Telegram Media.Monitoring

Category: Infocom

  • ՀՀ կառավարության որոշմամբ՝ պետգույքի կառավարման կոմիտեին կամրացվեն Գագիկ Ծառուկ…

    🗣 ՀՀ կառավարության որոշմամբ՝ պետգույքի կառավարման կոմիտեին կամրացվեն Գագիկ Ծառուկյանի ընտանիքին առնչվող որոշ գույքեր․
    🏘 Մասնավորապես, կամրացվեն Ծաղկաձորի Տանձաղբյուրի փողոցի և Առինջ գյուղի Պ. Սևակ թաղամասի անշարժ գույքերը։ Բացի այդ, ՀՀ սեփականության իրավունքն է գրանցվել «ԱԿԲԱ ԲԱՆԿ» ԲԲԸ- 2000 հատ բաժնետոմսերի նկատմամբ, ինչպես նաև ՀՀ-ին է փոխանցվել 2021 թ. «Բելգլաս» ՍՊԸ-ին տրամադրված 294.900 ԱՄՆ դոլար փոխառության չվերադարձված մասի՝ 264.000 ԱՄՆ դոլարի պահանջի իրավունքը։
    👮🏼‍♂️Նշվում է նաև, որ Առինջ գյուղի վերոնշյալ շենք-շինությունների նկատմամբ կիրականացվի պահառություն։
    ՀՀ սեփականության իրավունքն է գրանցվել Կոտայքի նախկին մարզպետ Կարապետ Գուլոյանից եւ նրա կնոջից՝ Ռոզա Ծառուկյանից (Գագիկ Ծառուկյանի դուստերից եւ վերջինիս ամուսնուց – խմբ. ) բռնագանձված առանձնատան, հողամասի և բաժնետոմսերի նկատմամբ։

  • ՌԴ փոխվարչապետ Ալեքսեյ Օվերչուկը բացառել է վաղը Աստանայում կայանալիք ԵԱՏՄ գագաթ…

    🇦🇲🇷🇺 ՌԴ փոխվարչապետ Ալեքսեյ Օվերչուկը բացառել է վաղը Աստանայում կայանալիք ԵԱՏՄ գագաթնաժողովում Հայաստանի նկատմամբ սահմանափակող միջոցների կիրառումը։
    🗣 «Խոսքը պայմանագրի փոփոխման մասին չէ։ Պայմանագրում փոփոխություններ կատարելու համար կոնսենսուս է անհրաժեշտ, և Հայաստանը, ինչպես գիտենք, ԵԱՏՄ-ից դուրս գալ չի պատրաստվում: Այնտեղ շատ լավ գիտակցում են ինչպես արտոնությունների, այնպես էլ ԵԱՏՄ անդամ մյուս պետությունների հետ առևտրի ծավալը, ինչը մեծապես հնարավոր է դարձել հենց այն արտոնյալ ռեժիմների շնորհիվ, որոնք գոյություն ունեն Հայաստանի համար»,- ասել է Ռուսաստանի փոխվարչապետը։
    📌 Օվերչուկը միաժամանակ պնդել է, թե Հայաստանի՝ Եվրամիությանը միանալու ծրագրերի շուրջ ստեղծված իրավիճակը զգալի անորոշություն է ստեղծում, այդ թվում՝ ռուս ներդրողների համար։ |azatutyun.am|

  • Հակակոռուպցիոն կոմիտեն ձայնագրություն է հրապարակել «Բարգավաճ Հայաստան» կուսակցո…

    ⚖️ Հակակոռուպցիոն կոմիտեն ձայնագրություն է հրապարակել «Բարգավաճ Հայաստան» կուսակցության Վանաձորի գրասենյակում այսօր գործողությունների վերաբերյալ։
    📌 Ըստ հաղորդագրության՝ «Բարգավաճ Հայաստան» կուսակցության Վանաձորի գրասենյակի պատասխանատուն այլ անձանց հետ ընտրություններին իրենց կուսակցության օգտին քվեարկելու պայմանով մի շարք ընտրողների տվել է ընտրակաշառք։

  • «Բոլորին դեմ եմ» կուսակցությունը «զահլեն տանելու» ակցիա է իրականացրել Հայաստանի…

    📣 «Բոլորին դեմ եմ» կուսակցությունը «զահլեն տանելու» ակցիա է իրականացրել Հայաստանի հանրային ռադիոընկերության դիմաց. նրանք «ժողովրդի զահլայի» 500 կիլոգրամանոց արձան տեղադրեցին Ռադիոտան մոտ։
    🗣 Կուսակցության վարչապետի թեկնածու Նինա Կարապետյանցը հայտարարեց, որ իրենց արձանի ծանրությունը ցույց է տալիս, թե գործող իշխանություններն ու ընդդիմությունը որքան են տարել ժողովրդի «զահլեն»։

    📌 «Սա է այն ծանրակշիռ, հասարակության համար զզվեցնող, թթվի քար դարձած զահլեն։ Հասարակությանն ուզում ենք ասել` սա վերջին զահլեն է լինելու, եթե անգամ գան, վերցնեն ու տանեն, ապա սա կլինի վերջին զահլեն, որ կտանեն։ Պետական բյուջեով որ զահլեքս տարել են, թող հավաքեն այս զահլեն էլ տանեն»,– ընդգծեց Կարապետյանցը։ |arm.sputniknews.ru|

  • Ժողովուրդն ինքն է որոշելու՝ լինել ԵՄ, թե ԵԱՏՄ կազմում՝ հայտարարել է Նիկոլ Փաշին…

    📌 Ժողովուրդն ինքն է որոշելու՝ լինել ԵՄ, թե ԵԱՏՄ կազմում՝ հայտարարել է Նիկոլ Փաշինյանը Գառնիում քարոզարշավի ժամանակ։
    💬 Փաշինյանի խոսքով՝ անտրամաբանական է Հայաստանին սպառնալ գների թանկացմամբ։ Ըստ նրա՝ նման սպառնալիքին կա պատասխան՝ մենք շատ ավելի փող կունենանք, որ դա մեզ համար շատ թանկ չթվա։
    🗣 «Հայաստանն այսօր դառնում է խաղաղության խաչմերուկ, իսկ դա նշանակում է, որ Հայաստանը ոչ թե հազարների կամ միլիոնների երկիր է լինելու, այլ միլիարդների ու տրիլիոնների երկիր։ Մենք այլևս կուչ եկած, պլեճին կակա ասող պետությունն ու ժողովուրդը չենք։ Մենք այսօր պետություն ենք, որն ի վիճակի է կառուցելու իր բարեկեցությունը»,- ընդծել է Փաշինյանը։ |arm.sputniknews.ru|

  • Հայկ Մարությանի ղեկավարած «Նոր ուժ» կուսակցությունն անդրադարձել է Хроника Кавка…

    💬 Հայկ Մարությանի ղեկավարած «Նոր ուժ» կուսակցությունն անդրադարձել է Хроника Кавказа անունով կայքի հրապարակմանը, որում անդրադարձ կա նաև «Նոր ուժ»-ին։
    🔸 «Միակ «փաստաթուղթը», որը դրված է հոդվածի հիմքում, ռուսալեզու մի PDF է, որտեղ երևում է՝ ինչ-որ անհայտ կազմակերպություն մեզ համար իբր սոցհարցում է կատարել ապրիլի 29-ից մայիսի 1-ը, և էդ «հարցման» մասնակիցներին ցույց են տրվել մեր նախընտրական պաստառների էսքիզները, որպեսզի նրանք գնահատեն դրանք։ Էսքիզների վրա երևում է մեր քվեաթերթիկի համարը՝ 5: Իսկ մեր քվեաթերթիկի համարը ԿԸՀ նիստում հայտնի է դարձել մայիսի 3-ին։ (…)
    🔸 Զրպարտագրում նշվում է, թե իբր ինչ-որ ռուսական կազմակերպության փող են տվել, որ Հայկ Մարությանի նախընտրական PR-ստրատեգիան։ Պատկերացնում եք, չէ՞՝ ինչ-որ մեկը պետք է խորհուրդ տար Մարությանին Կարգին հաղորդման ոճի մեջ ռիլեր նկարել»,- գրել է կուսակցության ներկայացուցիչ, խոսնակ Հակոբ Կարապետյանը։

  • Արցախի ներկայացուցչության շենքը արցախցիների համար վայր է, որը խորհրդանշում է ագ…

    📌 Արցախի ներկայացուցչության շենքը արցախցիների համար վայր է, որը խորհրդանշում է ագրեսիայի ու բռնազավթման ենթարկված Արցախի պետականությունը և նվազագույն հնարավորություն է տալիս էթնիկ զտումների ու ցեղասպանության ենթարկված արցախցիներին (…) իրենց իրավունքների պաշտպանության նպատակով ջանքերի համատեղման ու համակարգման համար։ Այն չի կարող դառնալ տարատեսակ կեղտոտ պայմանավորվածությունների ու քաղաքական առևտրի առարկա։
    📌 Ակնկալում ենք, որ Արցախի ճակատագրով մտահոգ, Հայաստանում և Սփյուռքում գտնվող հաստատություններն ու հայրենակիցները կարձագանքեն ՀՀ իշխանությունների այս հերթական ամոթալի քայլին։
    [Արցախի ազգային ժողով]
    Անվավեր է ճանաչվել Արցախի ներկայացուցչության շենքի նկատմամբ սեփականության իրավունքը

  • Վարորդական իրավունքից զրկվածներին խոստացված նախագիծն արժանացավ կառավարության հա…

    ✅ Վարորդական իրավունքից զրկվածներին խոստացված նախագիծն արժանացավ կառավարության հավանությանը․ փոփոխությունների նախագիծը կներկայացվի Ազգային ժողովի քննակմանը։
    🚙 Առաջարկվում է վարորդական իրավունքից զրկված քաղաքացիներին հնարավորություն տալ առաջին անգամ վերականգնել այն առանց որակավորման քննություններ հանձնելու՝ վճարելով 50 000 դրամ պետական տուրք և անցնելով մեկ տարվա փորձաշրջան՝ 6 տուգանային միավորով։
    📌 Եթե բալերը չսպառվեն, հաջորդ տարի վարորդը կստանա սովորական 13 միավոր։ Վարելու իրավունքից 2-րդ անգամ զրկվելու դեպքում վարորդն այլևս չի կարողանա վերականգնել այն առանց քննության: |arm.sputniknews.ru|

  • Նիկոլ Փաշինյանը հայտարարում է, որ Սամվել Կարապետյանը պետք է դատվի 300 000 ադրբե…

    🔻 Նիկոլ Փաշինյանը հայտարարում է, որ Սամվել Կարապետյանը պետք է դատվի 300 000 ադրբեջանցիների վերադարձի թեման Հայաստանի ներքաղաքական օրակարգ մտցնելու փորձերի համար՝ այն անվանելով «լրտեսական գործունեություն»։
    🗣 «Կալուգացի օլիգարխը պետք է դատվի ոչ միայն փողերի լվացման և դպրոցներից ու մանկապարտեզներից ու զորամասերից հոսանքի գողության, այլև Հայաստանի պետական շահերի դեմ գործելու, մասնավորապես՝ 300 000 ադրբեջանցիների վերադարձի՝ գոյություն չունեցող թեման Հայաստանի ներքաղաքական օրակարգ մտցնելու փորձերի համար։ Չի ստացվի պարզապես այդ լրտեսական գործունեությունը»,- ասել է Փաշինյանը ֆեյսբուքում հրապարակված տեսանյութում։
    🔻 Նա նշել է, որ Կարապետյանը տասնամյակներով չի կարողանալու դուրս գալ Հայաստանի Հանրապետությունից, և նա պետք է գտնվի քրեակատարողական հիմնարկում «որպես լրտես, որպես հոսանքի գող և որպես փող լվացող»։

  • Սպարտակ Ղուկասյանը 3 ամսով կալանավորվել է ամիսներ առաջ դատարանի դահլիճում հնչեց…

    ℹ️ Սպարտակ Ղուկասյանը 3 ամսով կալանավորվել է ամիսներ առաջ դատարանի դահլիճում հնչեցրած վիրավորական արտահայտության համար հարուցված քրեական վարույթի շրջանակներում, որը որակվել էր մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանություն։
    🗣 Այդ մասին «Ազատությանը» հայտնել են Գլխավոր դատախազությունից։
    Գյումրու քաղաքապետ Վարդան Ղուկասյանի որդուն՝ Սպարտակ Ղուկասյանին կրկին կալանավորել են առանց պաշտպանների մասնակցության։