Category: Infocom

⚖️ Աննա Հակոբյանի և «Իմ քայլի» մասով որևէ վարույթ չկա Հակակոռուպցիոն կոմիտեիում։ Այս մասին լրագրողների հետ զրույցում ասաց Կոմիտեի նախագահ Արթուր Նահապետյանը։
📌 Հիշեցնենք, որ «Անկախ դիտորդ» դաշինքը երեկ հայտնեց, որ «Իմ քայլը» հիմնադրամի կողմից իրականացվող բարեգործական միջոցառումների վերաբերյալ Վարչական դատարան դիմում է ներկայացրել։ «Իրազեկ քաղաքացիների միավորում» ՀԿ-ի ծրագրերի համակարգող Դանիել Իոաննիսյանն գրել էր, որ «Անկախ դիտորդ» դաշինքը պահանջել է 15 դրվագով վարչական պատասխանատվության ենթարկել հիմնադրամի գործադիր մարմնի ղեկավար Աննա Հակոբյանին։

🏥 Բյուրեղավանում արձանագրված համաճարակի հետևանքով շուրջ երեք տասնյակ բնակիչներ ներկայումս գտնվում են ստացիոնար բուժման մեջ, հայտնում են Բյուրեղավանի համայնքապետարանից։
📣 «Նրանց մեծ մասը բուժումն անցնում է Աբովյանի Ռ. Հարությունյանի անվան բժշկական կենտրոնի ինֆեկցիոն բաժանմունքում։ Իրականացվում է անհրաժեշտ բժշկական օգնություն և այս պահին նրանց վիճակը վերահսկելի է»,- նշված է հաղորդագրությունում։

📣 Մայր Աթոռ Սուրբ Էջմիածինը խստորեն դատապարտել է Ադրբեջանի կողմից Արցախի հոգևոր և մշակութային ժառանգության շարունակական ոչնչացումը։
🗣 Մայր Աթոռը կոչ է արել ՀՀ իշխանություններին, ինչպես նաև միջազգային հանրությանը հրատապ քայլեր ձեռնարկել՝ կասեցնելու Արցախում մշակութային ոճրագործությունները։
📌 «Պետական մակարդակով իրագործվող այս վանդալիզմը հերթական անգամ փաստում է, որ Ադրբեջանի հայատյաց քաղաքականությունը որևէ փոփոխություն չի կրել, որով և կասկածելի են դառնում Հայաստանի հետ կայուն ու երկարատև խաղաղություն հաստատելու մասին հայտարարությունները», — ասված է հայտարարության մեջ։