Category: Hetq

Կադաստրի նախկին պետը մեղադրվում է Եկեղեցուն հուշարձաններ հանձնելու համար
Ըստ մեղադրանքի՝ Մանուկ Վարդանյանը կոմիտեի աշխատակազմի իրավաբանական և օրենսդրության մշակման բաժնի 1-ին կարգի մասնագետի հետ դիտավորությամբ չեն կատարել իրենց ծառայողական պարտականությունը, որն անզգուշությամբ առաջացրել է ծանր հետևանք: Մ. Վարդանյանի նկատմամբ կիրառվել է «գրավ» խափանման միջոցը։
📌 Մասնավորապես՝ պատմության և մշակույթի հուշարձան հանդիսացող մի շարք վանքերի և եկեղեցիների նպատակային օգտագործումն ապահովելու նպատակով, պետական սեփականություն հանդիսացող պատմության և մշակույթի հուշարձաններն անհատույց սեփականության իրավունքով հանձնվել են Հայաստանյայց առաքելական եկեղեցուն:

ՆԳՆ-ն առաջարկում է վարորդական վկայականի գործնական քննությանը մասնակցելու համար 1 տարվա ժամկետը փոխարինել 2 տարով
Ներքին գործերի նախարարությունը հանրային քննարկման է դրել մի նախագիծ, որով առաջարկում է վարորդական վկայականի տեսական քննությունը դրական ստանալու դեպքում գործնական քննությանը մասնակցելու համար սահմանված մեկ տարվա ժամկետը փոխարինել երկու տարի ժամկետով։
📌 Նախագծով առաջարկվում է նաև տեսական քննության թեստերում ընդգրկել բացառապես այն կարգերին կամ ենթակարգերին վերաբերելի հարցեր, որոնց համար անձը հանձնում է քննությունը։
🗣️ Ըստ ՆԳՆ-ի՝ այս փոփոխությունը միտված է քաղաքացիների համար գործնական քննությունների հանձնման ժամկետային պայմանների որոշակի մեղմացմանը և առավել ճկուն մոտեցման ապահովմանը։  
📌 Որոշման նախագիծը դեռ պետք է քննարկվի և հավանության արժանանա Կառավարության կողմից։

ACSES. ինչպե՞ս կարող են ռազմական գործողություններն Իրանում ազդել Հայաստանի առևտրային հոսքերի վրա
Իրանը Հայաստանի համար ունի բացառիկ տարանցիկ նշանակություն, որի տարածքով անցնում է երկրի արտաքին առևտրաշրջանառության շոշափելի մասը։ Այս իրավիճակում ռազմական գործողությունների սրացումը կամ Իրանի տարածքով անցնող տրանսպորտային ենթակառուցվածքների խափանումը կարող են խաթարել Հայաստանի առևտրային հոսքերը և առաջացնել զգալի տնտեսական ռիսկեր։
📌 Հայ-իրանական սահմանի նշանակությունը համեմատաբար մեծ է Հայաստանից արտահանվող սիգարետների, Հայաստան ներմուծվող երկաթից ձողերի, նավթային բիտումի, ցեմենտի դեպքում։
Նման եզրահանգման է եկել ACSES վերլուծական կենտրոնը՝ ուսումնասիրելով, թե ինչպես կարող են ռազմական գործողություններն Իրանում ազդել Հայաստանի առևտրային հոսքերի վրա։
🔗Մանրամասները՝ ԱՅՍՏԵՂ

Նախարար Ավանեսյանն ամփոփել է Առողջության համընդհանուր ապահովագրության համակարգի ներդրման 100 օրը
ԱԺ առողջապահության հարցերի մշտական հանձնաժողովն ապրիլի 10-ին կազմակերպել էր «Առողջության համընդհանուր ապահովագրության համակարգի ներդրման 100 օրը» թեմայով աշխատանքային քննարկում: Այս մասին հաղորդում են Ազգային ժողովի լրատվական ծառայությունից։
Հանձնաժողովի նախագահ Վանիկ Օհանյանն իր խոսքում կարեւորել է համակարգի ներդրումը՝ նշելով, որ այն պատմական է եւ անհրաժեշտ, ինչն էապես բարելավել է բնակչության կյանքի որակը:
🗣 Անահիտ Ավանեսյանի խոսքով հունվարի 1-ից սկսած քաղաքացիներն այս համակարգում սպասարկվել են: Եռամսյակի տվյալներով Առողջության համընդհանուր ապահովագրության համակարգի շահառու է 1 մլն 700 հազար քաղաքացի: «Մեր կանխատեսումներով մոտ 1 մլն 600 հազար քաղաքացի պետք է ունենայինք: Ըստ էության, ավելի շատ են, եւ սա մի քանի հանգամանքի հետ է կապված: Ուրախությամբ պետք է նշեմ, որ ունենք տեղաշարժ մինչեւ 200 հազար դրամ աշխատավարձ ստացող անձանցից դեպի 200 հազարից ավելի աշխատավարձ ստացող անձինք: Եվ այս թիվը տասնյակ հազարների մասին է»,- պարզաբանել է Անահիտ Ավանեսյանը:

📱 ՊԵԿ-ը ստուգում է «հայկական ծագման» թանկարժեք հեռախոսների արտահանման վիճակագրությունը
Պետական եկամուտների կոմիտեն ստուգում է 2025 թվականին Հայաստանից Բելառուս արտահանված բջջային հեռախոսների վիճակագրության հավաստիությունը, որոնք ներկայացվել են որպես հայկական արտադրանք։
Օրեր առաջ «Հետքը» հրապարակել է հայկական ծագման արտադրանքի արտահանման վերաբերյալ Էկոնոմիկայի նախարար Գևորգ Պապոյանի հայտարարությունը, և կասկածի տակ են առնված ապրանքների մասին տվյալները։
📌 Մասնավորապես, նախարարությունից ստացված ցանկերի հիման վրա պարզել էինք, որ հայկական ծագման արտադրանքի ներքո է ներկայացված, օրինակ, Հայաստանից Բելառուս արտահանված 1130 հատ բջջային հեռախոս, որի ընդհանուր արժեքը կազմել է 24 մլն դոլար։ Այստեղ ոչ միայն տարօրինակ է այն, որ Հայաստանում չկա բջջային հեռախոսների նման արտադրություն, այլև՝ արտահանված հեռախոսների 1 հատի միջին արժեքը կազմում է 8.2 մլն դրամ կամ 21 341 դոլար։
🔗 Մանրամասները՝ ԱՅՍՏԵՂ

‼️Շիրակի մարզի Աղին բնակավայրի մոտակայքում տեղի ունեցած վթարի հետևանքով տուժել է 11 քաղաքացի:
Առողջապահության նախարարությունից հայտնում են, որ հանրապետական շտապօգնության ծառայության միջոցով 5 երեխա հոսպիտալացվել է, որոնցից երկուսի կյանքը փրկել չի հաջողվել: Կազմակերպվում է տուժած 3 երեխայի տեղափոխումը երևանյան բուժհաստատություն:
Մյուս տուժածների առողջական վիճակը գնահատվում է ծանր և ծայրահեղ ծանր: Գտնվում են վերակենդանացման բաժանմունքում:
Պատահարից գրանցվել է 6 քաղաքացու մահ:

❗️Գագիկ Ծառուկյանը կգլխավորի «Առաջարկ Հայաստանին» դաշինքի ցուցակը, բայց չի հավակնի վարչապետի պաշտոնին։ «Մայր Հայաստան», «Դեմոկրատական այլընտրանք» և «Բարգավաճ Հայաստան» կուսակցությունները որոշել են խորհրդարանական ընտրությունների իրենց ցուցակի առաջին 30 թեկնածուներին։
Առաջին եռյակում են՝
🔸 Ծառուկյան Գագիկ
🔸 Թևանյան Անդրանիկ
🔸 Սարգսյան Լուիզա
🔗 Մանրամասները՝ ԱՅՍՏԵՂ

MapFact. որքա՞ն տարածք է օկուպացրել Ադրբեջանը Սյունիքի հյուսիսում 2021-2023 թթ.
44-օրյա պատերազմից հետո՝ 2021-2023 թթ., Ադրբեջանը շարունակական հարձակումներով կարեւոր ռազմավարական բարձունքներ ու տարածքներ է օկուպացրել Սյունիքի մարզում:
Սյունիքի մարզում օկուպացիան տեղի է ունեցել փուլերով՝ 3 տարի շարունակ: Ադրբեջանցիները Հայաստանի սուվերեն տարածք են ներխուժել մի քանի ուղղությամբ:
Առաջինը՝ Սյունիքի բարձրավանդակում, ավելի կոնկրետ՝ Վայոց Ձորի ու Սյունիքի սահմանից մինչեւ Իշխանասար ու Սեւ լիճ: Երկրորդը Տեղ գյուղի հատվածն է, երրորդը՝ Ծավ-Ներքին Հանդ ուղղությունը:
📌Այս թողարկման մեջ կպատմենք առաջին երկու ուղղությունների մասին:

Վանաձորցի ռեժիսորի արկածները Ինստագրամում. Տարոն Հարությունյան
Թատրոնի եւ կինոյի պետական ինստիտուտի Վանաձորի մասնաճյուղում ապագա ռեժիսորներին չէին սովորեցնում ինստագրամյան ռիլեր նկարել, նպատակը կինոն էր։ Երկար որոնումներից հետո Տարոն Հարությունյանը գտավ պատմության միջոցով զգացմունքներ փոխանցելու՝ ռեժիսորի ամենակարճ ուղին՝ ինստագրամյան ռիլեր։
📌 Ռեժիսոր, մոնտաժող, կյանքի բերումով՝ ինտագրա-յութուբեր Տարոն Հարությունյանի հետ խոսել ենք «Թքած» վիդեոնախագծից, վանաձորյան նոր ալիքից, մեծ կինոյից կարճ բովանդակության ձգտող արդի միտումներից։

Պրոիշխանական կայքերը մանիպուլացրել են Սամվել Կարապետյանի ուղերձը
Ապրիլի 7-ին տնային կալանքի տակ գտնվող գործարար Սամվել Կարապետյանի ֆեյսբուքյան էջում հրապարակվել է նրա ուղերձը, որում քաղաքական հայտ ներկայացրած գործիչն անդրադարձել է ապրիլի 1-ին կայացած Փաշինյան-Պուտին հանդիպմանը:
Այս հայտարարությունից հետո պրոիշխանական medianews.site կայքը գրել է.

«Զուգահեռ թվարկելով ու հուշելով, թե ինչեր կարող է անել Ռուսաստանը Հայաստանի վրա ճնշումներ գործադրելու համար՝ օրինակ գազի գնի թանկացում, Ռուսաստանում սեզոնային աշխատող հայերի նկատմամբ ճնշումներ, Հայաստանից արտահանվող գյուղատնտեսական մթերքների վրա սանկցիաներ․․․ Փաստացի այս կերպ ՌԴ քաղաքացի Սամվել Կարապետյանը հուշում և կոչ է Ռուսաստանին, թե ինչ քայլերի դիմեն, ինչպես ճնշեն Հայաստանին ու հայ ժողովրդին, որպեսզի Հայաստանում ընտրությունների արդյունքը լինի Ռուսաստանի սրտով» (ընդգծումները «Հետքինն» են)։ Նյութը ևս այդպես է վերնագրված՝ «Սամվել Կարապետյանը հուշում, կոչ է անում Ռուսաստանին թանկացնել Հայաստանին մատակարարվող գազը»:

💡 Ինչպես տեսնում ենք Կարապետյանի ուղերձ-հայտարարության մեջ, այն ուղղված է ԱԺ առաջիկա ընտրությունների մասնակից ընտրողներին, և դրանում Ռուսաստանի ղեկավարությանն ուղղված խոսք, առավել ևս կոչ չկա: Կարապետյանն, արձանագրելով գազի ներկա գնի, Ռուսաստանում աշխատող հայերի, ինչպես նաև գյուղատնտեսական ապրանքների արտահանման գործոնները, հարցադրում է անում, թե ինչ են անելու ՀՀ իշխանությունները, եթե Ռուսաստանն արգելքներ կիրառի:
📌 Ընդ որում՝ ԵՄ-ի հետ մերձեցման ֆոնին նման ազդակ-զգուշացումներ հնչել են թե՛ Փաշինյան-Պուտին հանդիպման ժամանակ անմիջապես ՌԴ նախագահի կողմից, թե՛ դրանից հետո ՌԴ փոխվարչապետ Ալեքսեյ Օվերչուկի կողմից, այսինքն՝ Կարապետյանի ուղերձից ավելի վաղ:
🔗 Մանրամասները՝ ԱՅՍՏԵՂ