Category: Infocom

🔎 Անկախ դիտորդը հայտարարություն է տարածել Գյումրիի քաղաքապետի ժամանակավոր պաշտոնակատարի թեկնածու առաջադրված անձանց նախաքվեարկության վերաբերյալ․
📢 «Դիտորդները նախաքվեարկությունն իրականացնող խմբերի հետ այցելել են 647 բնակարան/տուն, որոնցից 173-ի բնակիչները մերժել են նախաքվեարկությանը մասնակցելու առաջարկությունը, իսկ 474-ում, այսինքն 73% դեպքերում մասնակցել են նախաքվեարկությանը:
🔸 Հարցումն իրականացնող խմբերը ընդհանուր առմամբ բարեխիղճ են իրականացրել իրենց գործառույթները, ապահովել են քվեաթերթիկը լրացնելու գաղտնիությունը և ընդհանուր առմամբ ապահովել են գործընթացում իրենց անկողմնակալության, ընդհանուր բարեվարքության մթնոլորտը»։

✈️ «Զվարթնոց» օդանավակայանից հաստատել են, որ այսօր Երևանից դեպի Բաքու թռիչք է իրականացվել։
🗣 «Զվարթնոց»-ի մամուլի խոսնակ Լուսինե Մողրովյանը նշել է, որ միջազգային կազմակերպության կողմից պատվիրված չարտերային չվերթ է։
📌 «Նմանատիպ չվերթներ տարբեր կազմակերպությունների կողմից տարբեր ժամանակներում Բաքվից Երևան և հակառակ ուղղություններով իրականացվել են»,- փոխանցել է նա՝ չմանրամասնելով, թե քանի նման չվերթ է իրականցվել։ «Զվարթնոց»-ից նաև չեն նշել, թե որ միջազգային կազմակերպությունն է Բաքու- Երևան և Երևան- Բաքու չարտերային չվերթներ իրականացրել։ |factor.am|

❌ ՔՊ պատգամավոր Դավիթ Առուշանյանը ԱԺ նախագահին է ներկայացրել մանդատից հրաժարվելու դիմում:
🗣 Տեղեկությունը հաստատել է ԱԺ նախագահի մամուլի խոսնակ Մովսես Հարությունյանը։
❓ Նա նշել է, որ դիմումի մեջ մանդատից հրաժարվելու պատճառը չի նշվում: |news.am|

🚕 Օնլայն տաքսիների վարորդները բողոքի ակցիա են կազմակերպել Հրազդանի կիրճում, նրանք բողոքում են գործող պայմաններից ու սակագներից:
🗣 Տաքսիստներից մեկը ներկայացրեց իրենց պահանջները՝ նշելով. «Օնլայն տաքսիստները պաշտպանված չեն, առավոտյան արթնանում ենք, տեսնում ենք՝ հեղուկ գազի գինը 170-ից դարձել է 220 դրամ: Ոչ մի վերահսկողություն չկա, օպերատորն ասում է՝ պահանջարկը կա, տարիֆը բարձրանում է: Ո՞վ է վերսհսկում՝ այդ պահանջարկը կա, թե չկա, ինչքանով կա եւ որքանով է համապատասխանում այն ալգորիթմին, որը ինքը հիմքում դրել է:
🔸 Արգելեք բաղադրիչները, որոնք չեք կարող վերահսկել, փոխարենը ողջամիտ սակագներ սահմանեք՝ ողջամիտ բաղադրիչներով: Ի՞նչ է նշանակում րոպեն 20 դրամ: Էս քաղաքում չի կարող րոպեն 20 դրամ լինել: Ես չպետք է սուպերմարկետի դիմաց պատվիրատուին 40 րոպե սպասեմ, ինչ է, թե 1000 դրամ փող աշխատեմ, որից 200 դրամն էլ միջնորդավճար տամ: Սպասելաժամանակը ճոխություն է, եթե պատվիրատուն ուզում է, որ վարորդն իրեն սպասի, ուրեմն այդ մարդը վճարունակ է, դրան համապատասխան գին է պետք», — նշեց վարորդներից մեկը: |news.am|

🇷🇺 ՌԴ Պետդուման վերջնական ընթերցմամբ ընդունել է օրինագիծ, որն արգելում է ռուսերենին չտիրապետող միգրանտ երեխաներին դպրոց ընդունել։
📃 Ընդունված օրենքի համաձայն՝ դպրոց ընդունվելիս անհրաժեշտ կլինի հաջողությամբ հանձնել ռուսաց լեզվի իմացության թեստը, ինչպես նաև կպահանջվի ներկայացնել ՌԴ տարածքում գտնվելու օրինականությունը հաստատող փաստաթղթ։
📅 Կարգավորումներն ուժի մեջ կմտնեն 2025-ի ապրիլից։ |tass.ru|

🇫🇷🇬🇪 Ֆրանսիայի նախագահ Էմանուել Մակրոնն ու Վրաստանի իշխող կուսակցության հիմնադիր Բիձինա Իվանիշվիլին շուրջ մեկ ժամ հեռախոսազրույց են ունեցել։
🗣 Ըստ «Վրացական երազանք»-ի հաղորդագրության՝ Մակրոնը «ցանկություն է հայտնել նպաստելու ստեղծված իրավիճակի լիակատար լիցքաթափմանը»՝ շեշտելով, որ ցավում է Վրաստանում ստեղծված իրավիճակի համար։
🔸 Իվանիշվիլին ողջունել է համատեղ ջանքերի գաղափարը։ |azatutyun.am|

🌉 Նոր Հաճնի կամրջով երթևեկությունը վերականգնվել է։
👷‍♂️ Կամրջի հիմնանորոգման աշխատանքները շարունակվում են։
[«Ճանապարհային դեպարտամենտ» հիմնադրամ]

‼️ ԱԺ ՔՊ խմբակցության պատգամավոր Հակոբ Ասլանյանը 1 ամսով կասեցնում է մասնակցությունը ԱԺ ՔՊ խմբակցությանը:
🗣 Այս մասին նա ասել է Factor.tv-ին տված հարցազրույցում:

✅ Սարիկ Մինասյանը՝ Գյումրու քաղաքապետի ժամանակավոր պաշտոնակատար
🗳 Ամփոփվել են Գյումրիի քաղաքապետի պաշտոնակատարի՝ երեք օր շարունակվող նախնական ընտրության արդյունքները։ Առաջատարը, ըստ արդյունքների, Սարիկ Մինասյանն է՝ 253 քվեով։
🔸 Մինասյանը 2018թ. դեկտեմբերի 9-ին ԱԺ պատգամավոր է ընտրվել «Լուսավոր Հայաստան» կուսակցության ընտրական ցուցակով: