Category: Infocom

🇦🇲 ՀՀ ԱԳՆ-ն հայտարարում է՝ «Հայաստանը դատապարտում է միջազգային անվտանգության խաթարմանն ուղղված գործունեությունը, որը դրսևորվեց նաև անցած շաբաթ Իրանի դեմ իրականացված գործողություններում»։
🔸 «Մենք խորապես մտահոգված ենք ավելի լայն տարածաշրջանում տեղի ունեցող զարգացումներով։ Հուսով ենք, որ դիվանագիտությունը հնարավորություն կտա պաշտպանել միջազգային իրավունքն ու կանխել հետագա անցանկալի զարգացումները»,- նշել է ԱԳՆ-ն X-ում։

🗣 Այս պահի դրությամբ ռազմական էսկալացիայի վտանգ չկա. ԶՈՒ գլխավոր շտաբի պետ
🔸 Էդվարդ Ասրյանի խոսքով՝ ներկա դրությամբ այդպիսի վտանգներ, սպառնալիքներ չկան, որ Ադրբեջանը կարող է հարձակվել, իսկ իրադրությունը սահմաններում գնահատվում է հարաբերականորեն կայուն:
❓ Դիտարկմանը, թե երկրի քաղաքական ղեկավարությունը հայտարարում է, որ «առաջիկայում՝ COP29-ից հետո կարող է ռազմական էսկալացիա լինել», Ասրյանն արձագանքեց.
🔸 «Դուք առաջիկա ասելով ի՞նչ եք հասկանում: COP29-ից հետո կարող է լինել մեկ ամիս, երկու ամիս, 6-7 ամիս: Ողջամիտ ժամկետում ներկա դրությամբ Գլխավոր շտաբը չի գնահատում իրավիճակ, որ կարող է լինել պատերազմ: Արարատ Միրզոյանը գնահատում է ռազմաքաղաքական իրավիճակի հիման վրա, որը ոչ թե դիտարկում է 1-2 ամիս, այլ դիտարկում է ձեր ասած ողջամիտ ժամկետ, որը կարող է գերազանցել 6 ամիսը, մեկ տարին»:||news.am|

🗣 Կա սահմանազատման գործընթաց, և դրա շրջանակներում նախատեսվում է ՀՀ ինքնիշխան տարածքի վերականգնում համապատասխան սահմաններով․ ԳՇ պետ
❓ Էդվարդ Ասրյանը լրագրողների հետ զրույցում նշել է, որ միանշանակ համաձայն է վարչապետի այն ասածի հետ, որ պետք է ոչ ռազմական ճանապարհով օկուպացված տարածքները հետ բերվեն։
📌 Հարցին՝ վստա՞հ է, որ այդպես կլինի, որ ադրբեջանցիները հետ կքաշվեն, ԳՇ պետը դրական պատասխան տվեց. «Այո, վստահ եմ: Սահմանազատման խաղաղ գործընթացներով դա հնարավոր է իրականացնել»:

💰 1000 խոշոր հարկատուները 2024-ի հունվար-սեպտեմբերին ընդհանուր առմամբ 1.323 տրլն դրամի հարկեր են վճարել, որը նախորդ տարվա նույն ամիսների համեմատ աճել է 56 մլրդ դրամով կամ 4.4%-ով։
📊 Այս տարվա առաջին 9 ամիսների տվյալներով՝ խոշորագույն հարկատուն «Զանգեզուրի պղնձամոլիբդենային կոմբինատ»-ն է (ԶՊՄԿ)։ Ընկերությունը 83.6 մլրդ դրամի հարկեր ու տուրքեր է վճարել, որը նախորդ տարվա նույն ժամանակաշրջանի համեմատ աճել է 31.3 մլրդ դրամով կամ մոտ 63%-ով։
📌 Ցանկում երկրորդը տեխնիկա ներմուծող, վաճառող և արդեն նախորդ տարվանից արտահանող «Մոբայլ Սենթր Արթ» ՍՊԸ-ն (Mobile Centre) է։ Ընկերություն վճարել է 49.1 մլրդ դրամի հարկեր, որն աճել է 63%-ով։ Երրորդ տեղում ծխախոտ արտադրող «Գրանդ տոբակո» ՍՊԸ-ն է՝ 39.8 մլրդ դրամի հարկերով և 28% աճով։ «Գազպրոմ-Արմենիա»-ն 8%-ով նվազեցրել է հարկերը և 36.3 մլրդ դրամով հայտնվել չորրորդ տեղում։ |hetq.am|

❗️ Հաղթանակ զբոսայգու լճակից տղամարդու դի է հայտնաբերվել և դուրս բերվել:
🔸 Ահազանգը ստացվել է այսօր՝ ժամը 09։32-ին: [ՆԳՆ ՓԾ]

Քաղաքացին ձերբակալվել է կառավարության 2 մասնաշենք մուտք գործելով գույք վնասելու և խուլիգանություն կատարելու կասկածանքով. Քննչական կոմիտե

📍 Հոկտեմբերի 26-ին ահազանգ է ստացվել որ մի քաղաքացի մուտք է գործել ՀՀ նախարարությունների շենք՝ դրսևորել ագրեսիվ վարքագիծ։ Վերջինս հայտնաբերվել է ոստիկանության ծառայողների կողմից և տեղափոխել ոստիկանության բաժին՝ ճանապարհին բղավելով, որ բենզատար մեքենայով եկել է Հանրապետության հրապարակ, որ այն պայթեցնի։
📍 Պարզվել է, որ տղամարդը մուտք է գործել ՀՀ Կառավարության 2-րդ մասնաշենք, պահանջել հանդիպում ՀՀ ԱԳ նախարարի հետ, արտահայտել դժգոհություններ։ Ծառայություն իրականացնող ոստիկանի և նշված անձի միջև առաջացել է վիճաբանություն։ Ոստիկանը դուրս է հանել իրեն ամրակցված ծառայողական ատրճանակը, որից հետո տղամարդը հեռացել է, ապա մուտք գործել արդեն դիմացի մասնաշենքի ընդունարան, բռունցքով հարվածել և կոտրել է պահակակետի մոնիտորը, ապա աստիճաններով բարձրացել վերև, գետնին է գցել պատին փակցված նկարներ, պոկել ծրարների համար նախատեսված արկղերը, տեղադրման վայրից պոկել և տեղաշարժել է կավե արձանիկը, որից հետո միայն օգնության հասած ոստիկանության մյուս աշխատակիցների հետ միասին հաջողվել է վնասազերծել նշված անձին։

💬 «ՀԱՄԱՍ»-ը պատրաստ է Իսրայելի հետ գործարք կնքել Գազայի հարցով: Այդ մասին հայտնել է «Համաս»-ի՝ Կատարի քաղաքական բյուրոյի ավագ անդամ Հուսամ Բադրանը:
🇪🇬 Կիրակի օրը Եգիպտոսն առաջարկել է Իսրայելի և «ՀԱՄԱՍ»-ի միջև երկօրյա զինադադար հաստատել, որի ընթացքում Գազայում պահվող պատանդները կազատվեն։
📍 Պարզ չէ՝ «ՀԱՄԱՍ»-ի պաշտոնյայի արձագանքը եգիպտական կողմի առաջարկին է վերաբերում, թե ոչ: Միաժամանակ «ՀԱՄԱՍ»-ի աղբյուրները Asharq News-ին նաև հայտնել են, որ խմբավորումը ավելի շատ նախընտրում է համաձայնության համապարփակ տարբերակ, քան փուլային: |timesofisrael.com|