Category: Hetq

Գյուղացու մեկ օրը․ Սալվարդ
Առավոտյան ժամը հինգն անց կես է։ Սալվարդ գյուղի վրա կախված մշուշը դեռ չի ցրվել։ Արևը կամաց-կամաց լուսավորում է գյուղը։ Նորիկ Անդրեասյանը մտնում է գոմ։ Կովերին պետք է կթել։ Ժամը 6։30 «կաթի մեքենան» կգա, պետք է մինչ այդ ամեն ինչ հասցնել։ Կովերը օրը 2 անգամ են կթում՝առավոտյան՝ նախքան նախիրը ճանապարհելը, և երեկոյան, երբ նախիրը վերադառնում է։ 8 կովը օրական 90-100 լիտր կաթ է տալիս, որը հանձնում են կաթնամթերքի գործարան։
61-ամյա Նորիկ Անդրեասյանը ծնվել ու ամբողջ կյանքն անցկացրել է Սյունիքի մարզի Սիսիան համայնքի Սալվարդ գյուղում։ Անդրեասյանների ընտանիքում ապրում են Նորիկն ու կինը՝ Արմանուշը, որդիները՝ Մովսեսն ու Մասիսը, Մասիսի կինը՝ Մանեն, թոռները՝ Սառան, Սերինեն ու Նորիկը։ Մեծ որդու ընտանիքը Կապանում է։

Ի՞նչ են հայտարարագրել «Ուժեղ Հայաստան»-ի թեկնածուները
«Ուժեղ Հայաստան» դաշինքի 200 թեկնածուներն ընդհանուր 5 մլրդ 797 մլն դրամին համարժեք գումար են հայտարարագրել, որից ավելի քան 1,5 մլրդ դրամը ցուցակի առաջին համար Նարեկ Կարապետյանինն է։ Թեկնածուները միասին 3 մլրդ 190 մլն դրամ եկամուտ են հայտարարագրել, սակայն նրանց 24%-ը գործազուրկ է։
Գործարարներ, փաստաբաններ և գործազուրկներ. ովքե՞ր են դաշինքի միլիոնատերերը, ովքե՞ր են ամենաբարձր եկամուտ ստացողները և ամենաշատ գույք ունեցող թեկնածուները։
📌 «Հետք»-ն ուսումնասիրել է դաշինքի 200 թեկնածուների հայտարարագրերը։
🔗 Մանրամասները՝ ԱՅՍՏԵՂ

Ինֆինիտո՝ նորարարական ֆունգիցիդ ձեր առողջ և առատ բերքի համար
Վճարովի բովանդակություն
Ինֆինիտոն BAYER ընկերության նորարարական համակարգային ֆունգիցիդ է, որն ունի օոմիցետների դասի սնկերի դեմ պայքարելու եզակի մեխանիզմ: Այն արդյունավետորեն ոչնչացնում է բջջի խիտինային ծածկույթը և բջջապատը: Հարկ է նշել, որ Ինֆինիտոյից բացի ազդեցության նման մեխանիզմը բնորոշ չէ որևէ այլ ֆունգիցիդին:
Ինֆինիտոյի բաղադրանյութ ֆլուոպիկոլիդը պատկանում է նոր քիմիական դասին և պայքարում է պաթոգենների դեմ զարգացման բոլոր փուլերում: Բացի դրանից, Ինֆինիտոն ունի տրանսլամինար ազդեցության հատկություն, որի արդյունքում նյութը ներթափանցում է հյուսվածքի մեջ և տեղաշարժվում միջբջջային տարածություններում:
📌 Ինֆինիտոն կարող եք օգտագործել բանջարային այնպիսի մշակաբույսերի մեջ, ինչպիսիք են՝ կարտոֆիլը, լոլիկը, վարունգը, սոխը և կաղամբը: Պատրաստուկը հատկապես արդյունավետ է հետևյալ հիվանդությունների դեպքում՝ ֆիտոֆտորա, ալտերնարիոզ, ալրացող և պերոնոսպորոզ:

Արծվաշեն. Հայաստանի միակ էքսկլավը
Արծվաշենը Հայաստանի միակ էքսկլավն է, որը շրջապատված է ժամանակակից Ադրբեջանի տարածքով: Ադրբեջանի համար այն անկլավ է: Ավելին՝ սա ՀՀ միակ բնակավայրն է, որը 1992 թ. օգոստոսի 8-ից Ադրբեջանի վերահսկողության տակ է:
🔻Բայց նախ եկեք հասկանանք, թե ինչ են անկլավն ու էքսկլավը:
❗️Անկլավը օտար պետության սահմանների մեջ գտնվող եւ այդ պետությանը չպատկանող տարածք է։ Անկլավը կարող է լինել առանձին պետություն (օրինակ՝ Իտալիայի սահմաններով շրջափակված Սան Մարինոն) կամ մեկ այլ պետությանը պատկանող տարածք (նույն Արծվաշենը, որը շրջափակված է Ադրբեջանի սահմաններով, բայց անկախ չէ, այլ պատկանում է ՀՀ-ին)։ Եթե անկլավը ելք ունի դեպի ծով, ապա կոչվում է կիսաանկլավ։ Օրինակ՝ Մոնակոն կիսաանկլավ է, որովհետեւ շրջափակված է Ֆրանսիայի սահմաններով, սակայն ելք ունի դեպի Միջերկրական ծով։
❗️Եթե անկլավն անկախ չէ եւ պատկանում է մեկ այլ պետության, ապա համարվում է վերջինիս էքսկլավը։ Արծվաշենը ՀՀ-ի էքսկլավն է։ Ռուսաստանի էքսկլավ է Կալինինգրադի մարզը, ավելի ճիշտ՝ այն կիսաէքսկլավ է, որովհետեւ ելք ունի դեպի Բալթիկ ծով։ Կալինինգրադի մարզը, ինչպես հայտնի է, ցամաքից շրջափակված է Լեհաստանի եւ Լիտվայի սահմաններով, սակայն վերջիններիս համար այն անկլավ չէ, քանի որ անկլավ ասելով՝ հասկանում ենք բացառապես մեկ պետության սահմաններով շրջափակված տարածք։ Նմանապես Նախիջեւանն Ադրբեջանի էքսկլավն է, սակայն անկլավ չէ որեւէ մեկի համար, քանի որ սահմանակցում է ոչ թե 1, այլ 3 պետության՝ Հայաստանին, Իրանին, Թուրքիային։
🔗 Մանրամասները՝ ԱՅՍՏԵՂ

🇺🇸🇦🇲 Դոնալդ Թրամփն առաջիկա ընտրություններում իր աջակցությունն է հայտնել Նիկոլ Փաշինյանին
ԱՄՆ առաջնորդը Truth Social-ում հրապարակված իր գրառման մեջ Նիկոլ Փաշինյանին անվանել է «հիանալի ընկեր և առաջնորդ, որն իր երկիրը ուժեղ, հարուստ և շատ անվտանգ է դարձնում»։

«Նիկոլն ամբողջությամբ կիսում է խաղաղության, Հայաստանի ու ողջ Հարավային Կովկասի բարգավաճման իմ տեսլականը»

,- գրել է ԱՄՆ նախագահը։
Դոնալդ Թրամփը հավելել է, որ ավելի վաղ ԱՄՆ պետքարտուղար Մարկո Ռուբիոն այցելել էր Հայաստան՝ «երկու երկրների համար բավականին կարևոր մի քանի գործարքների համար»։ Նա հավելել է, որ ԱՄՆ-ն ու Հայաստանը շուտով ձեռնամուխ կլինեն ««Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրագործմանը, որը, ըստ նրա, կվերափոխի Հարավայի Կովկասն ու ամերիկյան էներգետիկ ընկերություններին հասանելիություն կտա տարածաշրջանի ռեսուրսներին՝ Կենտրոնական Ասիայից մինչև ԱՄՆ։

«Այս կապակցությամբ ես լիովին և անվերապահորեն աջակցում եմ Նիկոլի վերընտրությանը 2026 թվականի հունիսի 7-ին»

,- հայտարարել է ԱՄՆ նախագահ
🔻 Դոնալդ Թրամփը՝ հավելելով, որ Նիկոլ Փաշինյանի օգնությամբ «ԱՄՆ-ն, Հայաստանը, Հարավային Կովկասը և Կենտրոնական Ասիան կհասցնենք էլ ավելի մեծ բարձունքների, քան երբևէ»։ 
 
«Դարձնենք Հայաստանը նորից հզոր»,- եզրափակել է Թրամփը։
🗣Վարչապետ Նիկոլ Փաշինյանը ֆեյսբուքյան գրառմամբ շնորհակալություն է հայտնել «բարձր գնահատականի և բարեկամական խոսքերի համար»։

Երբ հանրային կարծիքը կարևոր չէ, կամ ինչպես շրջանցել բնապահպանական փորձաքննությունը
Ազատեկի ոսկի-բազմամետաղների հանքավայրի ուսումնասիրության լիցենզիան տրամադրվել է «Աուրում Միներալս» ՍՊԸ-ին` ❗️առանց շրջակա միջավայրի վրա ազդեցության փորձաքննության, առանց հանրային լսումների, առանց ավագանու համապատասխան որոշման: Այսինքն` հաշվի չեն առնվել ազդակիր համայնքների բնակիչների կարծիքը, նրանց դիրքորոշումը և ապագան:
📌 Հայաստանի օրենսդրությունը հստակ սահմանել է երկրաբանական ուսումնասիրությունների համար նախատեսված գործընթացը, որը շրջանցել հնարավոր չէ, եթե չես շրջանցում օրենքները:
🔗 Մանրամասները՝ ԱՅՍՏԵՂ

🚗 Վարորդները կարող են հետ ստանալ «կարմիր գծերի» համար վճարված գումարները. Վճռաբեկ դատարանը վարույթ չի ընդունել ավագանու բողոքը
Վարորդները կարող են դիմել Երևանի քաղաքապետարան՝ պահանջելով հետ վերադարձնել վճարովի ավտոկայանատեղիների համար 2025թ-ին գանձված գումարները։ Վճռաբեկ դատարանը վարույթ չի ընդունել Երևանի ավագանու բողոքը, որը վերաբերում էր վճարովի ավտոկայանատեղիների՝ «կարմիր գծերի» թանկացմանը: Ուժի մեջ է մտել Վարչական դատարանի որոշումը, որով անվավեր են ճանաչվել ավագանու՝ կայանման թանկացմանը վերաբերող դրույթները։
📌 Երևանի ավագանու ընդդիմադիր «Մայր Հայաստան» խմբակցությունը Վարչական դատարանում վիճարկել է ավագանու այն որոշումները, որոնցով 2024 և 2025 թվականներին թանկացել են վճարովի կայանատեղիների գները։ Դատարանը երկու դեպքում էլ անվավեր է ճանաչել գների բարձրացումը՝ պատճառաբանելով, որ կայանման վճարն օրենքով չի կարող գերազանցել ծառայության կազմակերպման փաստացի ծախսերը: 🔻Բացի այդ՝ արձանագրվել է, որ տեղական վճարի դրույքաչափի բարձրացումն ընդհանրապես չի կարող կիրառվել որևէ փողոցի բեռնաթափման նպատակով, կամ որ նույնն է՝ դրույքաչափի բարձրացման հիմքում չի կարող դրվել որևէ փողոցի բեռնաթափման նպատակը:

Տնային կալանքում գտնվողները կկարողանան գնալ ընտրատեղամաս և մասնակցել քվեարկությանը
Հայաստանում, 2026թ. մայիսի 26-ի դրությամբ, տնային կալանքի մեջ պահվում է 924 անձ։ Պրոբացիայի ծառայությունը կապահովի ընտրելու իրավունքի իրացումը, եթե տնային կալանքի մեջ գտնվողները ցանկանան մասնակցել հունիսի 7-ին սպասվող Ազգային ժողովի ընտրություններին։ 🗣 Այս մասին «Հետքին» հայտնեց Արդարադատության նախարարի մամուլի քարտուղար Մարիամ Մելքոնյանը։
📌 Նշենք, որ տնային կալանք կրող անձինք ընտրելու իրավունք ունեն։ Միաժամանակ, տնային կալանքի դեպքում անձը պարտավոր է գտնվել իր բնակության վայրում և չի կարող ազատ դուրս գալ՝ առանց թույլտվության։

🍷Արմենիա Վայնը հյուրընկալեց Concours Mondial de Bruxelles-ի 450 հյուրերի
Օրերս Հայաստանում անցկացվեց 33րդ Concours Mondial de Bruxelles միջազգային մրցույթը, որն ամբողջ աշխարհում ալկոհոլային խմիչքների և գինու ամենահեղինակավոր հարթակն է։ Այն դարձավ հայկական գինեգործության պատմության ամենահիշարժան և շրջադարձային իրադարձություններից մեկը՝ Հայաստան բերելով գինու համաշխարհային շուկայի ամենահայտնի և ազդեցիկ դեմքերին։
🔻Ամենամասշտաբային գինու մրցույթներից մեկն առաջին անգամ հյուրընկալվեց գինեգործության հնագույն բնօրրաններից մեկում, և հազարամյակների պատմություն ունեցող հայկական գինեգործությունը կրկին հայտնվեց համաշխարհային ուշադրության կենտրոնում՝ ապացուցելով, որ Հայաստանը ոչ միայն ունի հարուստ գինեգործական ժառանգություն, այլ նաև այսօր վստահորեն ձևավորում է իր տեղը համաշխարհային գինու քարտեզի վրա։
Վճարովի բովանդակություն

Վարկերի աճը գերազանցում է եկամուտներին. ԿԲ-ում քննարկում են սահմանափակումների հարցը
2025 թվականին հայաստանյան բանկերի կողմից ֆիզիկական անձանց ու բիզնեսին տրամադրվող վարկերն ավելի արագ են աճել, քան մարդկանց եկամուտները։ Վարկերի աճը գերազանցում է նաև տնտեսական աճը։ Կենտրոնական բանկը զգուշացնում է, որ սա ռիսկեր է պարունակում, քանի որ մեծացրել է մարդկանց վարկային բեռը։
❗️Կենտրոնական բանկում այս պահին բանավեճեր են՝ սահմանափակե՞լ բանկերին վարկավորման հարցում, թե՞ թողնել բանկերի ու քաղաքացիների հայեցողությանը։
🔗Ամբողջական հոդվածը՝ կարդա ԱՅՍՏԵՂ