Category: Infocom

Բացահայտվել են շաբաթներ շարունակ անհետ կորած Ի. Սիմոնյանի սպանության էական հանգամանքները. երեք անձի, այդ թվում՝ տուժողի կնոջը, մեղադրանքներ են ներկայացվել․ ՔԿ
📌 Ըստ նախապես գծած պլանի՝ 25-ամյա երիտասարդը 36-ամյա գործընկերոջ և Սիմոնյանի հետ վերջինիս մեքենայով գնացել է սար, որտեղ միասին գարեջուր են խմել: 25-ամյա երիտասարդը Սիմոնյանի գարեջրի մեջ ներարկիչի միջոցով քնաբեր է լցրել, որը խմելուց հետո վերջինս քնել է: Այնուհետև 36-ամյա տղամարդու ներկայությամբ, որը երիտասարդի մտադրության մասին տեղյակ է եղել, քարով երկու անգամ հարվածել է Սիմոնյանի գլխի հետնամասին՝ պատճառելով կյանքի հետ անհամատեղելի մարմնական վնասվածք:
📌 Համոզվելով, որ սպանել է, 25-ամյա անձը 36-ամյա տղամարդու հետ դին տեղափոխել է ավտոմեքենայի հետևի նստատեղին, ուղևորվել Նուբարաշենից Ջրվեժի գերեզմանատուն տանող ճանապարհահատված և դին նետել աղբանոցի հարակից հատվածում գտնվող ձորակ։
📌 Սիմոնյանի կինը, որպես վկա հարցաքննվելիս փաստացի տեղեկացված լինելով դեպքի վերաբերյալ ողջ իրականության մասին, վարույթն իրականացնող մարմնին հայտնել է իրականությանը չհամապատասխանող կեղծ տեղեկություններ՝ այդ կերպ աջակցելով հանցանք կատարած անձանց:

🔸 Ներկայումս համաձայնեցվում է տարածաշրջանային «3+3» ձևաչափով հաջորդ հանդիպման ժամկետը՝ արտգործնախարարների մակարդակով։
🗣 РИА Новости-ին ասել է Ադրբեջանում Ռուսաստանի դեսպան Միխայիլ Եվդոկիմովը։
🔸 Նա հայտարարել է՝ տարածաշրջանում արտաքին միջամտություն հարկավոր չէ, և Հարավային Կովկասի պետություններն իրենք պետք է լուծեն եղած խնդիրները։ Դրա համար որպես արդյունավետ հարթակ նա նշել է «3+3»-ը։ |azatutyun.am|

⚽️ «Նոա» ֆուտբոլային ակումբը հանդես կգա Կոնֆերենցիաների լիգայի խմբային փուլում։ 
🔸 ՈՒԵՖԱ-ի Կոնֆերենցիաների լիգայի փլեյ-օֆֆ փուլի պատասխան խաղում Երևանի «Նոա»-ն մրցակցի հարկի տակ 1։3 հաշվով պարտվեց Սլովակիայի «Ռուժոմբերոկին», բայց ընդհանուր դիմակայության 4։3 հաշվով դուրս եկավ Կոնֆերենցիաների լիգայի խմբային փուլ։

🇺🇦 Ուկրաինան պատրաստ է «Գազպրոմ»-ի հետ պայմանագրի ժամկետի ավարտից հետո Եվրոպա փոխադրել ադրբեջանական, ղազախական և «ցանկացած այլ» գազ՝ բացի ռուսականից, հայտարարել է Զելենսկու գրասենյակի ղեկավարի խորհրդական Միխայիլ Պոդոլյակը։
📌 Օգոստոսի 27-ին Վլադիմիր Զելենսկին հայտարարել էր, որ Կիևը չի երկարաձգի «Գազպրոմ»-ի հետ ռուսական գազի տարանցման համաձայնագիրը, որի ժամկետը լրանում է տարեվերջին։ |tert.am|

📌 Կառավարության հավանությանն է արժանացել «ՀՀ աշխատանքային օրենսգրքում փոփոխություններ և լրացումներ կատարելու մասին» օրենքի նախագիծը, որով ակնկալվում է թվային համակարգի ներդրման միջոցով թվայնացնել թե՛ պետական, թե՛ մասնավոր հատվածում կնքվող աշխատանքային պայմանագրերը՝ աշխատողների աշխատանքային իրավունքների պաշտպանության համակարգի բարելավման նպատակով։
🔸 Նախագծի հիմնական առավելություններն են աշխատանքային պայմանագրերի կնքման գործընթացի պարզեցումը, սոցիալական ռիսկերից պաշտպանությունը՝ պայմանագրի առկայության, կատարվող վճարների և հատկացումների արտացոլման, ինչպես նաև աշխատողի նկատմամբ գործատուի պարտավորությունների ամրապնդման շնորհիվ: |1lurer.am|

📃 Մարդու իրավունքների պաշտպանին դիմելիության ցուցանիշը զորակոչին վերաբերելի հարցերով էականորեն աճել է:
📌 Համեմատական պատկերը ցույց է տալիս, որ, օրինակ, նախորդ զորակոչերին ստացվել է 72, 64, 69 դիմում և այլն: Այդ ցուցանիշը երկու և ավելի անգամ աճել է 2024 թվականի ամառային զորակոչին՝ դառնալով 145: Նշված ցուցանիշներին զուգահեռ ավելացել է նաև անհատական գործերով աշխատանքի արդյունավետությունն ու դրական գործերի քանակը:
🔸Այս զորակոչին բողոքների մեծ մասը վերաբերել է բժշկական հանձնաժողովների եզրակացությունների հետ անհամաձայնություններին, կրկնակի և ստուգիչ հետազոտություններ անցնելուն, տարկետումներին, զինկոմիսարիատից կամ բժշկական հաստատություններից զորակոչիկների առողջական վիճակին վերաբերելի փաստաթղթեր ստանալուն, փորձաքննություններին:

⚖️ Պաշտպանները պահանջում են արդարացնել Վլադիմիր Գասպարյանին։
📌 «Այսօր ներկայացվել է վերաքննիչ բողոք, որով, ըստ էության, պահանջում ենք ամբողջությամբ բեկանել առաջին ատյանի դատավճիռը, կայացնել արդարացման դատավճիռ՝ ճանաչելով և հռչակելով Վլադիմիր Գասպարյանի անմեղությունը։
Արդարացման դատավճռին այլընտրանք ցանկացած որոշում մեզ համար անընդունելի է և հավասար է արդարադատության ժխտման»,- նշված է պաշտպանների հայտարարության մեջ։

Գրագողությունն ու հայկական գիտական ամսագրերում գրախոսության գործընթացը․ Արևելագիտության ինստիտուտի տնօրենի պաշտոնակատարի հոդվածների հետքերով
📃 Վերջերս մամուլում հրապարակում էր եղել Արևելագիտության ինստիտուտի տնօրենի պաշտոնակատարի հոդվածներում գրագողության դեպքերի մասին։
🔍 «Ինֆոքոմն» ուսումնասիրել է նշված հոդվածներից երկուսն ու համոզվել, որ դրանք արտագրություններ են արտասահմանյան հեղինակների գործերից՝ չնչին փոփոխություններով։
✅ Հոդվածների քննության նպատակով ԳԱԱ-ում հանձնաժողով է ձևավորվել, որը հաստատել է արտագրության դեպքերը։
📌 Այս դեպքի և, առհասարակ, գրագողության երևույթի մասին «Ինֆոքոմը» զրուցել է շահագրգիռ կողմերի և ոլորտի մասնագետների հետ։