վերջնական արդյունքները
Արդյունքները հրապարակեց ԿԸՀ նախագահ Վահագն Հովակիմյանը։
«ՌԵՖՈՐՄԻՍՏՆԵՐԻ ԿՈՒՍԱԿՑՈՒԹՅՈՒՆ» — 1425 ձայն, 0.0975 տոկոս։
«ԲՈԼՈՐԻՆ ԴԵՄ ԵՄ» ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅՈՒՆ — 21 հազար 181 ձայն, 1.4497 տոկոս։
«ՈՒԺԵՂ ՀԱՅԱՍՏԱՆ» ԴԱՇԻՆՔ — 340 հազար 006 ձայն, 23.2710 տոկոս։
«ՀԱՅԱՍՏԱՆԻ ՇՆՈՐՀԱՊԵՏԱԿԱՆ ԿՈՒՍԱԿՑՈՒԹՅՈՒՆ» — 30 հազար 642 ձայն, 2.0972 տոկոս։
«ՆՈՐ ՈՒԺ» ՌԵՖՈՐՄԻՍՏԱԿԱՆ ԿՈՒՍԱԿՑՈՒԹՅՈՒՆ — 25 հազար 551 ձայն, 1.7488 տոկոս։
«ՄԻԱՍՆՈՒԹՅԱՆ ԹԵՎԵՐ» ԿՈՒՍԱԿՑՈՒԹՅՈՒՆ — 33 հազար 537 ձայն, 2.2954 տոկոս։
«ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ — 58 հազար 287 ձայն, 3.9893 տոկոս։
«ԱԶԳԱՅԻՆ ԺՈՂՈՎՐԴԱՎԱՐԱԿԱՆ ԲԵՎԵՌ» ՀԱՄԱՀԱՅԿԱԿԱՆ ԿՈՒՍԱԿՑՈՒԹՅՈՒՆ — 5 հազար 481 ձայն, 0.3751 տոկոս։
«ՔՈՉԱՐԻ ԱԶԳԱՅԻՆ ՎԵՐԱԾՆՈՒՆԴ ԵՎ ԱԶԳԻ ԶԱՐԹՈՆՔ ԿՈՒՍԱԿՑՈՒԹՅՈՒՆ» — 1986 ձայն, 0.1359 տոկոս։
«ՀԱՅ ԱԶԳԱՅԻՆ ԿՈՆԳՐԵՍ» ԿՈՒՍԱԿՑՈՒԹՅՈՒՆ — 3143 ձայն, 0.2151 տոկոս։
«ՀԱՆՐԱՊԵՏՈՒԹՅՈՒՆ» ԿՈՒՍԱԿՑՈՒԹՅՈՒՆ — 15 հազար 808 ձայն, 1.0819 տոկոս։
«ՔՐԻՍՏՈՆԵԱԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅՈՒՆ» — 2671 ձայն, 0.1825 տոկոս։
«ԺՈՂՈՎՐԴԱՎԱՐԱԿԱՆ ՀԱՄԱԽՄԲՈՒՄ» ԿՈՒՍԱԿՑՈՒԹՅՈՒՆ — 5 հազար 269 ձայն, 0.3606 տոկոս։
«ԴԵՄՈԿՐԱՏԻԱ, ՕՐԵՆՔ, ԿԱՐԳԱՊԱՀՈՒԹՅՈՒՆ» ԿՈՒՍԱԿՑՈՒԹՅՈՒՆ — 25 հազար 758 ձայն, 1.7630 տոկոս։
«ՔԱՂԱՔԱՑԻԱԿԱՆ ՊԱՅՄԱՆԱԳԻՐ» ԿՈՒՍԱԿՑՈՒԹՅՈՒՆ — 726 հազար 819 ձայն, 49.7456 տոկոս։
«ՀԱՅԱՍՏԱՆ» ԴԱՇԻՆՔ — 144 հազար 983 ձայն, 9.9231 տոկոս։
«ՀԱՆՈՒՆ ՀԱՆՐԱՊԵՏՈՒԹՅԱՆ ԺՈՂՈՎՐԴԱՎԱՐՈՒԹՅԱՆ ՊԱՇՏՊԱՆՈՒԹՅԱՆ ԴԱՇԻՆՔ» ԿՈՒՍԱԿՑՈՒԹՅՈՒՆ — 6 հազար 754 ձայն, 0.4623 տոկոս։
«ԼՈՒՍԱՎՈՐ ՀԱՅԱՍՏԱՆ» ԿՈՒՍԱԿՑՈՒԹՅՈՒՆ — 7 հազար 439 ձայն, 0.5091 տոկոս։
Քվեարկությանը մասնակցել է 1 476 769 մարդ կամ ընտրողների 58.9%-ը։
Այս արդյունքներով խորհրդարան են անցնում «Քաղաքացիական պայմանագիր» կուսակցությունը, որը մեծամասնություն է ստանում և կկարողանա ձևավորել կառավարություն, «Ուժեղ Հայաստան» դաշինքը և «Հայաստան» դաշինքը։

ՀՀ ԿԸՀ նիստ․ ՈՒՂԻՂ
https://www.youtube.com/watch?v=pnx6nXveXS8

Հանրապետության տարածքում հունիսի 14-ի ցերեկը շրջանների զգալի մասում, 15-16-ը՝ գիշերը և կեսօրից հետո, 17-19-ի առավելապես ցերեկային ժամերին առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։ Հունիսի 14-ի ցերեկը, 15-ին առանձին հատվածներում անձրևները կլինեն հորդառատ։
Այս մասին «Արմենպրես»-ին տեղեկացրին ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից։ 
Քամին՝ հյուսիսարևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 17-20 մ/վ արագությամբ։
Օդի ջերմաստիճանը հունիսի 14-ի ցերեկը կնվազի 4-5 աստիճանով, հունիսի 15-19-ի ցերեկային ժամերին աստիճանաբար նույնքան կբարձրանա։
Երևան քաղաքում հունիսի 14-ի ցերեկը, 15-ին՝ գիշերը և կեսօրից հետո, սպասվում է կարճատև անձրև և ամպրոպ, հունիսի 14-ի ցերեկը և երեկոյան անձրևները քաղաքի առանձին հատվածներում կլինեն հորդառատ։ Հունիսի 16-ի և 18-19-ի երեկոյան ժամերին հնարավոր է կարճատև անձրև և ամպրոպ, ամպրոպի ժամանակ՝ նաև քամու ուժգնացում՝ 17-20 մ/վ արագությամբ։
Հունիսի 17-ին սպասվում է առանց տեղումների եղանակ։

Հունիսի 11-ին Գյումրի քաղաքի Ղարսի խճուղիում գտնվող «Մայր Հայաստան» հուշահամալիրի «Հերոս քաղաքների» հուշարձանների ոսկեգույն տառերը պոկելով վնասելու դեպքի առթիվ Համայնքային ոստիկանության Մուշի բաժնում կազմված փաստաթղթերը փոխանցվել էր Շիրակի մարզային քննչական վարչություն, որտեղ նախաձեռնվել էր քրեական վարույթ՝ ՀՀ քրեական օրենսգրքի 301-րդ հոդվածի 1-ին մասի հատկանիշներով։
Քրեական ոստիկանության գլխավոր և Շիրակի մարզային վարչությունների, ինչպես նաև Համայնքային ոստիկանության Մուշի ու Կումայրիի բաժինների ծառայողների ձեռնարկած օպերատիվ-հետախուզական ծավալուն ու համակարգված միջոցառումների արդյունքում հունիսի 14-ին ստացվել են հավաստի տեղեկություններ, որ հունիսի 9-ին, ժամը 15։00-ի սահմաններում, հուշարձանների տառերը պոկել է Գյումրի քաղաքի Մուշ 2 թաղամասի բնակիչ 41-ամյա տղամարդը։
Նույն օրը՝ ժամը 08։40-ին, նա հայտնաբերվել, ձերբակալվել և տեղափոխվել է ՔՈԳՎ Շիրակի մարզային վարչություն, որտեղ խոստովանել է կատարածը։
41-ամյա տղամարդն ու կազմված փաստաթղթերը ներկայացվել են Շիրակի մարզային քննչական վարչություն։
Նախաքննությունը շարունակվում է։

Փոխվարչապետ Մհեր Գրիգորյանը մասնակցել է «Նորդիկ օրեր» փառատոնի շրջանակներում Նորդիկ երկրների ազգային տոներին նվիրված միջոցառմանը: Նա հանդես է եկել շնորհավորական ուղերձով:

Երևանում հունիսի 12-ին անցկացվել է տոնական ընդունելություն՝ նվիրված Ռուսաստանի օրվան։
Այս մասին հաղորդագրություն է տարածել Հայաստանում ՌԴ դեսպանությունը։
Նշվում է, որ միջոցառմանը ներկա են գտնվել Հայաստանի Ազգային ժողովի նախագահ Ալեն Սիմոնյանը, փոխվարչապետ Մհեր Գրիգորյանը, Էկոնոմիկայի նախարար Գևորգ Պապոյանը, Տարածքային կառավարման և ենթակառուցվածքների նախարար Դավիթ Խուդաթյանը, ինչպես նաև ՀՀ-ում հավատարմագրված դիվանագետներ, կրոնական, հասարակական, մշակութային, գիտական ​​և լրատվական շրջանակների ներկայացուցիչներ, Հայրենական մեծ պատերազմի վետերաններ, հայրենակցական կազմակերպությունների անդամներ և երիտասարդական ակտիվիստներ։
Իր ողջույնի խոսքում ՀՀ-ում Ռուսաստանի Դաշնության դեսպան Սերգեյ Կոպիրկինը նշել է, որ այս տոնը կոչված է՝ արտացոլելու Ռուսաստանի հազարամյա ճանապարհը, որը լի է հերոսությամբ, անձնուրաց աշխատանքով, մեծ հաղթանակներով և նվաճումներով։
Ռուսաստանի դիվանագիտական ​​​​առաքելության ղեկավարը ընդգծել է, որ այժմ հայ-ռուսական միջպետական ​​​​համագործակցությունը հիմնված է ամենաբարձր և բարձրագույն մակարդակներում կայուն և փոխադարձ հարգանքի վրա հիմնված քաղաքական երկխոսության, միջկառավարական, միջխորհրդարանական և միջգերատեսչական ձևաչափերի, միջտարածաշրջանային շփումների և ամուր իրավական շրջանակի վրա։

«Միևնույն ժամանակ, ակնհայտ է, որ մեր հարաբերությունները հասել են վերաիմաստավորման և փոփոխվող համաշխարհային և տարածաշրջանային իրողություններին հարմարվելու փուլի»,-ասել է Կոպիրկինը։

Նա նաև հաստատել է Մոսկվայի համատեղ, կառուցողական և փոխշահավետ աշխատանքի պատրաստակամությունը՝ հիմնված առկա երկկողմ և բազմակողմ մեխանիզմների վրա։

Երևան քաղաքում որմնանկարներ կամ գրաֆիտի իրականացնելու համար անհրաժեշտ է գրավոր դիմում ներկայացնել Երևանի քաղաքապետին կամ վարչական շրջանի ղեկավարին՝ կցելով նախագծի մանրամասն էսքիզային առաջարկը և ներկայացնելով դրա նպատակն ու բովանդակությունը։
Ինչպես հաղորդում է «Արմենպրես»-ը՝ վկայակոչելով Երևանի քաղաքապետարանը, եթե նախագիծը նախատեսվում է իրականացնել բազմաբնակարան շենքի վրա, անհրաժեշտ է նաև ներկայացնել շենքի սեփականատիրոջ, համատիրության նախագահի կամ տվյալ շենքի բնակիչների կողմից ստորագրված համաձայնությունը կամ թույլտվությունը։

Եղանակային անբարենպաստ պայմանների և ուժեղ կայծակի հետևանքով հունիսի 12-ին, ժամը 18:16-ին վթարվել է Ալագյազ 35/10 կՎ ենթակայանի ուժային տրանսֆորմատորը, ինչի հետևանքով հոսանքազուրկ են մնացել Արագածոտնի մարզի մի շարք բնակավայրեր։
Այս մասին հայտնում են «Հայաստանի էլեկտրական ցանցեր» ՓԲԸ-ից՝ մանրամասնելով, որ խոսքը մասնավորապես՝ Ռիա Թազա, Միրաք, Մելիք, Միջնատուն, Սիփան, Ավշեն, Ալագյազ, Գեղարոտ, Ծիլքար, Լեռնապահ և Ջամշլու գյուղերի մասին է։
Նշվում է, որ այսօր վաղ առավոտից՝ ժամը 06:00-ից, մեկնարկել են վնասված տրանսֆորմատորի փոխարինման աշխատանքները։
Աշխատանքների ավարտից հետո էլեկտրամատակարարումը կվերականգնվի հնարավորինս սեղմ ժամկետում՝ առաջիկա ժամերի ընթացքում: