Category: Elbakyan’s diary

ԸՆԴՈՒՆԵԼՈՒԹՅՈՒՆ ՀԱՅԿԱԿԱՆ ՀԱՄԱԼՍԱՐԱՆ
❓ Ընկերնե՛ր, ինձ հաճախ եք հարցնում, թե ինչպես կարող եք սովորել մեր Հայկական համալսարանում։
📝 Ուրախ ենք՝ տեղեկացնելու, որ մեկնարկել է Հայկական համալսարանի նոր հոսքի ընդունելությունը։
🇦🇲 Եթե դուք կամ ձեր ծանոթներից մարդիկ հետաքրքրված եք Հայաստանի և Արցախի ներկայիս հիմնախնդիրներով, դրանց գիտելիքահեն լուծման ուղիներով, ինչպես նաև փնտրում եք համախոհների շրջապատ, ապա այս հայտարարության հասցեատերը դուք եք։
🔗 Դիմելու, ինչպես նաև դասավանդվող առարկաներին ու ձևաչափին ծանոթանալու համար կարող եք այցելել պաշտոնական կայքը՝ https://armenianuniversity.com/apply/
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

Վերջին իրադարձությունների մասին անգլալեզու հարցազրույց «Հայրենիք մեդիայի» եթերում։
https://www.youtube.com/watch?v=HR9a1CLkYIQ
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

⚡️Քոչարյանների ընտանիքը ենթարկվում է սիստեմատիկ և հետևողական բռնաճնշումների՝ սկսած 2018 թ.-ից
🔷Այսօր այդ երևույթի դրսևորումներից հերթականն էր։
🔷Պատճառները երկուսն են՝
1️⃣ Ռոբերտ Քոչարյանի ղեկավարած Արցախի հետ է Ադրբեջանը՝ ՀՀ ներկայիս դե ֆակտո իշխանությունների արտաքին հովանավորներից մեկը, 1994 թ.-ին ստիպված եղել հրադադար ստորագրել։
2️⃣Այդ ընտանիքն արդեն մեր օրերում իր հնարավորությունների սահմաններում պայքարում է ՀՀ դե ֆակտո իշխանությունների դեմ, որոնց արտաքին հովանավորներից մեկն Ադրբեջանն է։
🔷Իմ աջակցությունն եմ հայտնում բոլոր քաղհալածյալներին և քաղբանտարկյալներին։
քաղաքագետ
Էլբակյան Էդգար
@armnationalfront

Դե-ֆակտո «հակակոռուպցիոն կոմիտեն» այսօր հայտարարություն է տարածել, որ մեղադրանք է առաջադրվել գիտնական, պատմագիտության ազգային դպրոցի կարկառուն ներկայացուցիչ, ականավոր համալսարանական Էդիկ Մինասյանին։
Այս առնչությամբ ուզում եմ ասել, որ արդարադատությունն ավարտվում է այն պահին, երբ այն սկսում է հետապնդել ոչ թե հանցակազմը, այլ մարդուն։ Իսկ Է․ Մինասյանին հետապնդելու պատճառների պակաս ներկա ռեժիմի ներկայացուցիչները չունեն։ Քչերն են այսօր հիշում, թե ինչ վայնասուն էին բարձրացրել այնժամ հակաիշխանական, հիմա իշխանական կերպարները 2007-2008 թթ․ իշխանազավթման փորձի մասին հետագայում Էդիկ Մինասյանի գրած սթափ և անաչառ դասագրքային նյութի առթիվ։ Նույնիսկ մամուլի ասուլիս հրավիրելու անհրաժեշտություն առաջացավ՝ պարզաբանումներ տալու համար։
Ինչ վերաբերում է «հակակոռուպցիոնի» տարածած նյութին, ապա այն ավելի շատ ստալինյան դարաշրջանի անոնիմկա է հիշեցնում, քան փաստական նյութ։ Երկու հոգի, ժխորի մեջ կանգնած, չես էլ հասկանում, ով ում է ձայնագրում, հիշատակում են երրորդ մարդու անուն, ու դրա հիման վրա այդ մարդուն մեղադրանք է առաջադրվում։ Տարբերությունը մեծ չէ այս նյութի և «Ռոբերտ Աբաջյանի կեղծ պապիկի» կամ 2020 թ․-ին Երևանում նկարահանված «առաջնագծի» վիդեոների միջև։
Կարճ ասած՝ ռեժիմի կողմից հալածվողների թիվը համալրվեց ևս մեկով։ Համբերություն ու տոկունություն եմ մաղթում ընկեր Մինասյանին և նրա ընտանիքին։
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

Հայաստանի ղեկին հայտնված անձանց սփյուռքատյացությունը նոր չէ։ Կհիշե՞ք, որ Լևոն Տեր-Պետրոսյանն սփյուռքահայերին անվանում էր «նարինջ ուտող»։
Ե՛վ տերպետրոսյանական, և՛ քպ-ական մոտեցումը նույնն է․ չընդունելով ակնհայտը, որ Հայաստանի ու հայության թշնամին եղել և մնում է թուրքական ցեղասպանական պրոյեկտը՝ այս ռեժիմներն ինքնաբերաբար թշնամի են համարում այդ կործանարար քաղաքականությանը դիմադրողներին։ Այդ շարքում են տվյալ օրերի ընդդիմությունը, այդ թվում՝ Դաշնակցությունը, Սփյուռքը, հայոց եկեղեցին, որոնք կազմում են Հայաստանի և հայության հակակապիտուլյացիոն ենթակառուցվածքը։
Սա էր պատճառը տերպետրոսյանական՝ գռեհկությամբ ՔՊ-ական խոսվածքին չզիջող այդ տխրահռչակ արտահայտության։ Դրանով նա փորձում էր հայության մի հատվածին համոզել, որ իրենց վատ ապրելու պատճառը ոչ թե օրումեջ Մեջլիսից հայերի ցեղասպանությունն ավարտին հասցնելու կոչեր հնչեցնող Թուրքիան, տերպետրոսյանական վայրի կապիտալիզմը, «սեփականաշնորհումներն» ու ազգային հարստության «վաուչերիզացիան» են, այլ ցեղասպանությունը վերապրած հայության մեկ այլ հատվածը, որոնք … նարինջ են ուտում։ Մի հարցնող լիներ՝ «քո՞ փայ նարինջն են ուտում, ախպե՛ր ջան»։
Հերոսագիր պատմիչ Եղիշեն համարում էր, որ բոլոր չարիքները մարդու միտք են ներթափանցում տգիտությունից։ Հայաստանյան էլիտաների դեպքում բոլոր չարիքների պատճառը մեկն է՝ չընդունել ակնհայտը, որ Հայաստանի ու հայության թշնամին եղել և մնում է թուրքական ցեղասպանական պրոյեկտը։ Այդ սխալ մեկնակետից սկսվում է էլիտա կոչեցյալի դիմահեղումը դեպի այս կամ այն չափով հակահայկական գոյացության։
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

Ո՞վ է մեղավոր հայ-ադրբեջանական թշնամանքի մեջ․ հերքելով դե-ֆակտո իշխանությունների հերթական մանիպուլյացիան
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

«Արցախի թեման էլ արդիական չի» մտածողությունը սխալ է և քաղաքականապես վտանգավոր։ Մենք պարտավոր ենք առաջնահերթ կարգով բարձրաձայնել հենց ազգային խնդրի մասին։
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

«Միջանցքդ սոցիոլոգիայով կտրեմ» կամ խոսում են փաստերը
Երեկ հրապարակայնորեն հայտարարվեց, որ «Ուժեղ Հայաստանը» չունի հակամիջանցքային դիրքորոշում, ավելին՝ միջանցքը համարում է ճանապարհ։ Սա տեսանելի էր մասնագիտական դիտանկյունից նաև մինչ այս, բայց հրապարակային խոստովանությունը պահանջում է լույս սփռել որոշ կարևոր երևույթների վրա։
Հաշվի առնելով, որ «Ուժեղ Հայաստանը» նախընտրական տարում հանդես է եկել որպես հակաիշխանական ընդհանրական պայքարի դրոշն ստանձնած կուսակցություն՝ նախ դիտարկենք, թե ինչպես են նրանց ընտրողները վերաբերվում «Թրիփ» կոչված միջանցքին։ Այսպես՝ «Ուժեղ Հայաստանի» օգտին քվեարկելու պատրաստակամություն հայտնած անձանց միայն 2.5%-ն է դրական գնահատել «Թրիփ» նախագիծը, մինչդեռ 47.5% այն բացասական է գնահատել։ Տվյալները վերցված են «Հայկական նախագիծ» կազմակերպության իրականացրած «Հայկական մտքաչափ (2026 թ․ ձմեռ)» սոցիոլոգիական հետազոտությունից (ավելի մանրամասն՝ նկարի մեջ)։ Սա նշանակում է մի բան, որ երևի թե առանց սոցիոլոգիայի էլ էր պարզ, այն է՝ «Ուժեղ Հայաստանի» ընտրազանգվածը հակաթրիփային է, իսկ կուսակցական ղեկավարությունը, ինչպես տեսանք, հակառակը։
Ցավոք, խնդիրն ավելի խորն է, քան միջանցքի թեմայով արված մեկ հայտարարությունը։ Խնդիրը քաղաքական պատասխանատվությունն ու հետևողականությունն են։ Խնդիրը, եթե կուզեք, այն է, որ քաղաքական ուժը չի կարող ուրբաթ օրը՝ Վեհափառի դեմ շինծու դատական հետապնդման ժամանակ, ժողովրդահաճո լայքաբեր հայտարարություն անել, որ «դատավորը հայ էր»՝ փաստացի խաղարկելով այն խոսույթը, որ հակաեկեղեցական կեցվածք ունեցողները «ներքին թուրք են», իսկ դրանից հինգ օր անց՝ չորեքշաբթի, առաջ տանել նույն այդ «ներքին թուրքի» թեզը, թե իբր միջանցքը միջանցք չէ, այլ ճանապարհ։
Նման քաղաքական վարքն ուղիղ ճանապարհ է դեպի մետաֆիզիկական ինվերսիա, երբ հրեշի դեմ պայքարողն ինքն է որդեգրում հրեշի խառնվածքը։ Այդ ճանապարհով է անցել ՀՀՇ-ն, որ, արցախյան շարժման ալիքի վրա իշխանության գալով, սկսեց «Ղարաբաղյան կնճռից» օր առաջ ձերբազատվելու ուղիներ որոնել։ Այդ ճանապարհով է անցել ՔՊ-ն, որ 2021 թ․-ին խոստանում էր Շուշիի ու Հադրութի խաղաղ դեօկուպացիա, իսկ ընտրվելուց հետո Արցախի մնացած հատվածն էլ հանձնեց։
Ո՛չ ՀՀՇ-ն, ո՛չ ՔՊ-ն քաղաքական պատասխանատվություն չեն կրել խոսքի ու գործի միջև այդպիսի ահռելի անդունդ փորելու համար, դրա համար այդ ճանապարհը գայթակղիչ կարող է թվալ նույնիսկ իրենց ՔՊ-ի քաղաքական հակառակորդ հռչակածների համար։

«Բայց պետք չի»,- ինչպես կասեր մի լեգենդար աբովյանցի երիտասարդ։ Հայոց ազգային-ազատագրական պայքարի դրոշը մեր նախորդ սերունդների, ապրողներիս և դեռ ծնվելիք սերունդների ազգային իղձերի մարմնավորումն է, որ հատուկ հոգածություն է պահանջում։ Այն չի կարող տնօրինվել որպես էժանով ձեռք բերված բաժնետիրական ակտիվ…
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

Այսպես կոչված «Թրիփը» գործառութային առումով թուրքերի ձևակերպած և պահանջած «Զանգեզուրի միջանցքն» է։ Ավա՜ղ։ Դեռ մի կողմ թողնելով պատմաքաղաքական ապացուցողական ամբողջ համաշարը՝ թեկուզ միայն օգոստոսի 8-ի տխրահռչակ հռչակագրում հանդիպող «ՀՀ տարածքի վրայով Ադրբեջանի Հանրապետության և Նախիջևանի Ինքնավար Հանրապետության միջև անխոչընդոտ կապ» ձևակերպումը հիմնավորում է նվաստիս պնդումը։ Երկրորդ կարծիք այս հարցում կարող է լինել միայն ռազմավարական մեծ պատկերի փոխարեն բառային փաթեթավորումների վրա կենտրոնանալու դեպքում։
Բայց նույնիսկ այդ ճանապարհը լավ տեղ չի տանում։ Դիցուք՝ «Թրիփն» իսկապես ոչ թե միջանցք է, այլ ճանապարհ։ Ե՞վ։ Ի՞նչ է փոխվում դրանից։ Ընդհանրապես Հայաստանի շահերից բխո՞ւմ է, որ մեր ճանապարհները զավթող, մեզնից Արցախը գրաված, մեր մեծամեծերին պատանդառած թշնամիներն առհասարակ իրար միանալու ճանապարհ ունենան, այն էլ՝ մեր իսկ տարածքով…
Մեզ պետք է ոչ թե բառերի ճշգրտում, այլ ռազմավարական մտածողության հեղափոխություն։ Հեղափոխությունը մտածողության, գործունեության և առհասարակ տիրապետող մոդալությունների արմատական կերպափոխումն է։ Սրանով է հեղափոխությունը տարբերվում սովորական փոփոխությունից, որը սոսկ տիրող կարգերի շրջանակներում իրագործվող «թույլատրելի» ճշգրտում է։
2018 թ․ և հատկապես 2020 թ․-ից Հայաստանն զգում է ճշմարիտ հեղափոխության կարիք։ Միայն այդ դեպքում հայկական քաղաքակրթությունը և դրան սպասարկելու կոչված քաղաքական դաշտը հասու կդառնան Հայաստանի իրական շահերին՝ զերծ դրսեկ և օտար խաղացողների ձևավորած «նորմալ ստատուս-քվոյի» թելադրանքներից։
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar

Իսկ գիտեի՞ք, որ տակավին 17-րդ դարի հայ բանագնաց և օրիենտալիստ Պետրոս Ապետիքը ճշտությամբ նկարագրել է ՔՊ-ի ներսում տիրող վախերը և ընդդիմադիր դաշտի մասնատվածությունը։ Ահա այդ հատվածը՝ հեղինակի «Քառասնասյուն» (Վիեննա, 1678, էջք 341-342) երկից։
«… Քանի որ առիթ է հարուցվել՝ խոսելու թուրքերի մասին, զանց չպիտի առնեմ հուշարժան մի բան պատմել հարցասեր ընթերցողին։ Այն մասին, թե քրիստոնեից այս ոխերիմ թշնամիներն ինչ են մտածում նույն այդ քրիստոնյաների մասին, և ուստի՝ սովորություն ունեն իրենց տաճարներում միաձայն աղոթելու․ “Hala Kafier Lere birlich vermefin.”, որ ասել է թե՝ «թող Աստված միասնություն և խաղաղություն չպարգևի անհավատներին», որով անօրենները նկատի ունեն քրիստոնյաներին։ Քանզի վախենում են քրիստոնեից ձեռքով իրենց վերջնական ոչնչացումից (և թող Աստծո բարեհաճությամբ ի կատար ածվի սա նրանց վրա)։
Այս բարբարոսներն ինքնապես ընդունում են, որ մի օր անհավատների, այն է՝ քրիստոնեից զորությամբ հարկադրվելու են թողնել իրենց տիրապետությունը, որ, ըստ իրենց իսկ համոզմունքի, ձեռք են բերել Մուհամեդի շնորհով, ինչից հետո վերստին պիտի փախչեն դեպի վերջին հանգրվանը՝ Արաբիա, որ է իրենց մարգարեի հայրենիքը։
Թող Աստված կատարի այս բանը, որ Աստծո Սուրբ եկեղեցին, բաղձացած ցնծությունների մեջ, օրհներգակից դառնա Զաքարիային՝ ասելով․ «փրկութիւն՝ մեր թշնամիներից», ինչպես և «մեր Աստծու գթառատ ողորմութեան շնորհիւ, որով բարձունքից արեգակը մեզ կ’այցելի»։
#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar