Category: Infocom

🇦🇲🇷🇺🇦🇿 Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել։ Այս մասին ասել է ՌԴ ԱԳ նախարար Սերգեյ Լավրովը:
🗣 «ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի, ընդհակառակը, դա լարվածության և հակամարտության հնարավոր սրման լրացուցիչ ռիսկեր կստեղծի։
📌 Հաշվի առնելով երկար տարիների թշնամությունը, ռազմական գործողությունները, երկու կողմից էլ զոհերը՝ մենք հասկանում ենք, թե որքան դժվար է Բաքվի և Երևանի համար առաջընթացի հասնել կարգավորման գործընթացում: Այս ամենը կողմերից պահանջում է ոչ միայն զգալի ջանքեր՝ փոխընդունելի լուծումներ գտնելու համար, այլև ժամանակ»,- ասել է Լավրովը։|tert.am|

🇦🇲🇦🇿 Ադրբեջանում պահվող հայ գերիների ազատ արձակումը մեծապես կօգնի Երևանի և Բաքվի հաշտեցմանը։ Այս մասին ասել է Ռուսաստանում Հայաստանի դեսպան Գուրգեն Արսենյանը։
🗣 Դեսպանն ընդգծել է՝ եթե Երևանն ու Բաքուն գնում են խաղաղության պայմանագիր կնքելու ճանապարհով, պատրաստվում են ամբողջ աշխարհին հայտարարել, որ երկու պետությունները, ազգերը ապրելու են խաղաղության և համագործակցության պայմաններում, ապա պետք է սկսեն քայլերից, որոնք կգնահատվեն։  |armenpress.am|

📝 Այսօր Հյուսիսային պողոտայում անցկացվեց տրանսպորտի ուղեվարձի բարձրացման դեմ կազմակերպած ստորագրահավաք։ Լրագրողների հետ զրույցում Երևանի նախկին քաղաքապետ Հայկ Մարությանը ասաց․
🗣 «Եթե մենք կարողանանք հասանելիություն ստանանք բոլոր մարդկանց մոտ, մենք 500 հազարից ավել ստորագրություն կհավաքենք տրանսպորտի թանկացման դեմ:
📌 Որովհետև ում հարցնում ես՝ բոլորը դեմ են այս թանկացմանը: Այստեղ հարցը միայն այն է, թե ինչքանով մենք կկարողանանք հասնել մարդկանց, ինչքան կհասցնենք դա անել: Մենք ակնկալում են տասնյակ հազարներ»։ |news.am|

🇷🇺 Ռուսաստանն արել և անում է ամեն ինչ հայ-ադրբեջանական հարաբերությունները կարգավորելու և Անդրկովկասում կայուն խաղաղություն ապահովելու համար. Վլադիմիր Պուտին
🗣️ «Մենք կշարունակենք աջակցել խաղաղության պայմանագրի, պետական ​​սահմանի սահմանազատման և տնտեսական ու տրանսպորտային կապերի ապաշրջափակման աշխատանքներին՝ 2020-2022 թվականների ամենաբարձր մակարդակով հայտնի եռակողմ համաձայնագրերին համապատասխան», — ասել է Պուտինը դեսպանների ընդունելության ժամանակ։ |tass.ru|

🇦🇲🇷🇺 ՌԴ նախագահ Վլադիմիր Պուտինն ընդունել է ՌԴ-ում ՀՀ նոր դեսպան Գուրգեն Արսենյանի հավատարմագրերը։
📌 Պուտինը այսօր Կրեմլում ընդունել է 28 նոր դեսպանների։

‼️ Խնդրահարույց գրառում արած ֆեյսբուքյան էջն իսկապես պատկանում է Վրաստանի նախագահին |civilnet.am|
🔸 Լայնորեն քննարկվում է Վրաստանի նախագահ Սալոմե Զուրաբիշվիլիի անվամբ ֆեյսբուքյան էջի գրառումներից մեկը, որում հայկական Լոռին ու Տաշիրը «պատմական Վրաստանի» տարածք է ներկայացված։ Որոշ օգտատերեր և լրատվամիջոցներ պնդում են, թե դա Վրաստանի նախագահի իրական ֆեյսբուքյան էջը չէ, և նախագահն իր պաշտոնական էջում երբևէ նման գրառում չի արել։
🔸 Սալոմե Զուրաբիշվիլիի անվամբ ֆեյսբուքյան էջը տարածել էր «Adjara Voyage» էջի գրառումը, որում զբոսաշրջիկներին առաջարկվում է այցելել «պատմական Վրաստանի տարածք՝ Լոռի և Տաշիր»:
🔸 #CivilNetCheck-ի հետ զրույցում Վրաստանի նախագահական գրասենյակի մամուլի բաժնից հաստատել են, որ ֆեյսբուքյան էջը, որով տարածվել էր գրառումը, պատկանում է Սալոմե Զուրաբիշվիլիին։ Սա փաստացի նրա ոչ պաշտոնական էջն է, որտեղ առկա են նաև բազմաթիվ անձնական լուսանկաներ և տեղեկություններ։

🇦🇲🇪🇺 ԵՄ պատվիրակությունը ժամանել է Երևան՝ մշակելու վիզաների ազատականացման շուրջ բանակցությունների ծրագիրը. ԱԳ նախարարի տեղակալ Պարույր Հովհաննիսյան
💬 Հովհաննիսյանը ԱԺ հանձնաժողովների համատեղ նիստի ժամանակ հայտնեց՝ 2024-ը աննախադեպ տարի էր ԵՄ-ՀՀ գործընկերության օրակարգն առաջ մղելու տեսանկյունից. «Կարող ենք բազմաթիվ ձեռքբերումներ նշել, օրինակ՝ վավերացվեց Հայաստան-Եվրոպոլ, Հայաստան-Եվրոջասթ պայմանագրերը: Երկու կարևոր որոշումներ ընդունվեցին հուլիսին արտոնագրերի ազատականացման շուրջ երկխոսությունը մեկնարկելու և եվրոպական խաղաղության գործիքի միջոցով Հայաստանին աջակցություն տրամադրելու վերաբերյալ»։
📍 Փոխարտգործնախարարը նշեց նաև, որ ավարտին է հասցվում ՀՀ-ԵՄ գործընկերության նոր օրակարգի նախագիծը. «Այդ բոլոր քայլերը, իհարկե, կունենան իրենց ազդեցությունը 2025-ին նախատեսվող աշխատանքների առումով»: |civilnet.am|

🇺🇸🗳 Միացյալ Նահանգներում մեկնարկել են նախագահական ընտրությունները:
📊 Հարցումները ցույց են տալիս, որ Քամալա Հարիսի ու Դոնալդ Թրամփի միջև ընթանում է, ըստ էության, հավասար ընտրապայքար։

🇬🇪 Թբիլիսիում բողոքի ակցիան ավարտվել է։ Հանրահավաքի վերջում հնչեց Վրաստանի օրհներգը, իսկ քաղաքացիները երթով շարժվեցին դեպի Բարաթաշվիլիի կամուրջ։
📢 Ակցիայի ընթացքում ընդդիմությունը քաղաքացիներին ներկայացրեց գործողությունների ծրագիրը։