Category: Infocom

🇮🇷 Իրանն ամբողջությամբ կփակի ռազմավարական նշանակություն ունեցող Հորմուզի նեղուցը, եթե ԱՄՆ նախագահ Դոնալդ Թրամփը իրանական էներգետիկ օբյեկտները թիրախավորելու իր սպառնալիքներն իրագործի։
🔸 Այս մասին ասվում է Իրանի Իսլամական հեղափոխության պահապանների կորպուսի հայտարարությունում: |azatutyun.am|

🔸 Նիկոլ Փաշինյանը ներողություն է խնդրում արցախցի կնոջից այսօր մետրոյով տեղի ունեցած միջադեպի առնչությամբ։
🗣 «Լեռնային Ղարաբաղից տեղահանված մեր սիրելի, հարգելի քաղաքացու հետ տենց սուր խոսակցություն էր, և ես նաև մեր գործընկերների որոշակի մեկնաբանություններից և քննադատություններից հասկացա իմ ասածների մեջ ամեն ինչ էնպես չի եղել, ինչպես երևի պետք ա լիներ»,- հայտարարել է Փաշինյանը՝ ասելով, թե 2023թ․-ի իրադարձություններին մինչև այսօր չի կարողանում առանց էմոցիաների անդրադառնալ։
📌 «Հարգելի տիկին Մոսիյան, ես ձեզնից և ձեր որդուց ներողություն եմ խնդրում էմոցիաների համար և հույս ունեմ, որ առիթ կունենանք մետրոյում կամ այլ տեղում նորից հանդիպելու և հանգիստ խոսելու»,- ասել է Փաշինյանը։

⚖️ Վերաքննիչ քաղաքացիական դատարանը բեկանել է Երևանի քաղաքապետ Տիգրան Ավինյանի հոր՝ Արմեն Ավինյանի դեմ կայացված վճիռը և «Օպելի» վարորդ Գրիգոր Իսկանդարյանի հայցը մերժել է։
🔸 Առաջին ատյանի դատարանը վճռել էր, որ «համբալ» վիրավորական արտահայտության համար Ա. Ավինյանը պետք է վճարեր 250 հազ. դրամ որպես պատվին և արժանապատվությանը պատճառված վնասի հատուցում։ Արմեն Ավինյանը բողոքարկել էր այս վճիռը։
📌 Վերաքննիչ դատարանը քննելով քաղաքապետի հոր դիմումը, նրա օգտին որոշում էր կայացրել։ |hetq.am|

🗣 «Բացառված է, որ ես այդպիսի բան ասեմ, ես այդպիսի բան չէի կարա ասեի։ Եթե այդպես է ընկալվել, սխալ է ընկալվել, եթե ինչ-որ մի բան ընենց չեմ ասել, ներողություն եմ խնդրում»։
🔸 Այս մասին ասել է Նիկոլ Փաշինյանը՝ ի պատասխան լրագրողի դիտարկմանը, որ նա զոհվածի դստերը «փախած» է անվանել։

🗣 Մարդու իրավունքների պաշտպանը կոչ է անում պաշտոնատար անձանց, քաղաքական և հասարակական բոլոր դերակատարներին իրենց հրապարակային խոսքի և հաղորդակցության շրջանակներում ցուցաբերել անհրաժեշտ զգայունություն տեղահանված անձանց և փախստականների ու նրանց իրավունքներին առնչվող հարցերի նկատմամբ:
📢 Բռնի տեղահանված անձանց և փախստականների հետ հաղորդակցությունն, ինչպես նաև նրանց իրավունքներին առնչվող հարցերի քննարկումը պետք է իրականացվեն պատշաճ զգայունության երաշխավորմամբ` հաշվի առնելով նշված խմբի խոցելիությունը:
🔸 Ընտրական գործընթացներում հատկապես ակտիվանում է տարբեր թեմաների առնչությամբ քաղաքական հռետորաբանությունը, ինչը հանգեցնում է նաև խոցելի վիճակում գտնվող տարբեր խմբերի վերաբերյալ հաճախ ոչ զգայուն մոտեցումների տարածման:

[ՀՀ մարդու իրավունքների պաշտպան]

«Փախածներով չփորձեք ասել, որ ես Ղարաբաղ եմ տվել». Փաշինյանը մատ թափ տվեց արցախցի կնոջ վրա

Հետևե՛ք NEWS.am-ին սոցիալական ցանցերում՝
Telegram — https://t.me/newsamarm
Facebook — https://www.facebook.com/newsamarm/
Twitter — https://twitter.com/NEWSam_English
Instagram — https://www.instagram.com/news.am/
NEWS.am Style — https://www.youtube.com/@NEWSamStyle1…

🇮🇷🇺🇸 Իրանն արձագանքել է Թրամփի՝ երկրի «տարբեր էլեկտրակայաններ ոչնչացնելու» սպառնալիքներին, հաղորդում է Ֆարս գործակալությունը։
🗣 «Եթե հակառակորդը վնասի Իրանի վառելիքաէներգետիկ ենթակառուցվածքները, ԱՄՆ-ին և տարածաշրջանային վարչակարգին պատկանող ողջ էներգետիկ, տեղեկատվական-տեխնոլոգիական և աղազերծման ենթակառուցվածքները թիրախ կդառնան»,- հայտարարել է Իրանի «Խաթամ ալ Անբիա» կենտրոնական շտաբը։ |news.am|