Category: Hetq

Կոմիտասի անվան պուրակը կբարեկարգվի ու նոր տեսք կստանա․ Տիգրան Ավինյան

Ինչպես հիշում եք, դատարանի որոշմամբ դեռ նախորդ տարի Երևանի Կոմիտասի անվան պուրակը վերադարձվեց քաղաքին։
Շուտով պուրակը կբարեկարգվի և կստանա նոր ու ժամանակակից տեսք։ Նախագիծն իրականացվում է Ակբա բանկի հետ համագործակցությամբ։
Կարևոր եմ համարում նաև նման նախաձեռնություններում մասնավոր հատվածի սոցիալական պատասխանատվությունը։ Քաղաքի զարգացմանն ուղղված նման նախագծերը շատ ողջունելի են և կարևոր դեր ունեն հանրային միջավայրի բարելավման գործում։
Վստահ եմ, որ բարեկարգումից հետո Կոմիտասի անվան պուրակը կդառնա բոլորիդ սիրելի վայրը

,- ֆեյսբուքյան իր էջում գրել է քաղաքապետը:

🔻Վանիկ Օհանյանը՝ ԱԺ առողջապահության հարցերի մշտական հանձնաժողովի նախագահ
Նրա թեկնածությունն առաջադրել էր ԱԺ «Քաղաքացիական պայմանագիր» խմբակցությունը։
Քվեատուփում եղել է 64 քվեաթերթիկ: Անվավեր քվեաթերթիկներ չեն եղել: Վանիկ Օհանյանի թեկնածությանը կողմ է քվեարկել 64 պատգամավոր:

Հետք pinned «Հայկ Կոնջորյանի, Էդուարդ Բաբայանի և արտոնյալ գործարարի կապը ⚡️ Աբովյան քաղաքում եւ Առինջ գյուղում բազմաբնակարան 3 շենք է կառուցվում։ Կառուցապատողը «Միլոն մայնինգ» ՍՊԸ-ն է, որը 2018-ից հետո է սկսել շինարարությամբ զբաղվել։ 2020-ից՝ կառուցապատման ոլորտ մտնելու…»

Հայկ Կոնջորյանի, Էդուարդ Բաբայանի և արտոնյալ գործարարի կապը
⚡️ Աբովյան քաղաքում եւ Առինջ գյուղում բազմաբնակարան 3 շենք է կառուցվում։ Կառուցապատողը «Միլոն մայնինգ» ՍՊԸ-ն է, որը 2018-ից հետո է սկսել շինարարությամբ զբաղվել։ 2020-ից՝ կառուցապատման ոլորտ մտնելու պահից մինչ օրս ընկերությանն ուղեկցում են «Քաղաքացիական պայմանագիր» կուսակցության անդամները եւ կուսակցության մի քանի ակտիվ դեմքերի մերձավորները։
🔎 «Հետքը» պարզել է, որ նշված շենքերի զբաղեցրած հողամասերից մեկը շուկայականից բազմապատիկ ցածր գնով ձեռք է բերվել Առինջ համայնքից, մյուսը Աբովյանի համայնքային զբոսայգու տարածքն է։ Շինարարության թույլտվությունները, փորձաքննությունները եւ կարևոր այլ փաստաթղթերը ընկերությունը ստացել է «դյուրացված» կարգով։ Վերջնարդյունքում ընկերության կառուցած շենքերում շահեկան պայմաններով բնակելի եւ հասարակական տարածքներ են ձեռք բերել որոշումների կայացման մեջ ներգրավված անձինք եւ նրանց մերձավորները։

Վճարովի բովանդակություն
Անվճար ինտերնետ ռոումինգում Team-ի՝ Մերձավոր Արևելքում գտնվող բաժանորդներին
Հաշվի առնելով Մերձավոր Արևելքում ստեղծված իրավիճակը և մեր բաժանորդների անվտանգությունն ու մշտական հաղորդակցություն ապահովելու անհրաժեշտությունը՝ Team Telecom Armenia-ն ստորև ներկայացված երկրներում գտնվող իր բաժանորդներին կտրամադրի հավելյալ 1 GB անվճար ինտերնետ փաթեթ ռոումինգում:
🇦🇪Արաբական Միացյալ Էմիրություններ
🇮🇱Իսրայել
🇶🇦Կատար
🇸🇦Սաուդիան Արաբիա
🇰🇼Քուվեյթ
🇴🇲Օման
🇮🇶Իրաք
🇯🇴Հորդանան
🇧🇭Բահրեյն
Team-ը պատրաստ է անհրաժեշտության դեպքում իրականացնելու աջակցության նոր քայլեր՝ ապահովելով մեր բաժանորդների անխափան կապը։

🇦🇲🇬🇪 Վարչապետն աշխատանքային այցով ժամանել է Վրաստան
Թբիլիսիի միջազգային օդանավակայանում վարչապետին դիմավորել է Վրաստանի արտաքին գործերի նախարար Մակա Բոճորիշվիլին:
📌 Կառավարության մամուլի ծառայության հաղորդմամբ՝ մարտի 4-ին տեղի է ունենալու Հայաստանի Հանրապետության և Վրաստանի միջև տնտեսական համագործակցության միջկառավարական հանձնաժողովի 15–րդ նիստը։
Նախատեսված է նաև Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի առանձնազրույցը։

Ինչպես պատերազմի մասնակիցը զրկվեց զինվորական թոշակից
Պետության ընդունած օրենքները Արարատ Ազիզյանի մարմինը, կարծես, բաժանել են երկու մասի: Առաջին մասի համար նա զինվորական թոշակ էր ստանում, վիրավորվել էր պատերազմում, ձեռքը վնասված է, մարմնում բեկորներ կան: Երկրորդ մասը շաքարախտից կորցրած ոտքերն են: Եւ քանի որ ոտքերը կորցրել է պատերազմից հետո՝ հիվանդության պատճառով, նրան զրկել են զինվորական թոշակից: Մինչեւ ոտքերի անդամահատումը նա ստանում էր 92 հազար դրամ թոշակ, այժմ պետությունը 37 հազար դրամ է տալիս։
📌 Արցախյան առաջին պատերազմում վիրավորված Արարատ Ազիզյանը 1994 թվականից զինհաշմանդամության թոշակ էր ստանում։ Նրան զինվորական երկրորդ կարգի հաշանդամություն էր նշանակվել անժամկետ։ 2024-ին՝ երկրորդ ոտքի անդամահատումից հետո հաշմանդամության նրա կարգը իջեցվել է՝ զինվորականից դարձել քաղաքացիական։
🔗 Մանրամասները՝ ԱՅՍՏԵՂ

💪🏼 Համլետ Մանուկյանը՝ 2025 թ. լավագույն տղամարդ մարմնամարզիկ
Սպորտային մարմնամարզության Եվրոպայի չեմպիոն, Ունիվերսիադայի հաղթող, երիտասարդների աշխարհի կրկնակի չեմպիոն Համլետ Մանուկյանը ճանաչվել է 2025 թ. լավագույն տղամարդ մարմնամարզիկ: Այս մասին հաղորդում է Կրթության, գիտության, մշակույթի և սպորտի նախարարությունը։
18-ամյա մարզիկը հաղթող է ճանաչվել Մարմնամարզության միջազգային ֆեդերացիայի կայքում անցկացված քվեարկության արդյունքում՝ ստանալով ավելի քան 1 մլն 30 հազար ձայն (51 %):

ԱՆԻՖ-ի «ժառանգությունը». 9 մլն դոլարի վերադարձը փորձություն է դարձել պետության համար
«Ձեռնարկատեր+Պետություն հակաճգնաժամային ներդրումներ» պետական ֆոնդը, որը 2021-2023 թթ. 6,6 մլրդ դրամի (ԿԲ ներկա փոխարժեքով՝ 17,6 մլն դոլար) ներդրում է կատարել հայաստանյան 10 ընկերություններում, ամբողջությամբ հետ է ստացել դրանցից 5-ում կատարած իր ներդրումները: Դեռեւս ամբողջությամբ չի ավարտվել ընկերություններից մեկից դուրս գալու գործընթացը, քանի որ ֆոնդը ստանալիք գումար ունի, իսկ մյուս 4-ի մասով մեծ ու փոքր խնդիրներ են ծագել: Այս 4 ընկերություններում ֆոնդը ներդրել է մոտ 9 մլն դոլար, որը վերադարձնելը պետության կամքի ու կարողությունների յուրօրինակ փորձություն է դարձել: 
🔗մանրամասները` ԱՅՍՏԵՂ

🇺🇸🇧🇭ԱՄՆ-ն փակել է Բահրեյնում իր դեսպանությունը
ԱՄՆ իշխանությունները անորոշ ժամանակով փակել են Բահրեյնի մայրաքաղաք Մանամայում դեսպանությունը։ 
«Տարածաշրջանում լարված իրավիճակի պատճառով Բահրեյնում ԱՄՆ դեսպանությունը փակվել է: Մենք առանձին կտեղեկացնենք, թե երբ դեսպանությունը կվերսկսի իր բնականոն աշխատանքը»,- ասված է դիվանագիտական առաքելության հաղորդագրության մեջ։
📌 Իր հերթին Բեյրութում ԱՄՆ դեսպանատունն էլ Լիբանանում գտնվող ամերիկյան քաղաքացիներին կոչ է արել անհապաղ լքել երկիրը: «Լիբանանի անվտանգային իրավիճակը անկայուն է և անկանխատեսելի։ Ավիահարվածներ են հասցվել երկրի ողջ տարածքում, հատկապես՝ հարավում»,- ասված է հաղորդագրության մեջ։