Category: Infocom

🇦🇲🇺🇸 [ԱՄՆ-ի հետ] մենք միջպետական պայմանագրի համաձայնեցման փուլում ենք գտնվում, Հուսով ենք, որ հնարավորինս շուտ կթևակոխենք հաջորդ՝ շինարարական փուլ։ Այս մասին ասել է ՀՀ արտգործնախարար Արարատ Միրզոյանը՝ արձագանքելով TRIPP-ի վերաբերյալ Պետդեպի մեկնաբանությանը.
🔸 «Եվ հենց այստեղ է, որ մենք կունենանք նաև երրորդ գործընկերների կարիքը։ Իհարկե, պայմանագիրը երկկողմ է լինելու, և նախագիծը մեծ հաշվով ամբողջությամբ երկկողմ է՝ Հայաստանի և Միացյալ Նահանգների միջև։ Սակայն և՛ շինարարության փուլում ենք գործընկերների կարիքը ունենալու, և՛, ամենայն հավանականությամբ, նաև այդ համակարգերի կառավարման փուլում»,- նշել է նա։
📌 Միրզոյանը հավելել է, որ նախագիծը բխում է բազմաթիվ երկրների շահերից՝ սկսած Չինաստանից մինչև Պորտուգալիա, ինչպես նաև հարևան երկրներ։
[ՀՀ արտաքին գործերի նախարարություն]

❗️ Շիրակի մարզում ավտովթարից տուժած 1 և 3 տարեկան տղաների վիճակը ծայրահեղ ծանր է, նրանք միացված են արհեստական շնչառական ապարատին (ինտուբացված):
🔸 8-ամյա աղջկա առողջական վիճակը գնահատվում է ծանր, հայտնել է առողջապահության նախարարի խոսնակ Մարիամ Ծատրյանը:
📌 Նա նշել է, որ երեխաների մոր՝ 28-ամյա կնոջ վիճակը ծայրահեղ ծանր է: |azatutyun.am|

⛪️ Դատարանի որոշման հիման վրա Ամենայն Հայոց կաթողիկոսի նկատմամբ կիրառված խափանման միջոցը պետք է վերացվի։ Այս մասին իր ֆեյսբուքյան էջում գրել է նրա պաշտպան Արա Զոհրաբյանը։
🗣 «Այսօր՝ 10.04.2026թ., Երևան քաղաքի ընդհանուր իրավասության առաջին ատյանի քրեական դատարանը (դատավոր Անի Դանիելյան) որոշում է կայացրել Ամենայն հայոց կաթողիկոսի պաշտպանի բողոքը բավարարելու մասին»,- գրել է նա։

🇦🇲🇦🇿 Գաբալայում մեկնարկել է «Խաղաղության կամուրջ» նախաձեռնության հերթական հայ-ադրբեջանական կլոր սեղան-քննարկումը։ Այս մասին հայտնել է «Հայկական խորհրդի» նախագահ Արեգ Քոչինյանը:
🔸 Նա նշել է, որ քննարկման առանցքում են խաղաղության գործընթացի ներկա վիճակը, «Խաղաղության կամուրջ» նախաձեռնության մասնակիցների կողմից իրենց երկրներում իրականացված գործողությունները և դրանց արդյունքները, տարածաշրջանում տիրող իրավիճակը։
📌 Քննարկումները կշարունակվեն մինչև ապրիլի 12-ը։

🔸 Գլխավոր դատախազը մերժել է կիրառել իր բացառիկ լիազորությունն ու փոխել 18-ամյա Դավիթ Մինասյանի կալանքը:
🗣 Այդ մասին «Ազատությանը» հայտնել է փաստաբան Լուսինե Մարտիրոսյանը: