Category: Hetq

❓Ինչու է իշխող մեծամասնությունը մերժում ընդդիմության ձայնը
8-րդ գումարման Ազգային ժողովի գործունեության ավելի քան 4 տարիների ընթացքում ընդդիմադիր խմբակցությունների և խմբակցություններում չընդգրկված պատգամավորների ներկայացրած գրեթե բոլոր նախաձեռնությունները մերժվել են։ Օրենսդրական նախաձեռնություններից բացի՝ իշխող մեծամասնությունը մերժում է նաև ընդդիմադիր պատգամավորների առաջարկությունները։
📌«Հետքն» ուսումնասիրել է ընդդիմադիր և անկախ պատգամավորների նախաձեռնությունները։ Ճշգրիտ և ամբողջական վիճակագրություն, թե քանի նախաձեռնություն է ներկայացվել, և դրանք ինչ ճակատագիր են ունեցել, ոչ խմբակցությունները, ոչ անկախ պատգամավորները չեն վարում։ Թեև նրանք տրամադրել են իրենց տվյալները, պաշտոնական աղբյուրների և խմբակցությունների ներկայացրած վիճակագրության համադրմամբ պարզ է դարձել, որ դրանք ամբողջական չեն։ Ներկայացված վիճակագրությունը կազմվել է տարբեր աղբյուրներից ստացված տվյալների համադրման արդյունքում։
🔗 Ամբողջական հոդվածը կարդացեք ԱՅՍՏԵՂ

📞 Փաշինյանն ու Պուտինը հեռախոսազրույց են ունեցել
🇦🇲 Հայաստանի կառավարության մամուլի ծառայության փոխանցմամբ՝ զրուցակիցները քննարկել են երկկողմ օրակարգի շրջանակին վերաբերող հարցեր եւ պայմանավորվել առաջիկա հարմար առիթով քննարկումը շարունակել հանդիպման ձեւաչափով։
🇷🇺 Կրեմլը հաղորդում է, որ հեռախոսազրույցը հայկական կողմն է նախաձեռնել։

🛣 Երևանի քաղաքապետարանը հաղորդում է, որ ապրիլի 3-ից 90 օրացուցային օրով կփակվի Արաբկիր վարչական շրջանի Սարալանջի պողոտա՝ Ա.Ավետիսյան — Վ.Փափազյան փողոցների հատման խաչմերուկը Վաղարշյան — Ա.Ավետիսյան փողոցների հատման խաչմերուկին միացնող ճանապարhահատվածը՝ հիմնանորոգման նպատակով:

Իրանի հարվածի հետևանքով Արադում և Դիմոնայում կա ավելի քան 170 տուժած
Իսրայելի հարավում գտնվող Արադ և Դիմոնա քաղաքների վրա իրանական հրթիռակոծության հետևանքով տուժել է ավելի քան 170 մարդ։
Արադում բնակելի շենքերի ուղղությամբ բալիստիկ հրթիռների հարվածի հետևանքով տուժել է առնվազն 115 մարդ, նրանցից 9-ը գտնվում է ծանր վիճակում։ Եվս 19 մարդ հոսպիտալացվել է միջին աստիճանի, իսկ 55-ն էլ՝ թեթև աստիճանի վնասվածքներով։
Լրագրողների տվյալներով՝ ամենածանր վնասվածքները ստացել են այն անձինք, որոնք հարվածի ժամանակ չեն եղել ապաստարաններում։
Դիմոնայում դարձյալ ուղիղ հարվածի հետևանքով տուժել է առնվազն 59 մարդ։ Տուժածներից մեկը 12-ամյա երեխա է։ Երեխայի մայրը Kan հեռուստաընկերությանը պատմել է, որ նրա որդին չի հասցրել հասնել ապաստարան։

Վերաքննիչ դատարանը բեկանել է Արմեն Ավինյանի դեմ կայացված վճիռը. «Օպելի» վարորդները խումբ չեն համարվում
Վերաքննիչ քաղաքացիական դատարանը 2026թ. մարտի 20-ին բեկանել է Երևանի քաղաքապետ Տիգրան Ավինյանի հոր՝ Արմեն Ավինյանի դեմ կայացված վճիռը և «Օպելի» վարորդ Գրիգոր Իսկանդարյանի հայցը մերժել է։
Երևան քաղաքի առաջին ատյանի ընդհանուր իրավասության քաղաքացիական դատարանը 2025թ. հուլիսի 4-ին, մասնակի բավարարել էր «Օպել» մակնիշի ավտոմեքենայի սեփականատեր Գրիգոր Իսկանդարյանի հայցն ընդդեմ Արմեն Ավինյանի։
📌 Դատարանը վճռել էր, որ «համբալ» վիրավորական արտահայտության համար Ա. Ավինյանը պետք է վճարեր 250 հազ. դրամ որպես պատվին և արժանապատվությանը պատճառված վնասի հատուցում։
🔗Մանրամասները` ԱՅՍՏԵՂ

Թրամփը 48 ժամ է տվել Իրանին Հորմուզի նեղուցի լիակատար բացման համար

ԱՄՆ նախագահ Դոնալդ Թրամփը վերջնագիր է ներկայացրել Իրանին՝ պահանջելով 48 ժամվա ընթացքում բացել Հորմուզի նեղուցը։

«Եթե այս պահից սկսած 48 ժամվա ընթացքում Իրանը ամբողջությամբ և առանց սպառնալիքների չբացի Հորմուզի նեղուցը, Ամերիկայի Միացյալ Նահանգները հարվածներ կհասցնի ու կոչնչացնի նրանց տարբեր էլեկտրակայանները՝ սկսած ամենախոշորից»

,- գրել է Թրամփը։
📌 Այս գրառումը Թրամփը Truth Social-ի իր էջում հրապարակել է Երևանի ժամանակով գիշերը մոտ 04:00-ին։
Իրանը Մերձավոր Արևելքում պատերազմի մեկնարկից ի վեր արգելափակել է Հորմուզի նեղուցը։ Այդ նեղուցով անցնում էր նավթի ծովային ողջ արտահանման և սեղմված բնական գազի գրեթե մեկ հինգերորդը՝ օրական մոտ 20 միլիոն բարել։

Հայկ Մարությանը՝ վարչապետի թեկնածու
«Նոր ուժ» կուսակցությունը մասնակցելու է հունիսի 7-ի խորհրդարանական ընտրություններին: Քաղաքական ուժի վարչապետի թեկնածուն Երևանի նախկին քաղաքապետ, հումորիստ-դերասան Հայկ Մարությանն է։ 🗣️ Նա նախորդ տարի էր հայտնել նոր ուժ ձևավորելու և խորհրդարանական ընտրություններին մասնակցելու մասին։

Քննարկումներ ունեցել ենք տարբեր քաղաքական ուժերի հետ մինչև ընտրությունները դաշինք կազմելու մասին, այնուամենայնիվ, մեր վարչությունը որոշում է ընդունել, որ մենք մեր կուսակցությունով ենք գնում ընտրություններին

,- նշեց Մարությանը։

Կաթողիկոսի խափանման միջոցը չի փոխվի
Ամենայն Հայոց Կաթողիկոս Գարեգին Երկրորդի խափանման միջոցը վերացնելու վերաբերյալ պաշտպանի միջնորդությունը մերժվել է։ ❗️Այս մասին «Հետք»-ին հայտնեցին Քննչական կոմիտեից։
📌 Նշենք, որ Կաթողիկոսի փաստաբանը միջնորդություն էր ներկայացրել նախաքննական մարմնին, որպեսզի վերացնեն «բացակայելու» արգելք խափանման միջոցը՝ Վրաստանի հոգևոր առաջնորդի հուղարկավորությանը մասնակցելու նպատակով։ Սակայն այդ միջնորդությունը 2026թ. մարտի 20-ին չի բավարարվել, ինչը նշանակում է, որ Գարեգին Երկրորդը չի կարող մեկնել Վրաստան։

🏠Տունը չկա, 💰գումարը՝ նույնպես. Էկո պրոյեկտի չկատարած խոստումները
Արամ Ցականյանը 2024 թվականի նոյեմբերին որոշել էր Երևանի Էրեբունի վարչական շրջանի Արին Բերդ թաղամասում էկո տնակ ձեռք բերել։ Այդ նպատակով նա վարկ էր ձևակերպել և 2024 թ.-ի դեկտեմբերի 27-ին 4 մլն 850 հազար դրամ կանխավճար փոխանցել «Էկո պրոյեկտ» ՍՊԸ-ին: Ընկերության սեփականատերը Իրինա Բիջոյանն է:
Կնքված պայմանագրով՝ ընկերությունը պարտավոր էր կանխավճարը ստանալուց հետո 80 օրվա ընթացքում տնակը հանձնել գնորդին։ 2025 թվականի փետրվարի 25-ին Արամ Ցականյանը դիմում է ներկայացրել` պայմանագիրը լուծարելու և գումարը վերադարձնելու պահանջով։ Անցել է գրեթե մեկ տարի, սակայն գումարը չի վերադարձվել։
Արամ Ցականյանը «Էկո պրոյեկտ»-ից միակ տուժածը չէ. ՍՊԸ-ի դեմ ներկայում 16 դատական գործ կա, հիմնականում՝ պայմանագիրը լուծարելու և գումարի բռնագանձման պահանջով։
Արամի պատմությանը «Հետք»-ում անդրադարձել էինք դեռ 2025-ի դեկտեմբերին։ Ոչ այն ժամանակ, ոչ էլ հիմա չենք կարողացել կապ հաստատել «էկո պրոյեկտ» ընկերության տնօրեն Իրինա Բիջոյանի հետ։
📌 Մեզ հաջողվեց խոսել միայն ընկերության վաճառքի մենեջերի հետ, սակայն նա ասաց, որ իրավասու չէ պատասխանել մեր հարցերին։
🔗Մանրամասները՝ տեսանյութում։

☔️ «Հիդրոօդերևութաբանության և մոնիթորինգի կենտրոն»-ը տեղեկացնում է, որ Երևանում մարտի 20-ի ցերեկը ժամանակ առ ժամանակ սպասվում է անձրև։ Մարտի 21-25-ին սպասվում է կարճատև անձրև, հնարավոր է նաև ամպրոպ։
🌨 Հանրապետության ողջ տարածքում մարտի 20-ի ցերեկը ժամանակ առ ժամանակ սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով։ Առանձին վայրերում հնարավոր է ամպրոպ։
🌡 Օդի ջերմաստիճանն մարտի 21-ի ցերեկը կբարձրանա 6-10 աստիճանով։