Category: Infocom

📣🇷🇺 Պուտինի հետ պայմանավորվեցինք՝ ընտրություններից հետո կմեկնեմ նորից, հանդիպում կունենանք, ու բոլոր ընթացիկ հարցերը կլուծենք․ Նիկոլ Փաշինյան
📌 Փաշինյանն նշել է, որ այս խոսակցությունը եղել է հունիսի 1-ին, երբ ՌԴ նախագահ Վլադիմիր Պուտինը զանգել էր իր ծննդյան առթիվ շնորհավորելու։
🗣 Փաշինյանը հավելել է, որ այն խնդիրները, որոնց շուրջ այսօր ՀՀ–ում մեծ աղմուկ է բարձրացվել, վերջին տասնամյակների ընթացքում բազմիցս առաջացել ու հանգիստ լուծվել են այնպես, որ հանրությունը դրանց մասին նույնիսկ չի էլ իմացել․ «Հիմա էլ կլուծվեն, որևէ վայրկյան կասկած չունենաք», -նշել է Փաշինյանը։ |arm.sputniknews.ru|

🚶‍♀️ «Արդարություն և ազատություն Արթուր Օսիպյանին» պահանջի շուրջ միավորված քաղաքացիները երթ են իրականացնում Երևանում։
✉️ Նրանք նամակներ են հանձնում տարբեր երկրների դեսպանատներին՝ ի պաշտպանություն ավելի քան 15 օր հացադուլի մեջ գտնվող Արթուր Օսիպյանի։
ℹ️ Նամակում նշված է. «Մենք՝ քաղաքացիներիս խումբը, դիմում ենք ձեզ՝ խնդրելով ճնշում գործադրել Հայաստանի իշխանությունների վրա, որոնք, մեր համոզմամբ, օգտագործում են պետական լծակները քաղաքացիների արժանապատվությունը նվաստացնելու նպատակով, ինչը հանգեցնում է երկրի շեղմանը ժողովրդավարական սկզբունքներից և ամրապնդում է ավտորիտար միտումները»։ |aravot.am|

🎞 Փաստական տվյալներ են ստացվել «Հայաստան» դաշինքի ներկայացուցչի կողմից ԱԺ ընտրություններին իրենց կուսակցության օգտին քվեարկելու պայմանով ընտրակաշառք տալու, ինչպես նաև օրենսդրական արգելքի պայմաններում նշված կուսակցությունների դաշինքի պատգամավորի և «Բարգավաճ Հայաստան» կուսակցության թեկնածուի կողմից միջնորդավորված եղանակով բարեգործության արգելքը խախտելու տարբեր դեպքերի մասին։
⚖️ Դեպքի առթիվ նախաձեռնված քրեական վարույթով ձերբակալվել են մի շարք անձինք, կատարվել են խուզարկություններ և վարութային այլ գործողություններ։
[ՀՀ հակակոռուպցիոն կոմիտե]

‼️ Կալանավորված և հացադուլի մեջ գտնվող Արթուր Օսիպյանի ազատ արձակման պահանջով հայտարարություններ են տարածել «Նոր ուժ» և «Միասնության թևեր» կուսակցությունները:
🔸 «Փաշինյանի և նրա թիմակիցների անհանդուրժող վարքագիծը քաղաքական ընդդիմախոսների հանդեպ, որոնք արտահայտվել են այլ դրվագներում ևս, ընդդիմախոսներին քրեական հետապնդման ենթարկելու վերաբերյալ իրավապահներին տրվող ուղիղ հրահանգները համարում ենք ազատ խոսքը ճնշելուն ուղղված գործելաոճ, որը սպառնում է Հայաստանում ժողովրդավարությանն ու իրավական պետության հեռանկարին»,- ասվում է «Նոր ուժ»-ի հայտարարության մեջ:
🔸 «Այս դեպքն ազդակ է ողջ հասարակությանը, թե ինչ է նշանակում, երբ իշխանությունը քաղաքացուն տեսնում է որպես թշնամի և վերածվում բռնապետության։ Մենք չպետք է թույլ տանք, որ ընտրարշավը լռեցնի այս աղաղակող դեպքը։ Մարդը չպետք է մոռացվի պեռաշկիների, ընդդիմադիրներին կզցնելու և նման վերնագրային նյութերի հետևում»,- հայտարարում է «Միասնության թևեր» կուսակցությունը:

💰 ՊԵԿ-ը բացահայտել է 956 400 եվրո չհայտարարագրված կանխիկ դրամական միջոցի տեղափոխման դեպքեր:
🛬 Դորտմունդ-Երևան չվերթի ուղևորին՝ ՀՀ քաղաքացի Մ․Ն.-ին պատկանող ուղեբեռներում հայտնաբերվել է առանց համապատասխան մաքսային հայտարարագրման Հայաստան տեղափոխված ընդհանուր 578 050 եվրո կանխիկ դրամական միջոց, Նիդերլանդների քաղաքացի Ս․Ն.-ի ուղեբեռում՝ 378 350 եվրո կանխիկ դրամական միջոց: Հայտնել են ՊԵԿ-ից:

‼️ Գլխավոր դատախազը վերացրել է ՀՀ ներքին գործերի և ազգային անվտանգության փոխնախարար Արծրուն Մարգարյանի թիկնապահներ Արսեն Խաչատրյանի և Արմեն Խաչատրյանի նկատմամբ քրեական հետապնդումը դադարեցնելու, նրանց նկատմամբ ընտրված խափանման միջոցը վերացնելու և Մարգարյանի սպանության մասով քրգործի վարույթը կարճելու մասին 1999թ. սեպտեմբերի 20-ի որոշումները։
📌 Որոշումները վերացվել են նոր ի հայտ եկած հանգամանքների հիմքով Քննչական կոմիտեում իրականացված վարույթի արդյունքներով։
[Գլխավոր դատախազություն]

🇺🇸 ԱՄՆ ԶՈՒ-ն հայտնել է, որ իրանական հրթիռները գիշերը հարվածել են Բահրեյնին, Քուվեյթին և տարածաշրջանային այլ թիրախների, սակայն հաջողության չեն հասել: Նշվում է, որ ի պատասխան՝ ամերիկյան ուժերը խոցել են տարածաշրջանային ջրերում քաղաքացիական նավեր թիրախավորող իրանական ԱԹՍ-եր։ Թիրախավորվել է նաև Հորմուզի նեղուցին կից Քեշմ կղզին։
🇮🇷 ԻՀՊԿ-ն, ի պատասխան Քեշմ կղզուց հարավ գտնվող կապի աշտարակի վրա ամերիկյան հարձակմանը, հրթիռների և անօդաչու թռչող սարքերի գործադրմամբ հարձակվել է Բահրեյնում տեղակայված ԱՄՆ հինգերորդ նավատորմի շտաբի, ինչպես նաև տարածաշրջանային չհստակեցվող մեկ այլ երկրում գտնվող ավիաբազայի և ուղղաթիռների վրա։ |azatutyun.am|

🇦🇲🇹🇷 Նիկոլ Փաշինյանի հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։
🎉 Հայաստանի վարչապետը Թուրքիայի նախագահին շնորհավորել է Կուրբան Բայրամի առիթով։ Էրդողանը վարչապետ Փաշինյանին շնորհավորել է ծննդյան 51-րդ տարեդարձի առիթով։
🤝 Զրուցակիցները մտքեր են փոխանակել նաև երկկողմ օրակարգի հարցերի վերաբերյալ և գոհունակություն հայտնել շփումների ակտիվացման առիթով։ Մասնավորապես՝ ընդգծվել է Թուրքիայի փոխնախագահ Ջևդեդ Յըլմազի այցը Հայաստան՝ Եվրոպական քաղաքական համայնքի գագաթնաժողովին մասնակցելու նպատակով, Թուրքիա-Հայաստան ուղիղ առևտրի ընթացակարգերը սահմանելու որոշումը և Ախալքալաք-Կարս երկաթուղու բացումը Հայաստանից արտահանումներ և Հայաստան ներմուծումներ իրականացնելու համար։
[ՀՀ կառավարություն]