Category: Hetq

«Սանիթեքի» պարտությունը. ինչպե՞ս ձախողվեց 36 մլն դոլարի հայցն ընդդեմ Հայաստանի
Միջազգային արբիտրաժային դատարանը 2026թ.-ի մայիսի 22-ին մերժել է «Սանիթեք» ընկերության մոտ 36 միլիոն ԱՄՆ  դոլարի հայցն ընդդեմ Հայաստանի Հանրապետության։ Գործի քննությամբ պարզվել է, որ Երևանի աղբահանության ձախողման հիմքում ոչ թե պետության «խտրական» գործողություններն են, այլ ընկերության տեխնիկական և ֆինանսական վատ վիճակը։ 2019թ․-ին Երևանի քաղաքապետարանի իրականացրած գույքագրումը, ուսումնասիրություններն ու իրավական հիմնավորումները թույլ են տվել պետությանը հաղթանակ տանել ներդրումային վեճում։
🔗 Մանրամասները՝ կարդա ԱՅՍՏԵՂ

Ինչ են խոստանում քաղաքական ուժերը արցախցիներին
Արցախի հարցն ու արցախահայության ապագան հայկական քաղաքական դիսկուրսի կենտրոնական հարցերից են: Դա են ցույց տալիս 2026-ի հունիսի 7-ի խորհրդարանական ընտրություններին մասնակցող 19 քաղաքական ուժերի նախընտրական ծրագրերը։ Թեև կուսակցությունների մեծ մասն այս կամ այն կերպ անդրադառնում է այս թեմային, որեւէ մեկը հստակ ճանապարհային քարտեզ չի ներկայացնում, հատկապես, երբ Արցախի հարցը դիտարկվում է ավելի լայն համատեքստում, քան պարզապես ՀՀ-ում արցախցիների սոցիալական խնդիրների լուծում:
🔻Այն քաղաքական ուժերը, որոնք բարձրաձայնում են արցախցիների՝ Արցախ վերադառնալու իրավունքը, մեծամասամբ բավարարվում են ընդհանուր ձևակերպումներով՝ առանց հստակեցնելու, թե ինչպես են պատրաստվում իրացնել կամ պաշտպանել այդ իրավունքը:
📌 Ընդհանուր առմամբ, Արցախին առնչվող դրույթները կարելի է պայմանականորեն բաժանել երկու ուղղության՝ ՀՀ-ում արցախահայության ինտեգրում (ներքին քաղաքականության հարց) և վերադարձ հայրենիք (միջազգային բանակցությունների օբյեկտ): Միաժամանակ, նախընտրական պայքարին մասնակցում են ուժեր, որոնք «փակել են Արցախի էջը», հետեւաբար իրենց ծրագրերում չեն անդրադառնում ո՛չ Արցախի խնդրին, ո՛չ էլ արցախցիների սոցիալական հարցերին։
🔗 Մանրամասները՝ ԱՅՍՏԵՂ

Նախընտրական խոստումների «մրցավազք» առողջապահության ոլորտում
Եթե ի մի բերենք Հայաստանի 2026 թվականի նախընտրական քարոզարշավի առողջապահությանը վերաբերող խոստումները և պատկերացնենք, որ դրանք դարձել են իրականություն, ապա կստացվի, որ
➖Հայաստանի բնակչությունն ունի առողջապահության ապահովագրություն,
➖բժիշկներն ու բոլոր բուժաշխատողները ստանում են միջինից բարձր աշխատավարձ,
➖դեղերն էժան են ու բոլորին հասանելի,
➖Հայաստանի բոլոր մարզերում կան ժամանակակից, միջազգային ստանդարտներին համապատասխան հիվանդանոցներ,
➖բոլորն ակտիվ զբաղվում են սպորտով,
➖Հայաստանը դարձել է բժշկական տուրիզմի կենտրոն:
Սրանք 2026 թվականի նախընտրական քարոզարշավում ամենահաճախ հնչող խոստումներն են։ Սակայն, կան վարչապետի պաշտոնին և իշխանությանը հավակնող ուժեր, որոնք նույնիսկ նախընտրական ծրագիր չեն ներկայացրել։ Որոշներն էլ, չնայած ծրագիր ունենալուն, Հայաստանի ապագան պատկերացրել են առանց առողջապահության ոլորտում բարեփոխումներ անելու:
💊 «Հետքը» առանձնացրել է առողջապահության ոլորտի նախընտրական խոստումները և խմբավորել քաղաքական ուժերին՝ ըստ ոլորտի նկատմամբ իրենց մոտեցումների։
🔗 Կարդացեք՝ ԱՅՍՏԵՂ

Հայաստանը և ԱՄՆ-ն ստորագրել են կարևորագույն հանքանյութերի ոլորտում համագործակցության հուշագիր
Հայաստանի Հանրապետության և Ամերիկայի Միացյալ Նահանգների միջև կարևորագույն հանքանյութերի և հազվագյուտ հանածոների արդյունահանման և մշակման ոլորտում մատակարարման ապահովման շրջանակային հուշագիր է ստորագրվել։ Հուշագրի տեքստը հրապարակվել է ՀՀ ԱԳՆ կայքէջում, որը կարող եք կարդալ ԱՅՍՏԵՂ։

Արաբկիրում նոր շինությունը կառուցվում է նորմերի խախտմամբ․ բնակիչները բողոքում են
Նախկին պատգամավորի ընտանիքին պատկանող ընկերությունը Արաբկիր վարչական շրջանի Արամ Խաչատրյան փողոցի 33/4 հասցեում հինգ հարկից բաղկացած հասարակական նշանակության շինություն է կառուցում։ Հարակից շենքի բնակիչների խոսքով՝ քաղաքապետարանը չպետք է շինթույլտվություն տրամադրեր, քանի որ շինության կառուցումը հանգեցնելու է մի շարք շինարարական նորմերի խախտման։
📌 Բնակիչները բազմիցս դիմել են Երեւանի քաղաքապետարան, սակայն իրենց հուզող հարցի պատասխանն այդպես էլ չեն ստացել։ Պնդում են, որ քաղաքապետարանը շինթույլտվություն չպետք է տրամադրեր։ Ըստ քաղաքապետարանի՝ շինթույլտվության համար հիմք է հանդիսացել կառուցապատող Հայկ Հովհաննիսյանի էսքիզային նախագիծը։
🔗 Մանրամասները՝ ԱՅՍՏԵՂ

❓Ի՞նչ են հայտարարագրել «Բարգավաճ Հայաստան» կուսակցության թեկնածուները
«Բարգավաճ Հայաստան» կուսակցության պատգամավորի 104 թեկնածուներն ընդհանուր ավելի քան 17 մլրդ դրամին համարժեք դրամական միջոցներ են հայտարարագրել, դրանից 15․2 մլրդ դրամը ԲՀԿ առաջնորդ Գագիկ Ծառուկյանինն է։ Թեկնածուների 40%-ը գործազուրկ է, 29-ը որևէ եկամուտ չի հայտարարագրել, 18 թեկնածու նշել է, որ դրամական միջոց չունի, 3-ն էլ դատարկ հայտարարագիր է ներկայացրել Կենտրոնական ընտրական հանձնաժողով։
📌 «Հետքն» ուսումնասիրել է «Բարգավաճ Հայաստան» կուսակցության 104 թեկնածուների հայտարարագրերը։
ԲՀԿ ցուցակը գլխավորում է կուսակցության նախագահ, գործարար Գագիկ Ծառուկյանը։ Նա առաջադրված 19 ուժերի առաջին համարների շարքում ամենաշատ դրամական միջոցներն ու եկամուտն է հայտարարագրել՝ Կենտրոնական ընտրական հանձնաժողով ներկայացնելով 11 էջանոց հայտարարագիր։ 
🔗 Մանրամասները՝ ԱՅՍՏԵՂ

🇺🇸🇦🇲 ԱԳ նախարար Արարատ Միրզոյանը և ԱՄՆ պետքարտուղար Մարկո Ռուբիոն փաստաթղթեր են ստորագրել
Արարատ Միրզոյանը և Մարկո Ռուբիոն նախաստորագրեցին «ՀՀ և ԱՄՆ միջև Թրամփի ուղի հանուն միջազգային խաղաղության և բարգավաճման վերաբերյալ ռազմավարական համագործակցության շրջանակային համաձայնագիրը»:
📌 Ստորագրվեցին նաև «ՀՀ և ԱՄՆ միջև համապարփակ ռազմավարական գործընկերության կանոնադրությունը», և «ՀՀ և ԱՄՆ միջև կարևորագույն հանքանյութերի և հազվագյուտ հանածոների արդյունահանման և մշակման մատակարարման ապահովման շրջանակային համաձայնագիրը»։

«Ռուսաստանն ասում է՝ մենք չենք պատրասվում վճարել ձեր ԵՄ գնալու ճանապարհածախսը». Քրիստինե Վարդանյան
ԱԺ «Հայաստան» խմբակցության պատգամավոր, «Հայաստան» դաշինքի պատգամավորի թեկնածու Քրիստինե Վարդանյանի հետ զրուցել ենք նախընտրական քարոզարշավի ընթացքի, ատելության խոսքի տարածման, Ազգային Ժողովում վերջին հինգ տարիներին ընդդիմության աշխատանքի արդյունավետության, խաղաղության համաձայնագրի, ՀԱՊԿ-ի ու ԵԱՏՄ-ի հետ հարբերությունների և Հայաստան-Ադրբեջան սահմանազատման մասին։

❗️Պաշտպանության նախարարությունը հայտնում է, որ մինչև մայիսի 28-ին անցկացվելիք զորահանդեսը Երևանում ՀՀ ԶՈՒ ռազմական տեխնիկայի տեղաշարժի լուսանկարահանումը և տեսանկարահանումը փողոցներում խստիվ արգելվում են։
📌 Նկարահանման հնարավորություն կտրամադրվի մայիսի 28-ին՝ սահմանված կարգով։ Խստիվ արգելվում է նաև ԱԹՍ-ների կիրառմամբ նկարահանումը։ Խախտումները կհանգեցնեն պատասխանատվության։

🇺🇸🇦🇲 Մայիսի 26-ին Հայաստան կժամանի ԱՄՆ պետքարտուղար Մարկո Ռուբիոն: Այս մասին հաղորդում է ԱԳՆ մամուլի խոսնակը։

«Կկայանա արտաքին գործերի նախարար Արարատ Միրզոյանի և Մարկո Ռուբիոյի հանդիպումը, որից հետո նախարարները հանդես կգան մամուլի համար հայտարարություններով:
Ծրագրված է երկկողմ փաստաթղթերի ստորագրում»

,- ասված է հաղորդագրության մեջ։