Category: Infocom

🤼 Հայաստանի ազատ ոճի ըմբշամարտի հավաքականի անդամ Արսեն Հարությունյանը դուրս եկավ Եվրոպայի առաջնության եզրափակիչ:
🏆 Ռումինիայի մայրաքաղաք Բուխարեստում ընթացող Եվրոպայի առաջնության 57 կգ քաշային կարգի կիսաեզրափակչում Արսեն Հարությունյանը մրցեց ադրբեջանցի Իսլամ Բազարգանովի հետ: Հարությունյանը հաղթեց 10:0 հաշվով:

🤝 Մյունխենի անվտանգության համաժողովի շրջանակում վարչապետ Նիկոլ Փաշինյանը հանդիպում է ունեցել Կոսովոյի վարչապետ Ալբին Կուրտիի հետ:
🔸 Կողմերը մտքեր են փոխանակել Հարավային Կովկասի տարածաշրջանում և Բալկաններում առկա իրավիճակի ու տեղի ունեցող գործընթացների, անվտանգության ու կայունության ապահովման շուրջ: [ՀՀ կառավարություն]

📌 Վարչապետ Նիկոլ Փաշինյանը մասնակցել է Մյունխենի անվտանգության համաժողովի բացման արարողությանը:
🤝 Մյունխենի անվտանգության համաժողովին մասնակցում են մի քանի տասնյակ երկրների նախագահներ, կառավարությունների ղեկավարներ ու արտաքին գործերի նախարարներ։ Համաժողովի շրջանակում նախատեսված են վարչապետ Փաշինյանի մի շարք երկկողմ հանդիպումներ:
[ՀՀ վարչապետի աշխատակազմ]

🇦🇲🇺🇸 Արարատ Միրզոյանը հանդիպել է ԱՄՆ Կովկասյան բանակցությունների հարցերով ավագ խորհրդական Լուիս Բոնոյի հետ:
🗣 Զրուցակիցները քննարկվել են Հարավային Կովկասում անվտանգային իրավիճակին վերաբերող հարցեր, անդրադարձ է կատարվել տարածաշրջանում վերջին զարգացումներին։ Մտքեր են փոխանակվել ՀՀ-ԱՄՆ երկկողմ գործընկերության օրակարգային հարցերի շուրջ։
[ՀՀ ԱԳՆ]

Մահացել է Ալեքսեյ Նավալնին։
Այս մասին հայտնում է ՌԴ Պատիժների կատարման դաշնային ծառայությունը՝ նշելով, որ նա մահացել է ուղղիչ գաղութում։ Քաղաքական գործիչը 47 տարեկան էր։
Պատիժների կատարման դաշնային ծառայությունից հայտնում են, որ զբոսանքից հետո նա իրեն վատ է զգացել, գրեթե անմիջապես կորցրել գիտակցությունը։

🔸 ՊԵԿ-ը, հաշվի առնելով «արտագնա աշխատանքի մեկնած հայաստանցիներին հարկելու» թեմայով տարածվող հրապարակումները, հայտնում է, որ օտարերկրյա պետություններում ՀՀ ռեզիդենտ ֆիզիկական անձանց ստացած հարկվող եկամտից եկամտային հարկը վճարելու վերաբերյալ կարգավորումները նոր չեն:
📌 Մասնավորապես, ՀՀ-ում և օտարերկրյա պետություններում հարկվող, եկամուտ ստացած ՀՀ ռեզիդենտ ֆիզիկական անձինք, ՀՀ օրենսդրության համաձայն, պարտավոր են հաշվարկել և վճարել եկամտային հարկ՝ սահմանված դրույքաչափերով: