Category: Infocom

🇦🇲🇦🇿 Հայաստանի և Ադրբեջանի խորհրդարանների նախագահներն ընդգծել են կառուցողական խորհրդարանական երկխոսության շարունակման կարևորությունը:
🤝 Սիմոնյանն ու Գաֆարովան դրական են գնահատել միջազգային կազմակերպությունների շրջանակներում խորհրդարանական պատվիրակությունների միջև շփումները, որոնք սկսվել են 2025թ. հոկտեմբերին Ժնևում կայացած նրանց հանդիպումից հետո, և պայմանավորվել են շարունակել այդ շփումները:
Լուսանկարի կենտրոնում՝ Միջխորհրդարանական միության գլխավոր քարտուղար Մարտին Չունգոնգը

«Անկախության մեր ճանապարհը» ֆիլմը հասանելի է Հանրայինի յութուբյան ալիքում. Պասկևիչյանի խոսքով՝ այդ լուծումն իր առաջարկն էր
🔻 Հանրային ՀԸ տնօրեն Հովհաննես Մովսիսյանը հայտնել է. «Երբ վերականգնվել են Հանրային ՀԸ իրավունքները, Հանրային հեռարձակողի խորհրդի համաձայնությամբ ֆիլմը դարձնում ենք հրապարակային հասանելի, որ բոլորը կարողանան գնահատել այն»:
🔻 Տիգրան Պասկևիչյանն էլ, ֆեյսբուքյան էջում տեղադրելով ֆիլմի հղումը, գրել է. «Միթե արժե՞ր հասնել դատարան, դատարանում չլսել ու հաշվի չառնել հարցի լուծման՝ իմ կողմից հնչեցված ամենահեշտ տարբերակը, այն է՝ տեղադրել ֆիլմը Յութուբում, և փորձել ներկայացնել դա որպես ՀՀԽ-ի առաջարկած լուծում»:
🔻 Իսկ ՀՀԽ նախագահ Վասակ Դարբինյանը հույս է հայտնել, որ Պասկևիչյանը հրապարակավ ներողություն կխնդրի բոլոր նրանցից, «որոնց հանիրավի մեղադրել էր իր ֆիլմը արգելելու և գրաքննելու մեջ»:

👨‍⚖️ Տնային կալանք խափանման միջոց է կիրառվել «Ուժեղ Հայաստան» կուսակցության գրասենյակից բերման ենթարկված անձանցից 6-ի նկատմամբ, ևս 1-ի նկատմամբ միջնորդությունը մերժվել է, ու նա ազատ է արձակվել: 
🗣 Այս մասին հայտնել է կուսակցության անդամ Գոհար Մելոյանը։

🇦🇲🇦🇿 Իրական հաշտեցման հասնելու համար Ադրբեջանում պահվող 19 հայերը պետք է ազատ արձակվեն և վերամիավորվեն իրենց ընտանիքների հետ, ասել է ԱԺ նախագահ Ալեն Սիմոնյանը Միջխորհրդարանական միության 152-րդ վեհաժողովի ընդհանուր քննարկումների ժամանակ։
🔸 «Դեռեւս առկա են լուրջ մարդասիրական խնդիրներ, որոնք պետք է լուծվեն»,- նշել է նա։ |tert.am|

🇦🇲🇦🇿 «2025 թվականի համաձայնագրից հետո Ադրբեջանի հետ խաղաղությունը հաստատվել է․ սա պատմական քայլ է, որը ճանապարհ է բացում մեր ժողովուրդների համար դեպի վստահություն, համագործակցություն և շոշափելի առաջընթաց»,- գրել է ԱԺ նախագահ Ալեն Սիմոնյանն X-ում՝ անդրադառնալով Միջխորհրդարանական միության 152-րդ վեհաժողովում «Սերմանելով հույս, ապահովելով խաղաղություն և երաշխավորելով արդարություն ապագա սերունդների համար» թեմայով իր ելույթին։
🗣 «Մենք պատրաստ ենք խորացնել տարածաշրջանային գործընկերությունները, այդ թվում՝ Թուրքիայի հետ, և կառուցել մի ապագա, որտեղ կգերակշռեն կայունությունը, փոխկապակցվածությունը և բարեկեցությունը»,- գրել է Սիմոնյանը։