Category: Infocom

🚗 Երևանում տրանսպորտային հոսքերի անցանելիությունն ավելացնելու համար հուլիսի 12-ից երթևեկության կազմակերպման փոփոխություն կկատարվի Կոմիտասի պողոտայում:
🔶 Մասնավորապես, Գրիբոյեդովի փողոցից հետադարձի համար կառանձնացվի երթևեկելի գոտի, ինչպես նաև Ն. Տիգրանյան փողոցից դեպի Վահագն Դավթյանի անվան այգի երթևեկությունը կկազմակերպի առանձին գոտիով: 
[Երևանի քաղաքապետարան]

Մոլեկուլային կենսաբանության ինստիտուտը չինացի գործընկերների հետ համագործակցությամբ հետազոտական նոր ծրագրեր է սկսում
🧬🔬 Հայաստանում սկիզբ է դրվում ընտանեկան միջերկրածովյան տենդի (հայտնի է որպես երևանյան հիվանդություն) ախտորոշման և բուժման, ինչպես նաև քաղցկեղի դեմ բջջային թերապիայի ուղղությամբ հետազոտական նոր ծրագրերի։
🇦🇲🇨🇳 Հետազոտություններն իրականացվելու են ԳԱԱ Մոլեկուլային կենսաբանության ինստիտուտում չինացի գործընկերների հետ համագործակցությամբ։
🦠 Այս համագործակցության հիմքերը դրվել են դեռ կորոնավիրուսային համավարակի շրջանում, երբ Մոլեկուլային կենսաբանության ինստիտուտը Շանդոնգի Առաջին բժշկական համալսարանի Կենսաբժշկության քոլեջի պրոֆեսոր Շուշան Յինի աջակցությամբ սկսեց կորոնավիրուսի ախտորոշման թեստեր արտադրել։

❗️ Կոռուպցիայի կանխարգելման հանձնաժողովի անդամի ընտրությունը Ազգային ժողովում կրկին տեղի չունեցավ։ Հաշվիչ հանձնաժողովի նախագահ Նարեկ Բաբայանը հայտնեց, որ ՀՀ ԱԺ 107 պատգամավորներից քվեարկությանը ոչ ոք չի մասնակցել, ուստի քվեաթերթիկներ քվեատուփում չեն եղել։
🔸 Որպես ԿԿՀ անդամի թեկնածու առաջադրված էին Վաղարշ Աղաբեկյանն ու Նարինե Ավետիսյանը։

👨‍⚖️ ՀՀԿ փոխնախագահ Արմեն Աշոտյանը ևս երեք ամիս կմնա կալանավորված: Քիչ առաջ նման որոշում կայացրեց դատավոր Վահե Դոլմազյանը։ |aravot.am|

🇫🇷🔥 Աշխարհի ամենաբարձր գոթական տաճարներից մեկի՝ Ֆրանսիայում գտնվող Ռուանի տաճարի գմբեթն այրվում է: Հրդեհը բռնկվել է շենքի այն հատվածում, որտեղ շինարարական աշխատանքներ էին իրականացվում։ Տաճարի բոլոր այցելուները տարհանվել են։
📌 Ֆրանսիայի Ռուան քաղաքի գոթական տաճարը կառուցվել է 12-16-րդ դարերում։ Տաճարի բարձրությունը 151 մետր է։ Այն ընդգրկված է Ֆրանսիայի ազգային ժառանգության ցանկում։ |tert.am|

‼️ Զորացրված զինծառայողներ տեղափոխող ավտոմեքենան վթարի է ենթարկվել. կա 2 զոհ
«Պատահարը տեղի է ունեցել Սյունիքի մարզի Գորայքի հատվածում։ Կա 2 զոհ՝ վարորդը և մեկ ուղևոր:
3 հոգի էլ տեղափոխվել է հիվանդանոց»,- հայտնել է ՆԳՆ խոսնակը։ |armenpress.am|

🔸 Կառավարության շենքի առջև են հավաքվել 2023թ․ սեպտեմբերի 19-ի մարտական գործողությունների հետևանքով զոհվածների հարազատները:
❗️ Նրանք պահանջում են հանդիպում կառավարությունում․ խնդրում են, որ Հայաստանի իշխանությունները կազմակերպեն Արցախում հուղարկավորված իրենց որդիների արտաշիրիմումը: |azatutyun.am|

✅ «Հայոց պատմություն» առարկայի անվանումը փոխվեց՝ վերանվանվելով «Հայաստանի պատմություն»․ համապատասխան որոշումն ընդունեց ՀՀ կառավարությունը։
💬 «Այսպիսով, պատմության ուսուցանման միջոցով ՀՀ գոյությունը կներկայացվի պատմական իրադարձությունների և գործընթացների տրամաբանական շղթայի ներքո՝ նախորդող շրջանում տարբեր ձևաչափերով հայկական պետության գոյության ժամանակահատվածներում շեշտադրելով պետության գաղափարի կարևորությունը և պետականության ներքին ավանդույթը, պետության չգոյության ժամանակահատվածներում շեշտադրելով նման պետության ձևավորմանը միտված հանրային քայլերն ու ջանքերը»,- ասվում է որոշման հիմնավորման մեջ։
🗣 Միաժամանակ՝ ԿԳՄՍ նախարար Ժաննա Անդրեասյանը նշեց, որ ամբողջ բովանդակությունը մնալու է ծրագրի մաս, փոխվում է դեպքերի, իրողությունները ներկայացման ձևը․ «Սա սկիզբն է, սրան պետք է հետևեն համապատասխան ուսումնական նյութերի, դասագրքերի վերանայման աշխատանքները, որ այս փոփոխությունը լինի ոչ թե պիտակի, անվան մասին, այլ լինի իրական բովանդակություն»։

💰Կառավարությունը պատրաստվում է ավելի քան մեկ միլիարդ դրամ ծախսել 49 նոր ծառայողական ավտոմեքենա ձեռք բերելու համար։ Այս նպատակով պետական գույքի կառավարման կոմիտեին գումար հատկացնելու որոշումն ընդունվեց կառավարության այսօրվա նիստում։
🚙 Կառավարությունը գնելու է Volvo XC90 ներկայացուցչական ամենագնաց, 6 Volvo EX30 էլեկտրական մեքենա, 39 Volvo EX30 մեքենա, 3 ներկայացուցչական դասի Volvo S90 Plug Hybrid սեդան ավտոմեքենա։ Վերը նշված բոլոր մեքենաները 2024-ի արտադրության են լինելու։
✅ Մեքենաները պետգույքի կոմիտեին մատակարարելու է «Ավանտգարդ» ընկերությունը, որը Volvo-ի ներկայացուցիչն է ՀՀ-ում։ Ընկերությունը պատկանում է Հայաստանում Mercedes-Benz-ի ներկայացուցիչ, գործարար Էդվարդ Ավետիսյանին։
❓ Որոշման հիմնավորումներում առկա չեն տեղեկություններ, թե այս էլեկտրական մեքենաները, ներկայացուցչական մեքենաները որ գերատեսչություններին են ամրացվելու։ |civilnet.am|