Category: Hraparak.am

«Հրապարակ»․ Երբեմնի դուխով ՔՊ-ականների վախվորած լռությունը
https://hraparak.am/post/8bd49e75036384ea43bf03c85c0baaa4

«Հրապարակ»․ ԶՊՄԿ պահնորդին սպանած ադրբեջանցուն փոխարինենք Արցախի ղեկավարներով
https://hraparak.am/post/e897a6aeaf55edf909b30a764e3179c0

Հայաստանում Արցախի ներկայացուցչության մոտ անցած ուրբաթ օրվա ակցիայի մասնակիցներից մեկը եղել է ԱՀ ՆԳՆ Մարտունու շրջանի ոստիկանապետ՝ Արցախում հայտնի Վալերիկի որդին՝ Հայկը, ով խոսում էր նախկին նախագահ Արայիկ Հարությունյանի եւ նրա շրջապատի «թալանի» մասին։ Մեզ պատմեցին, որ 44-օրյա պատերազմից հետո նա Արայիկ Հարությունյանին է դիմել, թե՝ կորցրել եմ ունեցվածքս, օգնեք, եւ Հարությունյանի աջակցությամբ Ստեփանակերտում բենզալցակայան է բացել։ Հետո էլի ակնկալիքներ է ունեցել, որոնք մերժվել են, հիմա միացել է Արցախի իշխանությունների դեմ պայքարողների բանակին ու լուտանքներ է թափում իրեն աջակցած մարդու հասցեին` խոսելով նրանց թալանի մասին։

Արդարադատության նախարարությունը հոկտեմբերին 5 գնում է կատարել, 5-ն էլ՝ մեկ անձից գնման ընթացակարգով, սակայն առավել զարմանալին գնումների բովանդակությունն է։ Նախարարությունը 344 հազար դրամի 7 շիշ կոնյակ է գնել՝ «Նյու Նաիրի» ապրանքանիշի, 331 հազար դրամի տպագրությամբ տոպրակներ՝ 120 հատ, 1 շիշ Riserva chianti 2011 Villa Anti գինի՝ 16 հազար 600 դրամ արժողությամբ, եւ 10 շիշ Santa le Maestrelle գինի՝ ընդհանուր 82 հազար 500 դրամի, նաեւ՝ 1 հատ «շախմատ-նարդի», գինը՝ 48 հազար դրամ։ Դատելով հոկտեմբեր ամսվա գնումներից՝ Հայաստանում արդարադատությունը շարունակում է մնալ բարձր մակարդակի վրա։

Նախօրեին ՀՀԿ գրասենյակում կայացած նիստն աննախադեպ երկար է տեւել՝ ավելի քան 4 ժամ: Թե ինչ են քննարկել նիստի ընթացքում, փակագծեր չբացեցին: Ասացին` օրակարգում Արցախում ստեղծված աղետալի իրավիճակի ամփոփումն էր, քաղաքական գնահատականներ են ձեւակերպել, անդրադարձել են ներքաղաքական իրավիճակին, մասնավորապես՝ Ազգային կոմիտեի ձախողմանը:
Նաեւ ծրագրել են, թե որ ուղղությամբ պետք է ՀՀԿ-ականներն ակտիվություն դրսեւորեն։ Հիմնական ուղղությունները լինելու են երկուսը՝ Հայաստանում քաղբանտարկյալների պաշտպանության թեման, ինչպես նաեւ՝ Բաքվի բանտերում պահվող 8 գործիչների ազատագրումը: Որոշել են այս խնդիրը միջազգային կառույցների ուշադրության կենտրոնում պահելուն ուղղված գործողությունները շարունակել, սակայն նաեւ հաշվի առնել խնդրի առանձնահատկությունները, որ չվնասեն գործին։

Հայաստան տեղափոխվելուց հետո Արցախի նախկին իշխանավորներից ոմանք փորձում են մտնել Նիկոլ Փաշինյանի կամ նրա կառավարության անդամների մոտ եւ ինչ-որ հարցեր կարգավորել: Օրինակ, փոխվարչապետ Տիգրան Խաչատրյանն ընդունել է Սամվել Շահրամանյանին, ՆԳ նախարար Վահե Ղազարյանը Արցախի ՆԳ նախարար Կարեն Սարգսյանին:
Վերջինս փորձել է Արցախի ՆԳՆ աշխատակիցների հարցերը լուծել նրանց տեղավորել ՀՀ ոստիկանությունում: Սկզբում Վահե Ղազարյանը շատ ջերմ ընդունել, խոստացել է, որ կլուծի այդ հարցը, հետո ասել է, որ իր ուժերից վեր է: Պարզվում է Փաշինյանի անձնական հրահանգով արգելվել է ուժայիններում արցախցիների ընդունել: Նրանք կարող են աշխատել Փրկարար ծառայությունում եւ ՊՆ-ում, այսինքն՝ այն կառույցներում, որոնք առնչություն չունեն հանրության, հանրահավաքների, Փաշինյանի եւ նրա թիմի անվտանգության հետ:

Լավրովը և Բայրամովը քննարկել են հայ–ադրբեջանական հարաբերությունների կարգավորման հարցեր
2020–2022 թթ. ձեռք բերված բարձր մակարդակով եռակողմ պայմանավորվածությունները իրագործելու համար պետք է ավելացնել Հայաստանի և Ադրբեջանի հարաբերությունների կարգավորմանն ուղղված ջանքերը։ Այս հարցը քննարկվել է Ռուսաստանի արտաքին գործերի նախարար Սերգեյ Լավրովի և Ադրբեջանի արտաքին գործերի նախարար Ջեյհուն Բայրամովի հեռախոսազրույցի ժամանակ: Տեղեկությունը հայտնում է ՌԴ ԱԳ նախարարությունը։
«Լավրովը և Բայրամովը քննարկել են երկկողմ հարաբերություններին վերաբերող արդիական հարցեր»,– նշված է հաղորդագրության մեջ:
Նշվում է, որ բարձր գնահատական է տրվել հոկտեմբերի 23–ին Թեհրանում արտգործնախարարների մակարդակով կայացած «3+3» խորհրդատվական տարածաշրջանային հարթակի նիստի արդյունքներին։ Պայմանավորվածություն է ձեռք բերվել շարունակել այս ձևաչափով հետագա ինտենսիվ աշխատանքը։

Պաշտոնանկ է արվել Չինաստանի ՊՆ ղեկավարը․ ի՞նչ է հայտնի
Չինաստանի պաշտպանության նախարար Լի Շանֆուն հեռացվել է պաշտպանական գերատեսչության ղեկավարի և ՉԺՀ-ի Պետխորհրդի անդամի պաշտոնից:
Այդ մասին տեղեկությունը հայտնում է Չինաստանի կենտրոնական հեռուստատեսությունը։
«Լի Շանֆուն հեռացվել է պաշտպանության նախարարի և ՉԺՀ-ի Պետխորհրդի անդամի պաշտոնից», – նշված է Ժողովրդական ներկայացուցիչների համաչինական ժողովի մշտական կոմիտեի նստաշրջանի արդյունքներով հեռուստատեսության հաղորդագրության մեջ:
Հատկանշական է, որ Լի Շանֆուն հանրության առաջ չի հայտնվել օգոստոսի վերջից, երբ ելույթ է ունեցել չին-աֆրիկյան խաղաղության և անվտանգության ֆորումում:
Սեպտեմբերի 15-ին Wall Street Journal պարբերականը, հղում անելով ամերիկացի երկու պաշտոնյաների, հայտնել էր, որ Լի Շանֆուն կոռուպցիայի գործով հետաքննության տակ է և, ամենայն հավանականությամբ, կհեռացվի:

«Լուկօյլ»-ի ևս մեկ ղեկավար է մահացել․ առեղծվածային շղթա
Հանկարծամահ է եղել ռուսական «Լուկօյլ» մասնավոր նավթային ընկերության տնօրենների խորհրդի ղեկավար Վլադիմիր Նեկրասովը, հայտնում է Moscow Times-ը։
Ընկերությունը նշել է, որ Նեկրասովը գրեթե 50 տարի իրեն նվիրել է նավթագազային արդյունաբերության ոլորտում աշխատանքին՝ վերանորոգողից դառնալով «Լուկօյլ-Արևմտյան Սիբիր»-ի գլխավոր տնօրեն, որից հետո նա աշխատել է որպես ընկերության առաջին փոխնախագահ, նախագահի խորհրդական և տնօրենների խորհրդի նախագահ։
Moscow Times-ի փոխանցմամբ, սա ռուսական ընկերության թոփ-մենեջերի երրորդ մահն է անցյալ տարվա մայիսից ի վեր։
2022 թվականի օգոստոսի 1-ին մահացել է «Լուկօյլ»-ի փոխնախագահ Ռավիլ Մագանովը։ Այն ժամանակ հայտնի դարձավ, որ նա ընկել է Մոսկվայի Մարշալ Տիմոշչենկոյի փողոցում գտնվող Կենտրոնական կլինիկական հիվանդանոցի պատուհանից։
Անցյալ մայիսին մահացավ «Լուկօյլ»-ի թոփ-մենեջերներից Ալեքսանդր Սուբոտինը: Նրա մահվան մասին հայտնի դարձավ մոսկովյան Միտիշչիում տեղի շամանների հետ նիստից հետո։

ՌԴ դեսպան Սերգեյ Կոպիրկինը կանչվել է ՀՀ ԱԳՆ․ նրան բողոքի հայտագիր է հանձնվել
Հայաստանի Հանրապետությունում ՌԴ դեսպան Սերգեյ Կոպիրկինն այսօր կանչվել է ՀՀ արտաքին գործերի նախարարություն։ Տեղեկությունը հայտնում է ՀՀ ԱԳՆ մամուլի ծառայությունը։
««‎Առաջին ալիք» համառուսաստանյան դաշնային հեռուստատեսության եթերում թողարկված հաղորդման առնչությամբ, որի ընթացքում հնչեցվել էին վիրավորական և բացարձակապես անընդունելի արտահայտություններ ՀՀ բարձրաստիճան պաշտոնյաների հասցեին, ՀՀ ԱԳՆ է կանչվել Հայաստանում ՌԴ դեսպան Սերգեյ Կոպիրկինը»,–ասված է հաղորդագրության մեջ:
Հանդիպման ընթացքում դեսպանին է հանձնվել համապատասխան բողոքի հայտագիր: