🔸 Ի պատասխան ԶԼՄ-ների հարցումների՝ ՀՀ պաշտպանության նախարարությունը հայտարարություն է տարածել․
📣 «ՀՀ ՊՆ ռազմական ոստիկանությունը, «Ռազմական ոստիկանության մասին» օրենքով վերապահված լիազորությունների շրջանակում, իր առջև դրված խնդիրների կատարումն ապահովելու համար, ներառյալ ՀՀ սահմանային անցակետերում, իրականացնում է ծառայություն՝ նպատակ ունենալով աջակցել զինվորական կոմիսարիատներին՝ զինապարտ քաղաքացիներին զինվորական հաշվառման վերցնելու, պարտադիր զինվորական ծառայության զորակոչելու և պահեստազորային պատրաստության միջոցառումներին ներգրավելու գործընթացում»,- նշված է հայտարարության մեջ։
❗️Արտուր Օսիպյանի վիճակը ծանր է և գնալով վատանում է․ այսօր հացադուլի 17-րդ օրն է։ Այս մասին հայտնել է Օսիպյանի պաշտպան Դավիթ Հովհաննիսյանը, որն իր պաշտպանյալին ՔԿՀ-ում տեսակցել է երեկ։
🗣 «Օսիպյանի կյանքի համար լուրջ վտանգ է առկա, և ամեն օր կարող է ինչ-որ վատ բան պատահել, քանի որ ըստ բժիշկների՝ արդեն 14-րդ օրը օրգանիզմը սկսում է գլյուկոզա ստանալ սրտամկանից։ Եվ սա կյանքի համար արդեն լուրջ սպառնալիք է»։
🔸 Պաշտպանը նշել է, որ Օսիպյանը մեղադրվում է 3 ենթադրյալ հանցագործությունների մեջ․ «Առաջինը՝ քարոզարշավին խոչընդոտելը, որը դրսևորվել է Նիկոլ Փաշինյանին ոչ ցանկալի հարցեր ուղղելու եղանակով, սա զարմանալի է, և ժողովուրդը պետք է հասկանա, որ Փաշինյանին հարցեր տալը ուղիղ կապ ունի անազատության հետ։ Երկրորդն այն է, որ նա կատարել է խուլիգանություն՝ հայհոյանքներ հնչեցնելու եղանակով, ինչը եւս ապօրինի է։ Երրորդը՝ բռնության կոչ, որ ֆեյսբուքում գրել է՝ «ողնաշարդ կջարդեմ» «բմբուլներդ քամուն կտամ»,- նշել է պաշտպանը՝ հավելելով՝․
🔹 «Բա Նիկոլ Փաշինյանը գրեթե ամեն օր «սատկացնում է», «կզացնում է», ով է իմանում՝ սպառնում է, ինչ է անում։ Նրան կարելի է, Օսիպյանին չի՞ կարելի։ Թե՞ ՀՀ-ում միայն վարչապետը իրավունք ունի քաղաքական իմաստով «կզացնի» կամ «սատկացնի», իսկ Օսիպյանը [չի կարող] քաղաքական առումով «ողնաշար ջարդի» կամ «բմբուլներ քամուն տա»»։
Կարդալ ավելին
⚖️ Ալիկ Ալեքսանյանին առնչվող քրեական վարույթի շրջանակում 37 անձի նկատմամբ քրեական հետապնդում է հարուցվել, 25 անձ ձերբակալվել է. Քննչական կոմիտե
🗣 «Նախաքննության փուլում կատարված 50-ից ավելի խուզարկությունների արդյունքում հայտնաբերվել են բազմաթիվ անձանց գումարներ բաժանելու, արտերկրում բնակվող՝ ՀՀ քաղաքացիություն և ընտրելու իրավունք ունեցող անձանց կոնտակտային տվյալների վերաբերյալ ցուցակներ, քաղաքացիների հավաքագրումների, կոնկրետ անձանց՝ կատարված «բարեգործությունների» վերաբերյալ հաշվետվություն տալու մասին փաստաթղթեր:
📌 Քրեական վարույթի նախաքննությունը շարունակվում է»,- ասվում է հաղորդագրության մեջ:
📃📣 Ուղիղ օդանավակայանում ոչ մեկի չեն կարող վարժական հավաքների ծանուցագիր տալ․ ծանուցման համար կա կարգ․ այնտեղ ծանուցում իրականացնել ֆիզիկապես հնարավոր չէ․ Սուրեն Պապիկյան
📌 Այս մասին ՀՀ պաշտպանության նախարարն ասել է Factor.am-ի հարցին ի պատասխան՝ մեկնաբանելով տեղեկությունները, թե ՌԴ-ից Հայաստան եկող տղամարդկանց ծանուցագրեր են տրվում։
❓ Հարցին, թե բացառո՞ւմ է, որ ՌԴ-ից եկած քաղաքացիներին կարող են ծանուցագրեր ուղարկվել, ասաց․ «Ինչպես կարող եմ բացառել, ՌԴ-ից եկած ՀՀ քաղաքացին, ով զինապարտ է, հայրենիքի հանդեպ պարտավորություններ չունի՞», — ասաց նա՝ նշելով, որ նույնը վերաբերում է Ֆրանսիայից, ԱՄՆ-ից եկած ՀՀ քաղաքացիներին։
🗣 Նա անդրադարձել է նաև սահմանային կետերում Ռազմական ոստիկանության ներկայության հարցին՝ նշելով, որ կառույցը ֆունկցիաներ ունի, որը իրականացնում է ըստ անհրաժեշտության։
📣 Ազատությունից զրկման հարցը բազմաթիվ հարցեր է առաջացնում. ՄԻՊ-ը` Արտուր Օսիպյանի մասին
🗣 «Բազմիցս եմ խոսել թե՛ խափանման միջոց կալանքի կիրառման մասին, թե՛ նաև խոսքի ազատության սահմանները խախտելու պարագայում քրեական պատասխանատվության գործիքների կիրառման մասին… Հիմա հնարավորություն կունենանք փաստաթղթերին ծանոթանալու, որ հասկանանք, թե տարբեր մարմիններ ինչ են հիմքում դրել՝ մարդուն վերաբերելի տարբեր հանգամանքների հետ կապված: Խնդրի վերաբերյալ ապագայում եմ խոսելու», — ասաց Անահիտ Մանասյանը՝ պատասխանելով հարցին, թե Արտուր Օսիպյանը քաղբանտարկյա՞լ է։
📌 ՄԻՊ-ին հարցրին նաև՝ արդյոք իր մանդատի շրջանակում պատրաստվում է խոսել Փաշինյանի հետ, հատկապես որ Օսիպյանն ասել է, որ մինչև ներողություն չխնդրի, հացադուլը չի դադարեցնելու, Մանասյանը պատասխանեց. «ՄԻՊ գործառույթների մեջ չի մտնում հացադուլ հայտարարած անձանց պահանջների բավարարումը կամ դրան նպաստելը: ՄԻՊ-ի գործառույթների մեջ է հացադուլի վարման՝ պետության կողմից ընթացքին հետևելը և անհրաժեշտության դեպքում խախտումներն արձանագրելը»։ |aravot.am|