Category: Infocom

🇮🇷🇺🇸🇹🇷Իրանի զինված ուժերը հրթիռներ չեն արձակել բարեկամ և հարևան Թուրքիայի ուղղությամբ։ Այս մասին հայտարարել է Իրանի «Խաթամ ​​ալ-Անբիա» կենտրոնական հրամանատարության խոսնակը։
📌 «Հաշվի առնելով ԱՄՆ-ի և սիոնիստական ​​ռեժիմի առաջնորդների անցյալի սադրանքները, ենթադրելի է, որ այդ գործողությունը ձեռնարկվել է նրանց կողմից՝ Իրանի և Թուրքիայի միջև հարաբերությունները խաթարելու նպատակով»,– ասվում է հայտարարության մեջ։ |1lurer.am|

🇮🇷 Իրանական Fars գործակալության տվյալներով՝ Խարգ կղզում լսվել է ավելի քան 15 պայթյուն. հարվածներ են հասցվել հակաօդային պաշտպանության համակարգերին, ռազմածովային բազային և օդանավակայանին, սակայն նավթային ենթակառուցվածքները չեն վնասվել: Իրանական կողմը հայտնել է նաև հինգ անօդաչու թռչող սարք խոցելու մասին:
📌 Խարգ կղզին Իրանի տնտեսական և ռազմավարական կայունության հիմնասյունն է, քանի որ հանդիսանում է երկրի հում նավթի արտահանման գլխավոր հաբը: Դրա միջոցով իրականացվում է Իրանի նավթային արտահանման ավելի քան 90 տոկոսը, ինչը կղզին դարձնում է պետական բյուջեի եկամուտների հիմնական աղբյուրը: |civilnet.am|

🇹🇷🇮🇷Թուրքիայի նախագահը հայտարարել է, որ Անկարան պատրաստ է արձագանքել իր հասցեին ուղղված բոլոր սպառնալիքներին և ձեռնարկում է անհրաժեշտ միջոցներ, որպեսզի չներքաշվի Իրանի շուրջ ծավալվող հակամարտության մեջ։
🗣«Մենք ձեռնարկում ենք անվտանգության անհրաժեշտ միջոցներ` մեր օդային տարածքի խախտման ցանկացած սպառնալիքի դեպքում, ինչպես տեղի ունեցավ նախօրեին երեկոյան»,- ասել Էրդողանը։ |1lurer.am|

📢 Այսօր կայացվեց մի որոշում, որն ապացուցում է, թե որքան է Նիկոլ Փաշինյանը վախենում Սամվել Կարապետյանից։
🗣 Մենք պաշտոնապես հայտարարում ենք թե՛ տեղական, թե՛ միջազգային քայլեր ներառող համակարգված արշավի մեկնարկի մասին. առանց այս քայլերի Հայաստանի միջազգային հեղինակությունը կփլուզվի, քանի որ այն գնում է դեպի ավտոկրատիա (անձնիշխանություն)։

🔸[․․․] Առաջիկա օրերին կհայտարարենք արդարությունը վերականգնելու մեր հաջորդ՝ կոնկրետ քայլերի մասին։
[«Ուժեղ Հայաստան» կուսակցության հայտարարությունը]

🔸 Երեկ երեկոյան դատարանի բակից բերման ենթարկված երեք քաղաքացու վերաբերյալ կազմվել է արձանագրություն, հետո նրանց ազատ են արձակել: [ՆԳՆ խոսնակ] |azatutyun.am|

🇹🇷🇮🇷 Թուրքիան Իրանից արձակված երրորդ հրթիռն է որսացել։
🔸 Թուրքիայի պաշտպանության նախարարությունը հայտարարել է, որ Իրանից արձակված բալիստիկ հրթիռը, որը մտել էր Թուրքիայի օդային տարածք, վնասազերծվել է ՆԱՏՕ-ի հակաօդային և հակահրթիռային պաշտպանության համակարգերի միջոցով։ Դրանք տեղակայված են Արևելյան Միջերկրականում։ |1lurer.am|