Category: Infocom

❗ Հուլիսի 21-ին արձանագրվել է ՊՆ N զորամասի զինծառայողի մահվան դեպք։
🔹 Քննչական կոմիտեից հայտնում են, որ նախաձեռնվել է քրեական վարույթ:
📌 Կատարվում են քննչական և վարութային գործողություններ:

🛒 «Երևան Սիթի» առևտրային օբյեկտներում արձանագրվել է 50 վարչական իրավախախտում։

🔎 Երևանի քաղաքապետարանի աշխատակազմի հասարակական կարգի պահպանության ծառայությունը հսկողություն է իրականացրել Երևանի թվով 39 «Երևան Սիթի» առևտրային օբյեկտներում։
📌 Արդյունքում արձանագրվել են իրավախախտումներ, մասնավորապես՝
🔸 39 դեպք՝ պիտանելիության ժամկետն անց ապրանքների վաճառքի,
🔸 6 դեպք՝ մինչև 50 միկրոն հաստությամբ պոլիէթիլենային պարկերի վաճառքի,
🔸 1 դեպք՝ Կառավարության կողմից սահմանված պահանջները չպահպանելու,
🔸 3 դեպք՝ առանց համապատասխան թույլտվության ոգելից և ալկոհոլային խմիչքների վաճառքի,
🔸1 դեպք՝ առանց համապատասխան թույլտվության հանրային սննդի կազմակերպման։
[Երևանի քաղաքապետարան]

🤼 Ըմբշամարտի Հայաստանի Մ-17 տարեկանների հավաքականները կմասնակցեն հուլիսի 27-ից օգոստոսի 2-ը Բաքվում կայանալիք Աշխարհի առաջնությանը:
[Հայաստանի ըմբշամարտի ֆեդերացիա]

🚧 Հուլիսի 22-ից երթևեկության կազմակերպման փոփոխություն կկատարվի Անրի Վեռնոյի փողոցում` մայրաքաղաքում տրանսպորտային հոսքերի անցանելիությունն ավելացնելու նպատակով:
📌 Մասնավորապես`  Պապ թագավորի – Անրի Վեռնոյի  փողոցների խաչմերուկից մինչև Անրի Վեռնոյի – Կարեն Դեմիրճյան փողոցների խաչմերուկ երթևեկությունը կկազմակերպվի միակողմանի:
[Երևանի քաղաքապետարան]

🇩🇪🇦🇿 Բաքուն և Բեռլինը «Երկկողմ համագործակցության ռազմավարական օրակարգի մասին» հռչակագիր են ստորագրել։ Փաստաթուղթը ստորագրվել է Իլհամ Ալիևի՝ Գերմանիա պաշտոնական այցի շրջանակներում։
📣 Գերմանիայի կանցլեր Ֆրիդրիխ Մերցը Ալևի հետ հանդիպումից հետո հայտարարել է, որ Հարավային Կովկասում խաղաղություն, անվտանգություն և կայունություն ունենալն անհրաժեշտություն է։
🗣 Մերցը նշել է, որ Գերմանիան և Եվրամիությունը լիովին հանձնառու են այս աշխարհաքաղաքական կարևոր տարածաշրջանում կայունության հաստատմանը։ Մերցը նաև շնորհավորել է Իլհամ Ալիևին Հայաստանի հետ խաղաղության պայմանագրի նախաստորագրման կապակցությամբ։

🗳 ԿԸՀ-ն 3 կուսակցությունների ընտրական ցուցակներից 105 անձի պատգամավորի մանդատ է տրամադրել:
📌 «Քաղաքացիական պայմանագիր» կուսակցությունից պատգամավորական մանդատ է ստացել 64 թեկնածու, «Ուժեղ Հայաստան» դաշինքից՝ 29, «Հայաստան» դաշինքից՝ 12 թեկնածու։
🔗 ԿԸՀ-ն հրապարակել է մանդատ ստացած թեկնածուների անունները։

🗳 Նորընտիր Ազգային ժողովի առաջին նիստը կկայանա օգոստոսի 2-ին` ժամը 10:00-ին։
[ԿԸՀ նախագահ Վահագն Հովակիմյան]

⚖️ Դատախազությունը Նարեկ Կարապետյանի վերաբերյալ նոր միջնորդություն է ներկայացրել ԿԸՀ. Արամ Վարդևանյան
🗣 «Հիմա պատկերացրեք 15։00-ին Նարեկ Կարապետյանը ձեռք է բերելու պատգամավորի կարգավիճակ, այսինքն՝ անձեռնմխելիության ամենաբարձր աստիճանը, բայց ԿԸՀ-ն իր վերաբերյալ միջնորդությունը պետք է քննարկման առարկա դարձնի»։
📌 Վարդևանյանի խոսքով՝ սա հերթական «հետապնդման, միջամտության, խոչընդոտման» դրվագն է․ «Սա մեղմ ասած իրավունքի հանդեպ ծաղր է», — նշեց նա։
❗️ Վարևանյանը նշեց՝ տեղեկություն չունի, թե Նարեկ Կարապետյանի վերաբերյալ ինչ քրեական վարույթ կա։

✅ Գյումրու ավագանու ՔՊ խմբակցության ղեկավար Սարիկ Մինասյանը դադարեցնում է ավագանու անդամի լիազորությունները:
🗣 «Իմ քաղաքական գործունեությունը շարունակելու եմ որպես Ազգային Ժողովի պատգամավոր՝ շարունակելով ավելի լայն լիազորություններով և մեծ նվիրումով մշտապես լինել Գյումրու և գյումրեցիների կողքին»,- գրել է նա: