Category: Infocom

🇮🇷🇺🇸 Իրանի արտգործնախարար Աբբա Արաղչին հայտարարել է, որ այս փուլում Միացյալ Նահանգների հետ բանակցությունները հնարավոր չեն, քանի որ Իրանը ամերիկյան կողմից «ոչ մի դրական կամ կառուցողական վերաբերմունք» չի տեսել։

🗣 «Երբ ամերիկացիները պատրաստ լինեն հավասարության և ընդհանուր շահերի վրա հիմնված բանակցությունների, ապա նման բանակցությունները կարող են հնարավոր դառնալ, և Իրանը կքննարկի դրանք», – ասել է Արաղչին: |azatutyun.am|

❗️Փարաքար խոշորացված համայնքում սպանված Վալոդյա Գրիգորյանի աջակիցները հավաք են իրականացնում՝ պահանջելով, որ Ախտոյանները հեռանան Մերձավանից և չվերադառնան։
🔸 Այս պահին բնակիչները քայլերթով գնում են նախկին համայնքապետ Վալոդյա Գրիգորյանի գերեզման։
📌 Հիշեցնենք՝ սեպտեմբերի 23-ին սպանվել էին Փարաքարի համայնքապետ Վալոդյա Գրիգորյանը և ընկերը՝ ոստիկանության օպերլիազոր Կարեն Աբրահամյանը։
❗️Մերձավանցիները կարծում են, որ ՔՊ-ական Մհեր Ախտոյանի ընտանիքը կապ ունի սպանության հետ։ Բանն այն է, որ այս տարվա փետրվարին Մերձավանի վարչական ղեկավար Մհեր Ախտոյանի տան վրա էր հարձակում եղել, որում ներգրավված էր նաեւ Վալոդյա Գրիգորյանի եղբայրը՝ Պայքար Գրիգորյանը։ Հարձակման հետեւանքով սպանվել էր Ախտոյանի զարմիկը՝ Գրիգոր Օհանյանը։
📌 Վալոդյա Գրիգորյանի սպանության գործով մեղադրյալներից մեկը հենց Գրիգոր Օհանյանի եղբայրն է՝ Նարեկը, մյուսը՝ Գեւորգ Հարությունյանը։ Վերջինս խոստովանական ցուցմունքում ասել է, որ Վալոդյա Գրիգորյանի սպանությունը վրեժխնդրություն է եղել։

🇷🇺🇦🇿 2023 թվականին Ղարաբաղում ռուս խաղաղապահների հրամանատարությունը գործողության մասին տեղեկացվել էր դրա մեկնարկից 10-15 րոպե առաջ, այս մասին Հանրային հեռուստատեսությանը (ITV) տված հարցազրույցում հայտարարել է Ադրբեջանի արտգործնախարար Ջեյհուն Բայրամովը:
📌 Նախարարը նշել է, որ խաղաղապահները տեղեկացվել են վտանգի մասին և նրանց խորհուրդ է տրվել տեղափոխվել ավելի անվտանգ վայրեր կամ զորանոցներ: Բայրամովն ընդգծել է, որ Ղարաբաղից հայերի հեռանալուց հետո հարց է ծագել այնտեղ խաղաղապահների ներկայության նպատակահարմարության մասին:
🗣 « Չնայած նրան, որ ռուս խաղաղապահներ Ադրբեջանում այլևս չկային, զուտ իրավական տեսանկյունից, որպեսզի հետո ոչ մեկի մոտ հարցեր չառաջանան, մենք այս տարվա ապրիլի 30-ին պաշտոնական նոտա հղեցինք ռուսական կողմին և ամբողջությամբ նկարագրեցինք իրավիճակը։ Մենք հայտարարել ենք, որ նրանց մանդատն ամբողջությամբ չեղյալ է հայտարարվելու», – նշել է նա, հիշեցնելով՝ եռակողմ հայտարարության պայմանների համաձայն՝ եթե կողմերից մեկը ժամկետի ավարտից վեց ամիս առաջ տեղեկատվություն չի տրամադրում, խաղաղապահների գործունեությունը պետք է երկարաձգվի հաջորդ հինգ տարով: |factor.am|

⛪️ Նիկոլ Փաշինյանը գնացել է Թալինի Սբ․ Աստվածածին եկեղեցի՝ մասնակցելու Տեր Թադեի ձեռամբ մատուցվող պատարագին։
📌 Հիշեցնենք, ավելի վաղ Մայր Աթոռի տեղեկատվական համակարգի տնօրեն Տեր Եսայի քահանա Արթենյանը Sputnik Armenia-ին փոխանցել էր, որ Տեր Թադեի հարցն ընդգրկվել է Մայր Աթոռի կարգապահական հարցերով հանձնախմբի օրակարգում։

❗️2026 թվականից առողջության համապարփակ ապահովագրական համակարգին կմիանան ամսական 200 հազար դրամից բարձր աշխատավարձ ստացող քաղաքացիները։ Տարեկան փաթեթի արժեքը սահմանվել է 129․600 դրամ, իսկ վճարումները կկատարվեն ամսական կտրվածքով։ Այս մասին ֆեյսբուքյան գրառմամբ հայտնում է առողջապահության նախարար Անահիտ Ավանեսյանը։
📌 «2026թ.-ի վճարման բեռը մեղմելու համար պետությունը՝ 200.000-ից 500.000 հազ. դրամ աշխատավարձ ստացող անձանց հնարավորություն կտա`5500 դրամի փոխարեն`Զինապահ հիմնադրամին վճարել 1000 դրամ և մնացած 4500 դրամը փոխանցել առողջության ապահովագրությանը: 2026թ.-ի ընթացքում եկամուտների հայտարարագիր լրացնելով` ետ ստանալ 6000 դրամ:
🔸 500.000-ից 1 մլն դրամ աշխատավարձ ստացող անձանց հնարավորություն կտա` 7500 դրամի փոխարեն Զինապահ հիմնադրամին վճարել 1000 դրամ և մնացած 6500 դրամը փոխանցել առղջության ապահովագրությանը: 2027թ.-ի ընթացքում եկամուտների հայտարարագիր լրացնելով` ետ ստանալ 4000 դրամ:
📌 1մլն. դրամից ավելի աշխատավարձ ստացող անձանց հնարավորություն կտա 2027թ.-ի ընթացքում եկամուտների հայտարարագիր լրացնելով ետ ստանալ 4000 դրամ», — նշել է նախարարը գրառման մեջ։

🇹🇷🇮🇱 Թուրքիայի դատախազությունը 37 անձի, այդ թվում՝ Իսրայելի վարչապետ Բենյամին Նեթանյահուի և պաշտպանության նախարար Իսրայել Կացի նկատմամբ տվել է ձերբակալման օրդեր ցեղասպանության և մարդկության դեմ հանցագործությունների մեղադրանքով։
📌 Նշվում է, որ Իսրայելի քաղաքական և ռազմական ղեկավարության ներկայացուցիչները մեղադրվում են Գազայի հատվածի զանգվածային ռմբակոծությունների, ինչպես նաև մարդասիրական օգնության մատակարարման խոչընդոտման մեջ, ինչն, ըստ դատարանի, կարող է համապատասխանել ցեղասպանության և մարդկության դեմ հանցագործությունների հատկանիշներին։ |armenpress.am|

🇹🇷🇦🇿 Թուրքիայի նախագահ Ռեջեփ Թայիփ Էրդողանը մեկնել է Ադրբեջան, ինչպես հաղորդվում է՝ մասնակցելու «նոյեմբերի 8-ին՝ հաղթանակի օրվան նվիրված Բաքվում կայանալիք միջոցառմանը»։
📌 Ըստ ադրբեջանական APA գործակալության՝ «այսօր Ադրբեջանում տոնական միջոցառումներ ու Հաղթանակի շքերթ կանցկացվի»։ Դրանց նաև Պակիստանի վարչապետ Շահբազ Շարիֆը կմասնակցի։
🔸 Հաղորդվում է, որ Թուրքիայի նախագահը Բաքվում Ադրբեջանի նախագահ Իլհամ Ալիևի և Պակիստանի վարչապետ Շեհբազ Շարիֆի հետ կքննարկի երկկողմ, տարածաշրջանային և համաշխարհային հարցեր։ |azatutyun.am|