Category: Infocom

🇦🇲🇬🇧 ՀՀ ԱԳ նախարար Արարատ Միրզոյանը հեռախոսազրույց է ունեցել Միացյալ Թագավորության արտաքին, համագործակցության և զարգացման հարցերով պետքարտուղար Դեյվիդ Լամմիի հետ։
🔸 Զրուցակիցները քննարկել են տարածաշրջանային հարցեր։ Հայաստանի և Ադրբեջանի միջև հարաբերությունների կարգավորման համատեքստում նախարար Միրզոյանն ընդգծել է երկու երկրների միջև խաղաղության ու միջպետական հարաբերությունների հաստատման մասին համաձայնագրի վերջնականացման ուղղությամբ գործադրված ջանքերը և համաձայնեցված տեքստով ստորագրման՝ ՀՀ առաջարկը։
[ՀՀ ԱԳՆ]

🇦🇲🇹🇷🇷🇺 Հայ-թուրքական սահմանից ռուս սահմանապահներին հանելու որոշում այս պահին չկա, «Ազատության» հարցին ի պատասխան՝ այսօր հայտնեց ԱԱԾ տնօրեն Արմեն Աբազյանը:
🗣 «2024թ. ընթացքում «Զվարթնոց» օդանավակայանում ծառայությունն ամբողջությամբ իրականացվում է Հայաստանի սահմանապահների կողմից։
🔸 Նույնը իրականացվում է նաև Ագարակ սահմանային հատվածում, այսինքն՝ հայ-իրանական սահմանին, և մարտի 1-ից նույնպես ծառայությունն անցակետում իրականացվում է ՀՀ սահմանապահ զորքերի կողմից: Այս պահին կոնկրետ որևէ այլ որոշում չունենք»,- նշեց ԱԱԾ տնօրենը:

🤸🏻‍♂️ Թուրքիայի Անթալիա քաղաքում անցկացվող սպորտային մարմնամարզության աշխարհի գավաթի խաղարկության երրորդ փուլի մրցաշարում Օլիմպիական խաղերի արծաթե եւ բրոնզե մեդալակիր, աշխարհի չեմպիոն, Եվրոպայի կրկնակի չեմպիոն Արթուր Դավթյանը հենացատկում դուրս եկավ եզրափակիչ։
🥇 Որակավորման փուլում նա գրավեց առաջին տեղը։

🌏 Երևանը միանում է «Երկրի ժամ» համաշխարհային բնապահպանական շարժմանը։
💡 «Մարտի 22-ին՝ ժամը 20:30-21:30-ը կանջատվի Երևանի հիմնական փողոցների և «Երքաղլույս» ՓԲԸ կողմից սպասարկվող մյուս հանրային վայրերի արտաքին լուսավորությունը»,- նշված է քաղաքապետարանի հաղորդագրության մեջ:

🇦🇲🇦🇿 Ադրբեջանի հարձակման հավանականությունը այս պահին բարձր գնահատելու փաստերի և ազդակների համախումբը բացակայում է, սակայն իրավիճակը արագ է փոխվում, և մենք հետևում ենք իրավիճակին։
[Հայաստանի արտաքին հետախուզության ծառայության պետ Քրիստիննե Գրիգորյանը՝ լրագրողների հետ զրույցում]

❓ Պաշտպանության նախարար Սուրեն Պապիկյանը պատասխանել է՝ կա՞ ռազմական գործողությունների ռիսկ, թե ոչ:
💬 «Որ նման գնահատական տամ, պետք են հետախուզական տվյալներ: Այս պահին գետնի վրա նման երևույթ տեսանելի չէ:
📍 Մամուլում տեղի ունեցեող ապատեղեկատվությունը, որ տեղի են ունենում կուտակումներ, զորքերի տեղաշարժեր, ՀՀ ՊՆ-ն չի՛ հաստատում»,- ԱԺ-ում լրագրողների հետ ճեպազրույցում ասաց նախարարը՝ հիշեցնելով ՊՆ այսօրվա հաղորդագրությունը:
‼️ Պապիկյանը հեռացավ՝ առանց ուղիղ պատասխանելու՝ Սոթքի ուղղությամբ այսօր կրակոցներ եղել են, թե ոչ:

🔸 Վերջին օրերին որոշ օգտատերեր սոցցանցերում հրապարակում են առաջնագծի կամ բանակային դիրքերի վերաբերյալ տարատեսակ, ընդ որում, իրականությանը չհամապատասխանող տեղեկություններ:
🔸 Հրադադարի ինտենսիվ, էական խախտման դեպքում ՀՀ ՊՆ-ն հանդես է գալիս պաշտոնական հաղորդագրություններով, իսկ ապատեղեկատվություն հանդիսացող գրառումները հերքում է սահմանված կարգով, բազմակի ճշգրտումներից հետո։
📣 ՊՆ-ն հորդորում է զերծ մնալ բանակին և սահմանային իրադրությանն առնչվող ոչ ստույգ, սխալ ու մտացածին տեղեկություններ հրապարակելուց և հետևել ՊՆ պաշտոնական լրահոսին:
[ՀՀ ՊՆ]

❌ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։
🚛 Սպիտակի, Ստեփանավանի և Դիլիջանի ոլորանները փակ են բեռնատարների համար։ Նիգավան-Ծիլքար ավտոճանապարհը` դժվարանցանելի:
❄️ Լոռու մարզում (բացի Սպիտակ քաղաքից), Աշոցքի և Ապարանի տարածաշրջաններում տեղում է ձյուն։
🌫 Սյունիքի բարձրադիր գոտիներում մառախուղ է։
[ՆԳՆ ՓԾ]