Category: Infocom

✈️ Գիշերը Նիկոլ Փաշինյանի կառավարական օդանավը Մոսկվայի օդային տարածքի ժամանակավոր փակման պատճառով վայրէջք չի իրականացրել։ Օդանավը ուղևորվել է Սանկտ Պետերբուրգ և ապահով վայրէջք կատարել «Պուլկովո» օդանավակայանում։
📌 Առավոտյան վարչապետ Նիկոլ Փաշինյանը շարունակել է իր ուղևորությունը և մեկնել Մոսկվա, որտեղ կմասնակցի Եվրասիական միջկառավարական խորհրդի հերթական նիստին, ինչպես նաև Գիտության և տեխնոլոգիաների ոլորտում համագործակցության միջազգային կոնֆերանսին։
[Վարչապետի մամուլի քարտուղար Նազելի Բաղդասարյան]

🔍 Արցախի ներկայացուցչությունում Քննչական կոմիտեն խուզարկություններ է իրականացնում:
🗣 Կոմիտեից Tert.am-ին հայտնել են, որ քրեական վարույթի շրջանակում կատարվում են անհրաժեշտ քննչական գործողություններ:

🛬🇩🇪 Գերմանիայի կողմից ՀՀ քաղաքացիներին վիզա տրամադրելու հարցում նորություն է սպասվում. Փաշինյան

🗣 «Շատ կարևոր նորություն իմացանք երեկ Բեռլինում։ ՀՀ-ում Գերմանիայի դեսպանը ասաց, որ հաջորդ տարվանից Գերմանիայի դեսպանատանը այլևս հերթեր չեն լինելու»,- ասել է Փաշինյանը՝ հավելյալ մանրամասներ չներկայացնելով ու նշելով, որ ՀՀ քաղաքացիների համար ԵՄ մուտքի վիզա ստանալու գործընթացը դյուրացնելու հարցը իրենց օրակարգում է։ |armenpress.am|

🇬🇪 Վրաստանի խորհրդարանը հաստատել է «Հավաքների և ցույցերի մասին» օրենքում լրացումներ կատարելու որոշումը, որով ցուցարարների փոքր խմբերին արգելվում է փակել փողոցների երթևեկելի և հետիոտնային հատվածները։
📌 Իրավական հարցերով հանձնաժողովի նախագահ Արչիլ Գորդուլաձեն նշել է, որ ոստիկանությունը համապատասխան վարչական միջոցներ կձեռնարկի սահմանված կանոնները խախտողների նկատմամբ։ |armenpress.am|

⚖️ Հակառուպցիոն դատարանը 2024-ի սեպտմեբերին մերժել է Նավասարդ արքեպիսկոպոս Կճոյանի դեմ ապօրինի ծագման գույքի բռնագանձման հայցը, «Ազատության» հարցմանն ի պատասխան հայտնել են Գլխավոր դատախազությունից:
📌 Արարատյան Հայրապետական թեմի առաջնորդական փոխանորդը 2023-ին դատախազության այդ գործերով զբաղվող վարչություն էր հրավիրվել, այդ ժամանակ պաշտոնապես հայտարարել էին՝ ուսումնասիրում են նրան պատկանող գույքը: |azatutyun.am|

❗️Պարտադիր զինվորական ծառայությունից և վարժական հավաքներից կաշառքի դիմաց ազատվելու դեպքերի առթիվ քննվող քրեական վարույթի շրջանակում ձերբակալվել է 6 անձ, այդ թվում՝ ՀՀ պաշտպանության նախարարության զինվորական կոմիսարիատի աշխատակից և բժշկական հանձնաժողովի անդամ։
🗣 «Վերջիններս մեղադրվում են խոշոր չափերով կաշառք ստանալու և պաշտոնեական լիազորությունները չարաշահելու մեջ։ ՊՆ աշխատակցի նկատմամբ որպես խափանման միջոց է կիրառվել կալանքը»։
[Հակակոռուպցիոն կոմիտե] |news.am|

💬 ԱԺ նախագահ Ալեն Սիմոնյանը կարծում է, որ 2026-ի առաջին եռամսյակում Հայաստան-Ադրբեջան սահմանի ևս մի հատված կսահմանազատվի՝ չհստակեցնելով, թե կոնկրետ որ հատվածի մասին է խոսքը:
🗣 «Ինչ-որ հարցերում մենք ենք շտապում, ինչ-որ հարցերում ադրբեջանական կողմն է շտապում, բայց գործընթացը շարունակվում է։ Ես կարծում եմ, որ մոտ ապագայում մենք նաև ինչ-որ մի մաս նույնպես կսահմանազատենք, և կունենանք այն դրական, հաճելի, ստացված իրավիճակը, որը ունենք Կիրանցի մասում, որը դարձել է մեր համար օրինակելի մի տեղ, որտեղ մենք միջազգային գործընկերներին և մեր քաղաքացիներին, որոնք դեռ չեն եղել, տանում ենք, ցույց ենք տալիս, և ի ցույց ենք դնում, թե խոստացված խաղաղությունն ինչ տեսք կարող է ունենալ և ինչ տեսք ունի»‎,- ասել է ԱԺ նախագահը։ |civilnet.am|

📌 Մենք կարող ենք ապացուցել, որ որևիցե տարածքային պահանջ մեր Սահմանադրության մեջ չկա Ադրբեջանի նկատմամբ։ Եվ մենք կարող ենք ապացուցել դա և՛ դե յուրե, և՛ գործնականում։ Ավելին՝ Հայաստանում էլ կան որոշ մեկնաբանություններ և ընթերցումներ Ադրբեջանի Սահմանադրության, որոնց համաձայն՝ տարածքային պահանջներ կան Ադրբեջանի Սահմանադրության մեջ Հայաստանի նկատմամբ։
📌 Սակայն ինչո՞ւ մենք առաջ չենք քաշում այդ հարցը, որովհետև խաղաղության և Հայաստանի և Ադրբեջանի միջև միջպետական հարաբերությունների հաստատման մասին համաձայնագրի տեքստում, որը նախաստորագրվել է Վաշինգտոնում, բոլոր այդ հարցերին անդրադարձ կա։
[Նիկոլ Փաշինյանը՝ Արտաքին հարաբերությունների գերմանական ընկերակցությունում հանդիպման ժամանակ] |news.am|

🇦🇲🇦🇿 Արմեն Գրիգորյանն ու Հիքմեթ Հաջիևը համատեղ հարցազրույց են տվել «Euronews»-ին ու ներկայացրել խաղաղության գործընթացը:
📌 Հաջիևն ասել է՝ «հակամարտության այս գլուխը փակված և իրական խաղաղություն հաստատված» լինելով՝ Ադրբեջանն ու Հայաստանը ձեռնամուխ են լինում տարածաշրջանում լայնածավալ տնտեսական զարգացման՝ երկու երկրների փոխադարձ օգուտի համար:
📌 «Մենք վստահ ենք, որ տարածաշրջանային տնտեսական նախագծերի իրականացումը կմեծացնի փոխկախվածությունը և կամրապնդի խաղաղությունը, ինչպես նաև տնտեսական օգուտ կբերի երկու հասարակություններին։ Մենք շարժվում ենք այս ուղղությամբ, և դրա ապացույցն այն է, որ Հիքմեթի հետ միասին նստած ենք ձեր ստուդիայում՝ Դոհայում»,- ասել է Արմեն Գրիգորյանը։ |factor.am|

❄️ Արագածի, Ճամբարակի, Մեղրիի տարածաշրջաններում ձյուն է տեղում, իսկ Արթիկի տարածաշրջանում՝ ձնախառն անձրև։
🌫 Սևան-Հրազդան ավտոճանապարհին խիտ մառախուղ է, տեսանելիությունը՝ 30-50 մետր, Արթիկի, Աբովյանի, Սպիտակի, Մասիսի տարածաշրջանների ավտոճանապարհներին և Վարդենյաց լեռնանցքում՝ 50-80 մետր։
[Ճանապարհային դեպարտամենտ]