Category: Infocom

🇮🇷🇺🇸 Իրանի և ԱՄՆ-ի միջև ընթացող բանակցություններն ավարտվել են առանց որևէ համաձայնության՝ «ամերիկյան կողմի ներկայացրած չափազանց մեծ պահանջների պատճառով»։ Այս մասին հայտարարել է Իրանի ԱԳՆ մամուլի խոսնակ Էսմայիլ Բաղային, հաղորդում է Tasnim-ը։
📌 Բաղային ասել է, որ Իրանն ու ԱՄՆ-ն «մի շարք հարցերի շուրջ հասել են փոխըմբռնման», և որ առկա են եղել տարակարծություններ 2-3 կարևոր խնդիրների շուրջ։
🗣 «Այս բանակցություններին ավելացան որոշ նոր խնդիրներ, ինչպիսին է Հորմուզի նեղուցի հարցը, որոնցից յուրաքանչյուրն ունի իր բարդությունները»,- նշել է իրանցի պաշտոնյան։

🇺🇸 ԱՄՆ նախագահ Դոնալդ Թրամփը հայտարարել է, որ ամերիկյան ուժերը սկսել են Հորմուզի նեղուցի «մաքրման» գործընթացը։
📌 Truth Social հարթակում ապրիլի 11-ին հրապարակված գրառման մեջ Սպիտակ տան ղեկավարը ընդգծել է, որ գործողությունը նպատակ ունի ապահովել միջազգային նավարկության անվտանգությունը։
🗣 «Մենք հիմա սկսում ենք Հորմուզի նեղուցի մաքրման գործընթացը՝ որպես ծառայություն աշխարհի բոլոր երկրների համար, ներառյալ Չինաստանը, Ճապոնիան, Հարավային Կորեան, Ֆրանսիան, Գերմանիան և շատ ուրիշներ»,- նշել է Թրամփը։ |factor.am|

🇦🇲🇦🇿 Գաբալայում «Խաղաղության կամուրջ» նախաձեռնության շրջանակում Ադրբեջանի և Հայաստանի քաղհասարակության ներկայացուցիչների հանդիպմանը մասնակցել է նաև Ադրբեջանի նախագահի օգնական Հիքմեթ Հաջիևը։
🔻 Ինչպես հայտնում է ադրբեջանական APA գործակալությունը, հանդիպման ընթացքում Հաջիևը մտքեր է փոխանակել մասնակիցների հետ, ինչպես նաև պատասխանել հայկական պատվիրակության հարցերին։ |news.am|