Category: Infocom

🇦🇲🇸🇾 Սիրիայում ստեղծված անվտանգային իրավիճակով պայմանավորված՝ Դամասկոսում ՀՀ դեսպանության դիվանագիտական անձնակազմն իր աշխատանքները ժամանակավորապես կշարունակի Բեյրութից։
🔸 Անցած շաբաթ Դամասկոսում դեսպանությունում թեժ գծի հայտարարումից հետո դեսպանությունը պատասխանել է ստացված զանգերին, որոնք վերաբերել են ՀՀ մուտքի արտոնագրերի, անձնագրերի ստացմանը, տարհանման հնարավորությանը։ Վերջինիս անվտանգ հնարավորությունն այս պահին բացակայում է։
🔸 Հաջորդիվ, ՀՀ քաղաքացիների հետ կապը կպահպանվի Բեյրութում ՀՀ դեսպանությունից` հետևյալ թեժ գծի միջոցով +9617447205 (բջջային):
[ՀՀ ԱԳՆ]

❗️ «Սահմանների բացման դեպքում Թուրքիան, որը նաև ԵՄ մաքսային միության անդամ է, կարող է դառնալ կամուրջ Հայաստանի և ԵՄ-ի միջև», – այս մասին հայտարարել է ԱԳ նախարարի տեղակալ Վահան Կոստանյանը Բահրեյնում անցկացվող «Մանամայի երկխոսություն» միջազգային ֆորումի շրջանակներում։

🗣 «Մենք հավատում ենք, որ Անկարայի հետ հարաբերությունների կարգավորումը կարող է դրական ազդեցություն ունենալ նաև Հայաստանի և Ադրբեջանի միջև կարգավորման գործընթացների վրա։ Բայց նաև հաշվի առնելով, որ Հայաստանը ավելի է մոտենում մեր արևմտյան գործընկերներին՝ այստեղ հավանաբար ես պետք է հարցս ուղղեմ. որտե՞ղ է Թուրքիան տեսնում իր արտաքին քաղաքականությունը՝ թե՛ տարածաշրջանում, թե՛ Եվրոպական միության ու Արևմուտքի հետ հարաբերությունների մասով», – հայտարարել է նա։

🇺🇸🇸🇾 Միացյալ Նահանգները չպետք է միջամտի Սիրիայում իրադարձություններին, այս մասին հայտարարել է ԱՄՆ ընտրված նախագահ Դոնալդ Թրամփը։
🗣 «Զինյալները Դամասկոսի արվարձաններում են: Ռուսաստանն Ուկրաինայում մեծ կորուստների պատճառով չի կարող կանգնեցնել նրանց։ Ռուսները և Ասադը կարող են վտարվել Սիրիայից: Ռուսաստանը երբեք ոչինչ չի շահել այնտեղ իր ներկայությունից»,- հայտարարել է Թրամփը: |1lurer.am|

🇬🇪 Թբիլիսիի Ռուսթավելիի պողոտայում ընդդիմադիր ցույցը վերսկսվել է. քաղաքացիները 10-րդ գիշերն անընդմեջ բողոքում են «Վրացական երազանք»-ի որոշման դեմ, ըստ որի՝ մինչև 2028 թվականը Վրաստանի կառավարությունը հրաժարվում է եվրաանդամակցության բանակցությունների մեկնարկից:
🔸 Թբիլիսիի տարբեր վայրերից ուսանողները երթով շարժվում են դեպի Ռուսթավելի պողոտա: Բողոքի ակցիայի մասնակիցները պահանջում են ազատ արձակել բողոքի ակցիայի ժամանակ բերման ենթարկվածներին, նոր, ազատ ու արդար ընտրությունների անցկացում։ |aliq.ge|

🏙 Ակադեմիական քաղաքի կոնցեպտուալ գլխավոր հատակագծի բազմաշերտ մշակման համար միջազգային GMP ընկերության հետ կնքվել է 850 հազար եվրոյի պայմանագիր: Այս մասին Ծաղկաձորում լրագրողների հետ հանդիպման ժամանակ ասել է «Ակադեմիական քաղաք» հիմնադրամի տնօրեն Արմեն Սիմոնյանը։
📌 Նա նշել է նաև, որ հատակագծի մշակման գործընթացին մասնակցել է նաև Ճարտարապետության և շինարարության Հայաստանի ազգային համալսարանը, որին փոխանցվել է մոտ 200 միլիոն դրամ: |armenpress.am|

🇸🇾 Դամասկոսի հարավային արվարձանում սիրիացի ցուցարարները տապալել են Ասադի հոր արձանը։
🔸 Սիրիայի բանակի դեմ գրոհ սկսած զինյալները այսօր ներթափանցել են Դամասկոսի շրջանում գտնվող Քանաքեռ քաղաքը։ Զինյալները պնդում են, որ նրանք շրջապատել են մայրաքաղաքը, սակայն Սիրիայի ՊՆ-ն հերքել է տեղեկությունը։ Ավելի հյուսիսում գտնվող զինյալները մտել են կենտրոնական Պալմիրա քաղաք։
📌 Այսօր նաև տեղի է ունեցել Իրանի, Ռուսաստանի և Թուրքիայի ԱԳ նախարարների հանդիպումը, որի քննարկման թեման Սիրիայում վերսկսված մարտերն էին։ «ՌԴ-ն փորձում է անել ամեն ինչ, որպեսզի թույլ չտա ահաբեկիչներին գերակշռել Սիրիայում», – հանդիպումից հետո հայտարարել է ՌԴ ԱԳ նախարար Սերգեյ Լավրովը։

🇦🇿 Բաքվում ձերբակալվել են Meydan TV անկախ լրատավամիջոցի առնվազն հինգ լրագրողներ՝ Այնուր Գանբարովան, Այթաջ Ահմադովան, Խայալա Աղաևան, Նաթիգ Ջավադլին և Այսել Ումուդովան: Ըստ ադրբեջանական աղբյուրների՝ այսօր ոստիկանությունը բերման է ենթարկել նաև անկախ լրագրող Ռամին Ջաբրայլզադեին, ինչպես հաղորդվում է՝ ֆինանսական մաքսանենգության կասկածանքով:
🔸 Meydan TV-ն հայտնում է, որ ուժայինները լրատվամիջոցի ձերբակալված լրագրողների տները խուզարկել են, առգրավել նրանց սարքավորումներն ու անձնական իրերը։ Այլ մանրամասներ չեն հաղորդվում: |azatutyun.am|

⛪️ Ամենայն Հայոց Կաթողիկոս Գարեգին Երկրորդի ձեռամբ՝ դեկտեմբերի 7-ին տեղի ունեցավ Գյումրիի Սուրբ Ամենափրկիչ եկեղեցու վերաօծման արարողությունը․ այս առիթով Մայր Աթոռ Սուրբ էջմիածնից հավատացյալների երկրպագության համար Գյումրի էր բերվել  Փրկչի Խաչափայտի մասունքը։
🔸 Եկեղեցու վերաօծման առիթով իր խոսքն է ասել Շիրակի թեմի առաջնորդ Միքայել արքեպիսկոպոս Աջապահյանը, ինչպես նաև Ամենայն Հայոց Կաթողիկոս Գարեգին Երկրորդը։ 
📌 Եկեղեցու վերաօծման արարողությունից հետո մատուցվել է Սուրբ պատարագ: |armenpress.am|

📛 Դեկտեմբերի 7-ին Երևանի Գրիբոյեդովի փողոցի շենքերից մեկի 2-րդ հարկի բնակարաններից մեկում հրդեհ է բռնկվել։
👩‍🚒 Հրդեհը մեկուսացվել է ժամը 13։23-ին, մարվել՝ 13:42-ին։ Այրվել է բնակարանի (մոտ 65 քմ) գույքը:
[ՆԳՆ փրկարար ծառայություն]