Category: Infocom

🏥 Գյումրիում տեղի ունեցած խոշոր ավտովթարից տուժած 28-ամյա կնոջ առողջական վիճակը շարունակում է մնալ ծայրահեղ ծանր։ Բժիշկների փոխանցմամբ՝ նրա գիտակցությունը մթագնած է, միացված է արհեստական շնչառական ապարատին։
👩‍⚕️ Կնոջ երեք երեխաներից երկուսի առողջական վիճակում արձանագրվել է աննշան դրական տեղաշարժ, սակայն բժիշկները նրանց վիճակը դեռևս գնահատում են ծանր։ Իսկ մեկ տարեկան փոքրիկի վիճակը շարունակում է մնալ ծայրահեղ ծանր։
[ՀՀ առողջապահության նախարարություն]|azatutyun.am|

🇭🇺 Հունգարիայի պատմական ընտրությունների արդյունքները՝ թվերով
🗳 Քվեների գրեթե 99%-ի մշակումից հետո 199-տեղանոց խորհրդարանում մանդատների բաշխվածությունը հետևյալն է.
🔻 Պետեր Մադյարի ղեկավարությամբ «Տիսա» կուսակցություն՝ 138 տեղ (53.6%). սա կուսակցությանը տալիս է սահմանադրական մեծամասնություն:
🔻 Վիկտոր Օրբանի ղեկավարած դաշինք՝ 55 տեղ (37,8%). նախորդ գումարման խորհրդարանում ուներ 135 տեղ։
🔻 «Մեր հայրենիք» շարժում՝ 6 տեղ (5,8%):
🇦🇲 Նշենք, որ Օրբանն էր Հունգարիայի վարչապետը, երբ այդ երկիրը Ադրբեջանին արտահանձնեց հայ սպա Գուրգեն Մարգարյանին կացնահարած Ռամիլ Սաֆարովին, ինչի պատճառով Հայաստանը խզեց դիվանագիտական հարաբերությունները Հունգարիայի հետ։ Այդ հարաբերությունները վերականգնվել են միայն վերջերս:

❌ Գումարով զինծառայությունը կրճատելու վերաբերյալ նախագիծը չի քննարկվի ԱԺ լիագումար նիստում:
🗳 Այն օրակարգում ներառելու հարցին կողմ էր 3, դեմ՝ 57 պատգամավոր:
🔸 Թե՛ գլխադասային հանձնաժողովը, թե՛ Կառավարությունը բացասական եզրակացություն էին տվել նախագծին: ՔՊ խմբակցության ղեկավար Հայկ Կոնջորյանը քվեարկությունից առաջ հայտնեց, որ դեմ են քվեարկելու:
💬 Նախագծի հեղինակ Հայկ Սարգսյանն էլ քվեարկությունից հետո հայտնեց, որ առաջիկայում քննարկումները շարունակվելու են, և վստահություն հայտեց, որ մեխանիզմներ կներդրվեն, որ «ծառայությունից խուսափելը չլինի հեշտ և չլինեն այսօր գործող օրինական մեխանիզմները»:

❗️ Դավիթ Մինասյանին անվասայլակով են տեղափոխել քրեակատարողական հիմնարկ, ծանր վիճակում։ Այս մասին հայտնել է նրա պաշտպաններից Վարդուհի Էլբակյանը։
🗣 «Էդպես ծանր վիճակում տեղափոխեցին կալանավայր, ափալ-թափալ տարան, հայտնի էլ չի այս պահին, թե որ կալանավայր են տեղափոխել։
🔸 Մեզ միայն էպիկրիզը տվեցին, որ պետք է գտնվի բժիշկների հսկողության տակ, հատկապես նյարդաբանի, բայց ես չգիտեմ՝ Հայաստանում չկա նման կալանավայր, որտեղ կարող են նման բուժօգնություն ցուցաբերել»,- նշել պաշտպանը։ |news.am|

🇮🇱🇺🇸🇮🇷 Իսրայելն աջակցում է Թրամփի կողմից Իրանի նավահանգիստների շրջափակմանը: Այս մասին հայտարարել է Իսրայելի վարչապետ Բենիամին Նեթանյահուն։
🗣 «Համաձայնությունն այն էր, որ նրանք կդադարեցնեն կրակը, և իրանցիներն անմիջապես կբացեն Հորմուզի նեղուցը, նրանք դա չարեցին։ Ամերիկացիները չէին կարող հաշտվել դրա հետ»,- ասել է նա։ |factor.am|