Category: Infocom

🇩🇪🇦🇿 Գերմանիայի խորհրդարանի երկու նախկին պատգամավորներ Ակսել Ֆիշերը և Էդուարդ Լինտները կներկայանան Մյունխենի Բարձրագույն շրջանային դատարան, այսպես կոչված, «ադրբեջանական գործի» շրջանակում կաշառակերության մեղադրանքով, հայտարարել է դատարանի ներկայացուցիչը։
🔸 Հետաքննության տվյալներով 2010թ. ԵԽԽՎ-ում աշխատող Լինտները 2016թ. 19 կեղծ ընկերությունների միջոցով ստացել է մի քանի միլիոն եվրո։ Այդ գումարի մի մասը նա փոխանցել է մյուս պատգամավորներին, որոնք պետք է ազդեին իրեն անհրաժեշտ որոշումների ընդունման վրա, կարծում են քննիչները։
🔸 Ֆիշերը, որը նույնպես 2010թ. աշխատում էր ԵԽԽՎ-ում, Ադրբեջանին ձեռնտու ելույթներ է ունեցել և գաղտնի փաստաթղթեր ուղարկել։ Փոխարենը 21,800 եվրոյի կաշառք է ստացել:
📌 Երկու կասկածյալներն էլ հերքում են մեղադրանքը: |tert.am|

🇦🇲🇫🇷 Դեկտեմբերի 15-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Ֆրանսիա:
[ՊՆ]

🇸🇾🇮🇱 Իսրայելը կեղծ պատրվակներ է օգտագործում՝ արդարացնելու իր հարձակումները Սիրիայի վրա։
🗣 Այս մասին հայտնել է Սիրիայի փաստացի ղեկավար, «Հայաթ Թահրիր ալ-Շամ» խմբավորման ղեկավար Ահմադ ալ-Շարաան՝ վստահեցնելով, որ ինքը շահագրգռված չէ նոր հակամարտությունների մեջ ներգրավվելով։
📌 Սիրիայում Բաշար Ասադի իշխանության տապալումից հետո երկրորդ գիշերը իսրայելական բանակը լայնածավալ հարձակում է իրականացրել Սիրիայի վրա։ Հաղորդումներ էին նաև ստացվում, որ իսրայելական զորքը խորանում է Սիրիայի տարածքում և առաջ է շարժվում դեպի Դամասկոս։ Իսրայելը հերքել է իր ցամաքային առաջխաղացումը՝ նշելով, որ իսրայելական ուժերը տեղակայվել են միայն Գոլանի բարձունքին հարող բուֆերային գոտում։ |azatutyun.am|

🇺🇦🇷🇺 Ուկրաինան և Ռուսաստանը հայտնում են միմյանց նկատմամբ ԱԹՍ-ներով գրոհների մասին։
🔸 Ուկրաինայի պաշտպանության ուժերը խոցել են 56 անօդաչու թռչող սարք, որոնցով Ռուսաստանը դեկտեմբերի լույս 15-ի գիշերը գրոհել է Ուկրաինան, այս մասին հայտնում են Ուկրաինայի ԶՈՒ ռազմաօդային ուժերը:
🔸 Ռուս զինվորականները կիրակի գիշերը ոչնչացրել և որսացել են 15 ուկրաինական ԱԹՍ, հայտնել է ՌԴ ՊՆ-ն: Հաղորդագրության մեջ հստակեցվում է, որ 13 ԱԹՍ չեզոքացվել է Սև ծովի ջրային տարածքում, մեկական անօդաչու թռչող սարք՝ Կուրսկի և Բելգորոդի տարածաշրջաններում: |armenpress.am|

🔎 Սիսակ Գաբրիելյանի՝ անհուսալի վարկերի մարման մասին պնդումը առնվազն 43,600 անձի մասով ճիշտ չէ
🔸 Դեկտեմբերի 12-ին ՀՀ կառավարությունը հաստատեց անհուսալի վարկեր ունեցող անձանց տնտեսական խթանմանն ուղղված որոշումը, որով նախատեսվում է աջակցություն 218,000 անհուսալի վարկառու համարվող անձանց: Նրանցից 43,600-ն ունի ֆորմալ զբաղվածություն:
🔸 Ծրագրին մասնակցելու համար քաղաքացին պետք է լինի կամ դառնա գրանցված աշխատող: Որպես քաղաքացիների բողոքն ու իրավիճակը մեղմող հանգամանք ԱԺ ՔՊ խմբակցության պատգամավոր Սիսակ Գաբրիելյանը նշել է. «Այս մարդիկ այսօր հարկ չեն վճարում, քանի որ չեն աշխատում, բայց միևնույն է, օգտվում են Ձեր վճարած հարկերից գոյացած բյուջեից: Հիմա պետությունն իրենց ասում է, գնա, աշխատիր, դարձիր օրինական հարկատու, վճարիր հարկեր»:
🔸 Աշխատող 43,600 անձանց 15 մլրդ 173 մլն դրամ տարեկան եկամտահարկը պետբյուջե գնալու և հանրությանը ծառայեցվելու փոխարեն պետք է ուղղվի սեփական անհուսալի վարկի մարմանը, ինչի արդյունքում այդ չափով կրճատվելու են պետբյուջե կատարվող մուտքերը:
📌 Պնդումը, թե աշխատող 43,600 անձանց վրա տարածելու պարագայում վերոնշյալ եկամտահարկի չափը կարող է փոփոխվել, կախված է աշխատավարձի չափից ու վարկի մարման ժամկետներից: Այսպիսով, այդուհանդերձ, վերջնարդյունքը մեկն է՝ այդ անձանց վարկերը մարվելու են պետբյուջեի հաշվին, հետևաբար, Սիսակ Գաբրիելյանի պնդումը, թե պետբյուջեի հաշվին չի իրականացվելու այս նախագիծը, առնվազն 43,600 անձի մասով ճիշտ չէ: |fip.am|
Կարդալ ավելին

🇹🇷🇸🇾 12 տարվա դադարից հետո Թուրքիան վերաբացել է Դամասկոսում գտնվող իր դեսպանատունը, հայտարարել է Թուրիայի արտգործնախարար Հաքան Ֆիդանը՝ նշելով, որ դեսպանատան անձնակազմը Սիրիայի մայրաքաղաք է վերադարձել նախօրեին։
📌 Սիրիայում Թուրքիայի դեսպանատունը գործունեությունը դադարեցրել էր 2012թ. մարտին Անկարայի և Դամասկոսի հարաբերությունների սրման պատճառով։ |azatutyun.am|

❗️Դեկտեմբերի 14-ին՝ ժամը 16։00-ի դրությամբ, սաստիկ բքի պատճառով Նորավան-Լծեն-Տաթև ավտոճանապարհը փակ է կցորդով տրանսպորտային միջոցների համար։
[«Ճանապարհային դեպարտամենտ» հիմնադրամ]