Category: Infocom

🔥 Բարձրագույն դատական խորհրդի շենքի դիմաց կայանված ավտոմեքենայում պայթյուն է տեղի ունեցել:
🔸 «Կորյունի փողոցում վթար է տեղի ունեցել: Նախնական տեղեկություններով՝ վնասվել է գազի բալոնը: Դեպքի վայր է մեկնել ՆԳՆ ՓԾ 1 մարտական հաշվարկ, 1 անձ հոսպիտալացվել է»,- 1lurer.am-ի հետ զրույցում ասել է ՆԳ նախարարի մամուլի քարտուղար Նարեկ Սարգսյանը:

🇺🇸⚖️ ԱՄՆ Կոնգրեսը ներկայացրել է հատուկ օրենսդրական նախաձեռնություն՝ ուղղված Միջազգային քրեական դատարանի դեմ։
✅ Նախաձեռնությունը նախատեսում է պատժամիջոցներ կիրառել յուրաքանչյուր օտարերկրյա անձի նկատմամբ, որը համարվում է ՄՔԴ-ին ուղղակիորեն մասնակցած կամ օժանդակող, այդ թվում՝ Իսրայելի նախագահի դեմ հետաքննություն, ձերբակալություն, կալանավորում կամ դատավարություն իրականացնելու գործընթացում։ Պատժամիջոցները ներառում են՝
🔸 Գույքի արգելափակում, որն արգելում է ԱՄՆ իրավասության տակ գտնվող գույքի հետ գործարքները,
🔸 Վիզաների սահմանափակում, ինչը նշանակում է մուտքի մերժում ԱՄՆ:
🇦🇲 Հայ-գերմանական իրավաբանների միության նախագահ Գուրգեն Պետրոսյանը, անդրադառնալով Հայաստանի համար ՄՔԴ-ի դեմ գործողությունների հետևանքներին, նշել է, որ Միջազգային քրեական դատարանը կամ նմանատիպ դատարանները չեն լուծելու Հայաստանի առջև ծառացած խնդիրները, սակայն դրանք կարող են հիմք ստեղծել բանակցությունների համար և օգնել Ադրբեջանի հետ բանակցություններում նվազագույն շեմ սահմանելու մեջ։
🗣 Նրա խոսքով՝ իրավունքը շարունակում է մնալ ուժի մեջ։ Քաղաքական պայմաններն ու առաջնահերթությունները կարող են փոխվել, սակայն դա չի նշանակում, որ Հայաստանը պետք է հրաժարվի իր ստանձնած պարտավորություններից և իրավունքներից։civilnet.am|

🇪🇺🇭🇺🇧🇾 Հունգարիայի ներկայացուցիչներն արգելափակել են ԵՄ երկրների համատեղ հայտարարությունը Բելառուսի նախագահական ընտրությունները մերժելու վերաբերյալ:
📣 Այս մասին հայտնում են «Ազատություն» ռադիոկայանի Բրյուսելի աղբյուրները։
🔸 Չունենալով ԵՄ բոլոր 27 երկրների ներկայացուցիչների ստորագրությունները՝ ԵՄ արտաքին քաղաքականության պատասխանատու Կայա Կալասը հանդես է եկել հայտարարությամբ՝ ասելով, որ հունվարի 26-ի քվեարկությունն ազատ ու արդար չէր և Բելառուսի իշխանություններին կոչ արել ազատ արձակել բոլոր քաղբանտարկյալներին։

❌ Սոցիալական ցանցերում տեսանյութի ուղեկցմամբ շրջանառվող տեղեկությունները, թե իբր ԱԹՍ-ով ՀՀ պետական սահմանի օդային հատում է արձանագրվել, չեն համապատասխանում իրականությանը:
[ՊՆ մամուլի քարտուղար]

🇦🇲🇮🇳 Նիկոլ Փաշինյանը շնորհավորական ուղերձ է հղել Հնդկաստանի վարչապետ Նարենդրա Մոդիին՝ Հնդկաստանի Հանրապետության օրվա առթիվ:

🗣 «Հայաստանը մեծապես կարևորում է Հնդկաստանի հետ ավանդաբար ձևավորված ջերմ հարաբերությունները՝ խարսխված քաղաքակրթական ընդհանուր արժեքների և փոխադարձ վստահության ու հարգանքի վրա:
📌 Վերահաստատելով մեր երկրների միջև համագործակցության ամրապնդման անսասան հանձնառությունը՝ համոզված եմ, որ համատեղ ջանքերի միջոցով մեզ կհաջողվի որակապես նոր մակարդակի բարձրացնել Հայաստան–Հնդկաստան հարաբերությունները», — նշված է ուղերձում։
[ՀՀ վարչապետի աշխատակազմ]

❗️ՄԻՊ-ի մշտադիտարկումների, գրավոր և բանավոր դիմում-բողոքների, այդ թվում՝ թեժ գծի հեռախոսահամարին ստացված զանգերի արդյունքում արձանագրվել է, որ վերջին շրջանում սոցիալական ցանցերում շարունակվում են լայնորեն տարածվել երեխաների մասնակցությամբ տեսանյութեր, որոնք երեխաներին թիրախավորելու և բուլինգի ենթարկելու պատճառ են դառնում:
📌 Հաշվի առնելով վերոգրյալը՝ Պաշտպանը ևս մեկ անգամ հորդորում է զերծ մնալ երեխաների մասնակցությամբ նրանց թիրախավորման ու բուլինգի ենթարկելու պատճառ հանդիսացող նյութերի պատրաստումից, հրապարակումից և տարածումից։ Երեխաների մասնակցությամբ լուսանկարների և տեսանյութերի հրապարակումը պետք է իրականացվի բացառապես երեխայի «լավագույնի շահի» ապահովմամբ և «մի՛ վնասիր» սկզբունքով:
🔸 Պաշտպանը հորդորում է զերծ մնալ երեխաների մասնակցությամբ նման նյութերի պատրաստումից, հրապարակումից և տարածումից, միաժամանակ, խիստ կարևորում է պետական իրավասու մարնինների, այդ թվում` Անձնական տվյալների պաշտպանության գործակալության, Հեռուստատեսության և ռադիոյի հանձնաժողովի կողմից հետևողականության ապահովումը` նման դեպքերի պատշաճ արձագանքման տեսանկյունից:
[ՄԻՊ]

🇫🇷🇦🇿 Ֆրանսիայի արտգործնախարար Ժան Նոել Բարոն հայտարարել է, որ «Բաքվի խումբը» կրկին փորձել է ապակայունացնել քաղաքական կյանքը Նոր Կալեդոնիայում։ Նա շեշտել է, որ Ադրբեջանի կողմից ձեռնարկվող ապարդյուն փորձերն անընդունելի են և պետք է անհապաղ կանխվեն։
🔸 Ադրբեջանը հերքել է այս մեղադրանքները. երկրի արտաքին գործերի նախարարության մամուլի քարտուղար Այհան Հաջիզադեն պատասխանել հայտարարել է, որ սա փորձ է՝ կոծկելու սեփական անգործությունը Նոր Կալեդոնիայի բնակչության պահանջների դեմ։ |azatutyun.am|

🇬🇪 Վրաստանի քաղաքացիների մասին միլիոնավոր տվյալներ պարունակող տվյալների բազան հայտնվել է «ամպային սերվերում», այնուհետև առեղծվածային կերպով անհետացել։ Cybernews-ը նշում է, որ գաղտնի անձնական տվյալների արտահոսքը պոտենցիալ թիրախ է դարձնում չարամիտ գործող անձանց համար:
🗣 «Տվյալները, ըստ երևույթին, հավաքվել կամ համախմբվել են բազմաթիվ աղբյուրներից, ներառյալ պետական ​​կամ առևտրային տվյալների հավաքածուներից և համարների նույնականացման ծառայություններից», — նշում է է SecurityDiscovery.com-ի հիմնադիրը:
📌 Խախտման հայտնաբերումից կարճ ժամանակ անց սերվերն անջատվել է ցանցից, իսկ տվյալների հանրային հասանելիությունը սահմանափակվել է:
🗣 «Սպառնալիքները կարող են զինել անձնական տվյալները ինչպես քաղաքական, այնպես էլ հանցավոր գործունեության համար»,- նշում է Դյաչենկոն Cybernews-ից։

❗️Էլեկտրոնային ստորագրություն ստանալու համար նախատեսված 3000 դրամ վճարը կհանվի․ Նիկոլ Փաշինյան
🗣 «Այն, ինչ նախատեսվում է, մարդը ներդրում է անում իր կյանքի հետագա կազմակերպման համար, որովհետև հիմա կա այսպիսի մի իրադրություն, որ նույնականացման քարտ հանելու հետ կապված բարդություններ կան: Իմիջիայլոց, մենք որոշում ենք կայացրել՝ էլեկտրոնային ստորագրության ստացման համար վճարները չեղարկելու ենք, այսինքն՝ էլեկտրոնային ստորագրություն ստանալու համար 3000 դրամ վճար էր նախատեսված, այդ 3000 դրամը կհանենք: Բայց շատ կարևոր է, որ մարդը սա ընկալի որպես ներդրում 21-րդ դարի իր հետագա կյանքի կազմակերպման համար, որովհետև 21-րդ դարում արդեն առանց նույնականացման քարտի հնարավոր չի լինելու արդյունավետ գործունեություն ծավալել»,- երեկ Հանրային հեռուստաընկերությանը տված հարցազրույցի ընթացքում ասել է Փաշինյանը՝ անդրադառնալով հարցին, որ քաղաքացիները հայտարարագրման համար պետք է էլեկտրոնային ստոագրություն ունենան։