Category: Infocom

🇦🇲🇺🇬 ՀՀ ԱԳ նախարար Արարատ Միրզոյանը հանդիպում է ունեցել Ուգանդայի ԱԳ նախարար Ջեջե Օդոնգոյի հետ։
📌 Զրուցակիցները քննարկել են երկկողմ հարաբերությունների զարգացման հնարավորությունները։ Երկուստեք կարևորել են իրավապայմանագրային դաշտի ստեղծման, գործարար կապերի խթանման, նորարարական կրթության ոլորտում համագործակցությն զարգացման ուղղությամբ ջանքերը։
🔸 Կրթության ոլորտում համագործակցության համատեքստում նախարար Միրզոյանը ներկայացրել է ՀՀ դիվանագիտական դպրոցում վերապատրաստման, ինչպես նաև բարձրագույն ուսումնական հաստատություններում կրթաթոշակների ապահովման հարցում ՀՀ պատրաստակամությունը։
[ՀՀ ԱԳՆ]

🇦🇲🇨🇺 ՀՀ ԱԳ նախարար Արարատ Միրզոյանը հանդիպում է ունեցել Կուբայի ԱԳ նախարար Բրունո Ռոդրիգես Պարիյայի հետ։
📌 Զրուցակիցները քննարկել են Հայաստանի և Կուբայի միջև համագործակցության զարգացման հնարավորությունները:
🔸 Արարատ Միրզոյանը և Բրունո Ռոդրիգես Պարիյան մտքեր են փոխանակել բազմակողմանիության, միջազգային համակարգի արդյունավետության վրա ազդող խնդիրների շուրջ։ Ընդգծվել է բազմակողմ հարթակներում երկու երկրների միջև փոխգործակցության առավել ակտիվացման հարցում երկուստեք առկա պատրաստակամությունը։
[ՀՀ ԱԳՆ]

❗️Այսօր՝ սեպտեմբերի 27-ին, 44-օրյա պատերազմի 5-րդ տարելիցն է։
2020թ.-ի այս օրը՝ ժամը 07:10-ին, Ադրբեջանը Արցախի հետ շփման գծի ողջ երկայնքով ռազմական գործողություններ սկսեց:
Նույն թվականի նոյեմբերի 9-ի լույս 10-ի գիշերը ՀՀ վարչապետը, Ադրբեջանի և ՌԴ նախագահները ստորագրեցին հայտարարություն՝ ռազմական գործողությունները դադարեցնելու վերաբերյալ։ Արդյունքում՝ Ադրբեջանի վերահսկողության տակ անցան Արցախի 7 շրջաններ, Շուշին և Հադրութը։

🇮🇷 Իրանը հետ է կանչել իր դեսպաններին Գերմանիայից, Ֆրանսիայից և Մեծ Բրիտանիայից՝ Թեհրանում խորհրդակցությունների համար։

📌 Ուրբաթ օրն էլ Իրանի արտաքին գործերի նախարար Աբաս Արաղչին պնդել է, որ Մեծ Բրիտանիայի, Ֆրանսիայի և Գերմանիայի եվրոպական եռյակի ջանքերը՝ Իրանի դեմ ՄԱԿ-ի Անվտանգության խորհրդի պատժամիջոցները վերականգնելու ուղղությամբ, «անվավեր» են և իրավական ուժ չունեն։
🔸 Մեծ Բրիտանիան, Ֆրանսիան և Գերմանիան 30-օրյա գործընթաց էին սկսել՝ Թեհրանին մեղադրելով համաշխարհային տերությունների հետ 2015 թվականի համաձայնագիրը խախտելու մեջ: |azatutyun.am|

‼️ Մերձավանում տեղի ունեցած սպանության դեպքով ձերբակալվել է 1 անձ։
📌 Քրեական վարույթի նախաքննության ընթացքում կատարված անհետաձգելի գործողությունների արդյունքում ձերբակալվածին պատկանող շինությունում հայտնաբերվել են Քրեական օրենսգրքով արգելված՝ արարքին վերջինիս առնչությունը հաստատող բացահայտ հետքեր, այդ թվում՝ հանցագործության կատարման պահին օգտագործված դիմակը, ձեռնոցները, կոշիկները, բաճկոնը, գիշերային տեսանելիության սարքը, որոնք վերջինս փորձել է այրման եղանակով ոչնչացնել:
🔸 Քրեական վարույթի նախաքննության ընթացքում կատարվում են բազմաթիվ ապացուցողական և վարութային գործողություններ՝ դեպքի ամբողջական հանգամանքները պարզելու, այդ թվում՝ հանցագործության գործիք հանդիսացող ինքնաձիգը հայտնաբերելու ուղղությամբ:
[ՀՀ Քննչական կոմիտե]

Team Telecom Armenia-ն առաջինը տարածաշրջանում կանջատի 2G-ն՝ կապը դարձնելով ավելի արագ և անվտանգ
Team Telecom Armenia-ն կանջատի 2G ցանցը` նպատակ ունենալով էապես բարձրացնել ինչպես կապի որակն ու արագությունը, այնպես էլ թվային միջավայրի անվտանգությունը Հայաստանի ողջ տարածքում։
2G ցանցի անջատման արդյունքում ընկերության կապի ծառայություններից չեն կարողանա օգտվել այն բաժանորդները, որոնք օգտվում են միայն 2G ցանցում աշխատող հեռախոսներից։
Team Telecom Armenia-ն հնարավորություն կընձեռի հատուկ պայմաններով փոխարինելու այն բաժանորդների հեռախոսները, որոնք վերջին երեք ամիսներին ծառայություններից օգտվել են 2G ցանցում աշխատող հեռախոսներով:
#վճարովի_բովանդակություն

🇦🇲🇮🇷 Հայաստանի և Իրանի միջև գոյություն ունի փոխադարձ պայմանավորվածություն՝ Չաբահար նավահանգստից Հայաստան, ապա Սև ծով, ինչպես նաև Պարսից ծոցից դեպի Օման ծով տանող տրանսպորտային ուղին գործարկելու հարցում։ Մամուլի ասուլիսի ժամանակ այս մասին հայտարարեց Հայաստանում Իրանի դեսպան Մեհդի Սոբհանին։
🗣 Նրա խոսքով՝ ներկայումս կառուցվում է Բարզավան–Նորդուզ արագընթաց ճանապարհը, իսկ հայկական կողմում Ագարակից Քաջարան հատվածի 32 կիլոմետրանոց ճանապարհի շինարարությունը իրականացնում է իրանական ընկերություն: Մեհդի Սոբհանիի խոսքով՝ ճանապարհի կառուցումը կբերի լուրջ փոփոխությունների։ |armenpress.am|

❗️Անհայտ ծագման և նոր ստեղծված կայքում, այդ թվում նաև ադրբեջանական ԶԼՄ-ներում, տարածվում են ՀՀ պաշտպանության նախարարին վերագրվող տեղեկություններ, որոնք ոչ միայն իրականության հետ որևէ աղերս չունեն, այլև աբսուրդի ժանրից են։
🔸Նշված նյութի սկզբնաղբյուրի և բոլոր այլ տվյալները փոխանցվել են ՀՀ ԱԱԾ-ին՝ հետագա ընթացքավորման նպատակով։
[ՀՀ ՊՆ]

📌 ՀՀ ԱԳ նախարար Արարատ Միրզոյանը հանդիպում է ունեցել ԱՄՆ սպառազինությունների վերահսկման և միջազգային անվտանգության հարցերով պետքարտուղարի տեղակալ Բրենտ Քրիստենսենի հետ:
🇦🇲🤝🇺🇸 Զրուցակիցները քննարկել ՀՀ և ԱՄՆ միջև ռազմավարական գործընկերության զարգացանն ուղղված ծրագրերի իրականացման հարցեր։ Արարատ Միրզոյանը և Բրենտ Քրիստենսենը մտքեր են փոխանակել տարածաշրջանային զարգացումների, ինչպես նաև բազմակողմ հարթակներում ՀՀ-ԱՄՆ փոխգործակցության հարցերի շուրջ։ [ՀՀ ԱԳՆ]

🇦🇲🇩🇪Սեպտեմբերի 25-ին Նյու Յորքում ՀՀ ԱԳ նախարար Արարատ Միրզոյանը հանդիպում է ունեցել ԳԴՀ արտաքին գործերի դաշնային նախարար Յոհան Վադեֆուլի հետ:
🤝 Ընդգծելով Հայաստանի և Գերմանիայի միջև ձևավորված համագործակցության նշանակալի հիմքերը՝ զրուցակիցները քննարկել են հարաբերությունների խորացման  նոր հնարավորությունները։  
📌 ՀՀ ԱԳ նախարարը, անդրադարձ կատարելով տարածաշրջանում հաստատված խաղաղությանը, ներկայացրել է Վաշինգտոնում օգոստոսի 8-ին ձեռք բերված համաձայնությունների կյանքի կոչման ուղղությամբ իրականացվող աշխատանքները: [ՀՀ ԱԳՆ]