Category: Infocom

🇺🇦🇺🇸🇷🇺 Ուկրաինայի իշխանությունները համաձայնել են նախագահական ընտրություններ անցկացնել։ Այս մասին հայտնել է ԱՄՆ նախագահի հատուկ բանագնաց Սթիվ Ուիթքոֆը։
📌 Նա նաև ասել է, որ ռուս – ուկրաինական պատերազմում ամենամեծ խնդիրը Ղրիմի կարգավիճակն է և Դոնեցկի, Զապորոժիեի, Լուգանսկի և Խերսոնի շրջանները, որոնց տարածքների մի մասը նույնպես ռուսական հսկողության տակ է։
🗣 «Դրանք ռուսալեզու տարածքներ են, այնտեղ հանրաքվեներ են անցկացվել, մարդկանց մեծամասնությունը կողմ է եղել ռուսական իշխանության ներքո մնալուն, իմ կարծիքով՝ սա է կոնֆլիկտի հանգուցային կետը», – ասել է ԱՄՆ բանագնացը, միաժամանակ հարցադրում արել, իսկ աշխարհը կճանաչի՞, որ դրանք ռուսական տարածքներ են։ |azatutyun.am|

🇹🇷 Թուրքիայի մի շարք քաղաքներում դաժան բախումներ են տեղի ունեցել ընդդիմության կողմնակիցների և պետական ​​անվտանգության ուժերի միջև․ ցուցարարները պահանջում են ազատ արձակել Ստամբուլի քաղաքապետ Էքրեմ Իմամօղլուին: Մայրաքաղաք Անկարայում և Ստամբուլում ոստիկանությունը արցունքաբեր գազ և ջրցան մեքենաներ է կիրառել՝ ցուցարարներին ցրելու համար։
📌 Թուրքիայի ՆԳՆ-ից հայտնում են, որ հինգշաբթի օրը ողջ Թուրքիայում ցուցարարների հետ բախումների ժամանակ 16 ոստիկան է վիրավորվել, իսկ 53 մարդ ձերբակալվել է։
🗣 «Մենք տանը չենք մնա, քանի դեռ դուք փակ եք պահում մեր ընտրված ներկայացուցչին։ Այսուհետ մենք փողոցում ենք: Ինձ հարցնում են՝ ժողովրդին կանչու՞մ եք փողոց դուրս գալու։ Այո՛, այո՛, այո՛», – այս մասին հինգշաբթի հայտարարել էր գլխավոր ընդդիմադիր Հանրապետական-ժողովրդական կուսակցության (CHP) առաջնորդ Օզգուր Օզելը։
📸 Լուսանկարը՝ 21․03․2023/Յասին ԱԿԳՈՒԼ / AFP

❗️ՀՀ բանակը ՀՀ միջազգայնորեն ճանաչված տարածքից դուրս որեւէ խնդիր չունի լուծելու, ներառյալ չունի խնդիր լուծելու՝ կապված Հայաստանի՝ ավելի քան 200 քկմ օկուպացված տարածքների վերաբերյալ, որովհետեւ սահմանազատման դե յուրե գործընթացը ստեղծել է բոլոր հնարավորությունները, որ այդ խնդիրը լուծվի սահմանազատման գործընթացում, եւ սա այն վերջին գործոնն է եւ հանգամանքը, որը ինձ հիմք է տալիս ասելու, որ տարածաշրջանում էսկալացիայի եւ էսկալացիայի հնարավորության մասին բոլոր խոսակցությունները, գնահատականները, պնդումները արհեստական են եւ մտացածին։
[Նիկոլ Փաշինյան]

📝 Գնալու ենք նոր սահմանադրություն ընդունելու օրակարգով։ Մենք պլանավորում ենք նոր Սահմանդրության հանրաքվեն իրականացնել 2027-ին։
🔸 Քաղաքական թիմում կան կարծիքներ, թե ինչու ենք հետաձգում, գուցե պետք է հանրաքվեն անել 2026-ի խորհրդարանական հերթական ընտրություններին զուգահեռ եւ համատեղ, որը օրակարգը կդարձնի ավելի կոնկրետ, քաղաքական։ Ես ուզում են ընդգծել, որ սա բացառապես մեր ներքին օրակարգի հարցն է, չնայած, մյուս կողմից, սա չի կարող չունենալ տարածաշրջանային եւ միջազգային ազդեցություն։
[Նիկոլ Փաշինյան]

❗️ Ինքներս առաջիկայում կնախաձեռնենք ԵԱՀԿ ՄԽ լուծարման հարցի քննարկումը։ Այս մասին Հանրային հեռուստաընկերությանը տված հարցազրույցում ասաց Նիկոլ Փաշինյանը։
🗣 «Կան հարցեր, որոնք քննարկելի են, եւ կան հարցեր, որոնք քննարկելի չեն։ Քննարկելի են ԵԱՀԿ ՄԽ լուծարման հարցը, որովհետեւ մենք գնում ենք խաղաղության, իսկ այդ ֆորմատն իր արդիականությունը կորցնում է։ Մեր նպատակը ժամկետը չի, բովանդակությունն է։
🔸Ինչը քննարկելի չէ․ «Արեւմտյան Ադրբեջան» խոսույթի ներքո որեւէ բան մեզ համար քննարկելի չէ, որովհետեւ երբ մեր երկրի տարածքի 60 տոկոսն անվանում են «Արեւմտյան Ադրբեջան», դա ուղիղ խախտում է մեր երկրի ինքնիշխանության եւ տարածքային ամբողջականության, եւ չեմ կարծում, թե որեւէ երկիր որեւէ երկրի կարող է առաջարկել քննարկել նրա ինքնիշխանությունը, քաղաքական անկախությունը եւ տարածքային ամբողջականությունը, մանավանդ, որ արդեն իսկ եւ դե յուրե ուժի մեջ մտած փաստաթղթով, եւ արդեն խաղաղության համաձայնագրի համաձայնեցված տեքստով այդ խնդիրը լուծված է»։

📝Խաղաղության համաձայնագրի համաձայնեցված տեքստում ոչ մի միակողմանի պարտավորություն, ընդ որում ոչ Ադրբեջանի, ոչ մեզ համար, չկա։
🔸 Տպավորություն է, թե Հայաստանի սահմանի երկայնքով Ադրբեջանի կողմից երրորդ ուժեր չեն եղել, համեյան դեպս մենք ժամանակ առ ժամանակ դիտարկել եւ տեսել ենք երրորդ ուժի ներկայացուցիչներ, դրոշներ, եւ այլն։ Ինչ նպատակով ենք մենք հրավիրել ԵՄ դիտորներին Հայաստան՝ տեղակայվելու հայ-ադրբեջանական սահմանի երկայնքով․ որպես կայունության եւ ինչ-որ առումով խաղաղության միջոց եւ գործոն։
🤝 Երրորդ կողմերի ներկայացուցիչների ներկայության մասին դրույթը ուժի մեջ է մտնելու խաղաղության համաձայնագրի ստորագրումից եւ վավերացումից հետո։ Մինչեւ այդ կետը ԵՄ դիտորդների աշխատանքի որեւէ խոչընդոտ չկա։
[Նիկոլ Փաշինյան]

🗣 Ինչ վերաբերում է էսկալացիոն տրամաբանությամբ լուրերի տարածմանը, կարծում եմ՝ դրա տրամաբանությունն այն է, որ այդ լուրերի հոսքի ներքո քողարկվի բուն լուրը, իսկ բուն լուրը հետեւյալն է, որ խաղաղության համաձայնագրի տեքստը համաձայնեցված է եւ սպասում է ստորագրման, հետեւաբար պետք է ստորագրվի, եւ ես միանշանակ արձանագրել եմ, որ պատրաստ եմ իմ ստորագրությունը դնել այդ տեքստի տակ։
🔸 Կարող են լինել ուժեր, որոնք էսկալացիայի կողմնակից են կամ հակառակորդ, բայց էսկալացիան պետք է ունենա հիմնավորում․ մեր տարածաշրջանում էսկալացիան չունի որեւէ հիմնավորում։
[Նիկոլ Փաշինյան]

🇦🇲🇦🇿 Առավել ևս հիմա էսկալացիայի որևէ հիմք և հիմնավորում չկա։ Այս մասին Հանրային ՀԸ-ին տված հարցազրույցում ասաց Նիկոլ Փաշինյանը։
🗣 «ՀՀ-ն և Ադրբեջանը ճանաչել են միմյանց ինքնիշխանությունը, տարածքային ամբողջականությունը։
🔸 Այս կետից հաջորդ գործողությունը պետք է լինի խաղաղության համաձայնագրի ստորագրումը»:

🇦🇲🇷🇺 ՀՀ ԱԳ նախարար Արարատ Միրզոյանը հեռախոսազրույց է ունեցել ՌԴ արտգործնախարար Սերգեյ Լավրովի հետ։ Այս մասին նա գրել է X-ի իր միկրոբլոգում։
🗣 «Անդրադարձել ենք մեր երկկողմ քաղաքական երկխոսության շրջանակներում առաջիկա հանդիպումներին: Շնորհավորել եմ նրան ծննդյան օրվա կապակցությամբ»,- գրել է Միրզոյանը:

📢 Մի խումբ լրագրողական կազմակերպություններ հանդես են եկել հայտարարությամբ․
🗣 «Երեկ՝ մարտի 20-ին, Ազգային ժողովում հերթական անգամ դրսևորվել է խիստ մտահոգիչ, անթույլատրելի վերաբերմունք լրագրողի նկատմամբ։ ՔՊ խմբակցության պատգամավոր Անդրանիկ Քոչարյանը, նկատելով, որ իր հետ ճեպազրույց նախաձեռնած մի խումբ թղթակիցներին միացել է նաև լրագրող Հռիփսիմե Ջեբեջյանը, պահանջել է, որ վերջինս այլ տեղ կանգնի և չխանգարի, պատգամավորը հորդորել է նրան «մաքրել շրթունքները»։
📌 Պահանջում ենք ՔՊ կուսակցությունից և դրա ԱԺ խմբակցությունից՝ քննարկման առարկա դարձնել և գնահատական տալ պատգամավոր Անդրանիկ Քոչարյանի վարվելակերպին, որը նա դրսևորել է լրագրող Հռիփսիմե Ջեբեջյանի հետ շփվելիս, և հրապարակայնորեն հայցել վերջինիս ներողամտությունը,
🔸ԱԺ ղեկավարությունից և բոլոր խմբակցություններից՝ նախաձեռնել պատգամավորական էթիկայի հանձնաժողով ձևավորելու գործընթաց և այդ նպատակով իրականացնել անհրաժեշտ օրենսդրական փոփոխություններ»։