Category: Infocom

🇦🇲🇮🇷 Իրանում քննարկվել է Հայաստան մատակարարվող գազի ծավալներն ավելացնելու հարցը․ ՏԿԵՆ
📌 «Իրանի նավթի նախարար Մոհսեն Փաքնեժադիի հետ հանդիպման Դավիթ Խուդաթյանը կարևորել է Հայաստանի և Իրանի միջև էներգետիկ համագործակցության շարունակական զարգացումը՝ ընդգծելով, որ այն կարևոր դեր ունի երկու երկրների տնտեսական կապերի ամրապնդման և տարածաշրջանային համագործակցության խորացման գործում։
📌 Փաքնեժադին վերահաստատել է Իրանի պատրաստակամությունը՝ զարգացնելու համագործակցությունը Հայաստանի հետ՝ առկա տեխնիկական և տնտեսական հնարավորությունների շրջանակում, ինչպես նաև աջակցելու փոխադարձ հետաքրքրություն ներկայացնող ծրագրերի արդյունավետ իրականացմանը»,- հայտնում են ՏԿԵՆ-ից։

🇬🇪 Վրաստանում 2 օրվա մեջ 2-րդ մասշտաբային բլեքաութն է տեղի ունեցել. հուլիսի 24-ի լույս 25-ի գիշերն առանց լույսի է մնացել ամբողջ երկիրը։
📣 Երկրի պետական էլեկտրահամակարգի տարածած հայտարարության համաձայն՝ էլեկտրամատակարարման վթարային անջատումից կարճ ժամանակ անց Թբիլիսիի և տարածաշրջանների մեծ մասում էլեկտրամատակարարումն աստիճանաբար վերականգնվել է։ Աշխատանքներ են տարվում վթարի հստակ պատճառները պարզելու ուղղությամբ։ |arm.sputniknews.ru|

‼️ Մուրացանի փողոցում հանցագործություն կատարելու մեղադրանքով հայտնաբերվել, ձերբակալվել, ապա կալանավորվել է նաև Աբովյան քաղաքի բնակիչ 34-ամյա մի տղամարդ։
📣 Այս մասին հայտնում է ՀՀ ՆԳՆ ոստիկանությունը։
ℹ️ Ոստիկանությունից մանրամասնում են, որ ավելի վաղ Դիլիջանում հայտնաբերվել և ձերբակալվել են Աբովյանի բնակիչ 32-ամյա և Երևանի բնակիչ 27-ամյա երկու տղամարդու։

🇸🇦 Սաուդյան Արաբիան ավիահարվածներ է հասցրել Եմենի արևմուտքում գտնվող Հոդեյդա քաղաքի տարբեր շրջանների ուղղությամբ:
📌 Հարձակումը տեղի է ունեցել այն բանից հետո, երբ Սաուդյան Արաբիայի իշխանությունները հայտարարել են, որ Կարմիր ծովում ևս մեկ լցանավ է հարձակման ենթարկվել։ |arm.sputniknews.ru|