Category: Infocom

🇦🇲🇷🇺🇦🇿 ՌԴ փոխարտգործնախարար Միխայիլ Գալուզինը ՏԱԱՍ-ի հետ զրույցում ասել է․
🗣 «Այսօր Հայաստանի առջև ծառացած բազմաթիվ ռիսկեր կարող էին մեղմացվել, եթե 2022 թվականին Երևանը համաձայնվեր ՀԱՊԿ-ի միջոցով Ադրբեջանի հետ սահմանին իրավիճակի կայունացմանն ուղղված միջոցառումների փաթեթի իրականացման առաջարկին: Ցավոք, Հայաստանի ղեկավարությունը նախընտրեց հրավիրել ԵՄ առաքելությանը, որն ամենևին էլ չի պաշտպանում պետության սահմանները, այլ «մոնիթորինգի» անվան տակ զբաղված է Ադրբեջանի, Իրանի և Ռուսաստանի դեմ հետախուզական տվյալների հավաքագրմամբ»։

📌 Չեմ պատկերացնում անգամ որևէ հետքայլ՝ անկախ Հայաստանում կամ Իրանում այդ պահին գործող կառավարությունների կազմից։ Հայաստանը և Իրանը միասին իրականացնում մի շարք տնտեսական և ենթակառուցվածքային խոշոր նախագծեր։
🇦🇲🇮🇷 Իրանը առաջիններից էր, որ ողջունել է «Խաղաղության խաչմերուկ» նախագիծը և այսօր էլ գետնի վրա նրանք ներգրավված են «Խաղաղության խաչմերուկ»-ի կյանքի կոչմանը։ Սա վերաբերվում է Ագարակ-Քաջարան 32 կմ ճանապարհահատվածին, որը կառուցվում է իրանական ընկերությունների կողմից, Մեղրիի անցակետի արդիականացման աշխատանքները նույնպես իրանական ընկերություն է իրականացնում։ Իրանական ընկերությունները ակտիվորեն մասնակցում են նաև ճանապարհաշինարարական այն տենդերներին, որոնք Հայաստանը հաստատում է։
[ՀՀ ԱԳ նախարարի տեղակալ Վահան Կոստանյան] |armenpress.am|

🇪🇺 ՀՀ քաղաքացիների համար ԵՄ վիզաների ազատականացման հարցով երկխոսության մեկնարկի ուղղությամբ կլինի դրական տեղաշարժ․ ԱԳ փոխնախարար

🗣 «Կարծում եմ, որ շատ մոտ ապագայում կունենանք դրական նորություն այդ առումով»,- ԱԺ մշտական հանձնաժողովների համատեղ նիստում ասաց ԱԳ փոխնախարար Պարույր Հովհաննիսյանը։ |armenpress.am|

⚖️🪧 ՀՀ ԱԳ նախարարության դիմաց բողոքի ակցիայի ընթացքում առերևույթ խուլիգանություն կատարելու համար քրեական հետապնդում է հարուցվել 5 անձի նկատմամբ․ Քննչական կոմիտե
🚶 Մասնակիցներից մի քանիսը, փոխլրացնելով միմյանց գործողությունները, իրենց մոտ գտնվող ծխարձակող առարկաները նետել են ոստիկանության ծառայողների ուղղությամբ, նրանցից մեկը ոտքով հարվածներ է հասցրել ոստիկանության աշխատակիցների շարքի ուղղությամբ, որոնք դիպել են ոստիկանության ծառայողներից մեկի ձեռքում գտնվող ոստիկանական վահանին։ Արդյունքում, խախտվել է նշված վայրում գտնվող անձանց անդորրը, և նույն եղանակով խափանվել է հանրային միջոցառումը:

🔸 Սուրբ Աննա եկեղեցու բակից Բագրատ Սրբազանը հայտարարեց, որ վաղը կմեկնեն Վարդենիս՝ նշելով, որ առաջիկայում կլինեն նաև Սյունիքում։
🗣 «Սոթքում ժամը 6-ին հանրահավաք ունենք։ Ուզում եմ՝ Սոթքում լինի, որովհետև սահմանի ակնառու վայրն այդտեղ է»,- ասաց Բագրատ Սրբազանը։

🇺🇸 Բաքվի և Երևանի միջև խաղաղության համաձայնագիրը վերջ կդնի տարածաշրջանում բազմամյա հակամարտությանը, կվերափոխի Հարավային Կովկասը և արմատապես կփոխի Ադրբեջանի դերը տարածաշրջանում։
🗣 Այս մասին ասված է ԱՄՆ նախագահ Ջոզեֆ Բայդենի՝ Բաքվի էներգետիկ շաբաթվա մասնակիցներին հղած ուղերձում, որն ընթերցել է ԱՄՆ պետդեպարտամենտի էներգետիկ ռեսուրսների բյուրոյի բազմակողմ էներգետիկ դիվանագիտության գծով ավագ խորհրդական Հարի Քեմիանը։
💬 «ԱՄՆ-ն պատրաստ է աջակցել այս ձգտմանը։ Մենք պարտավոր ենք ապագա սերունդների առջև՝ ապահովելու, որպեսզի խաղաղությունը և բարգավաճումը մնան մեզ առաջնորդող սկզբունքները»,- ասվում է ուղերձում։ |shantnews.am|

🗣 Բագրատ Սրբազանը հայտնել է, որ նախկին նախագահներից հանդիպել է միայն Սերժ Սարգսյանին․ «Մյուսների հետ չեմ հանդիպել, որովհետև առիթ չի եղել, իրենցից էլ ցանկություն չի եկել հանդիպելու»։ |tert.am|

⚖️ 44–օրյա պատերազմի ժամանակ Ջրականի 5-րդ գումարտակի հրամանատար Իշխան Վահանյանը դատարանում պատմեց, որ նորակոչիկներին Խուռհատ սար ուղարկելուց առաջ զորամասի հրամանատար Արթուր Քարամյանն ու ՊԲ հրամանատարի տեղակալ Դավիդովն ասել են, թե պատերազմը վերջանում է, իրենք էլ գնում են՝ ոչ թե մարտական առաջադրանքի, այլ բնագիծ զբաղեցնելու։ Նման ենթադրության հիմքը, ըստ Վահանյանի, հրադադարի վերաբերյալ խոսակցություններն էին։
🗣 Տուժողների փաստաբան Գուրգեն Գրիգորյանը հետաքրքրվեց՝ երբ ամեն ինչ ավարտվել է, զեկուցագիր գրե՞լ է, որ իրեն սխալ տեղեկություն էին տվել, ինչին Վահանյանը բացասական պատասխան տվեց․ «Որ իմանայի՝ գալու էի էստեղ, ուրիշ միջոցներ կձեռնարկեի․․․ Պատերազմ էր, ընդհանուր վերլուծությունները որը ոնց կարողացել է․․․ 5-րդ սերնդի պատերազմ էր, ոչ մեկս էլ պատրաստ չէր, ոչ էլ տեսել էինք տենց պատերազմ»,– ասաց նա։
📎 Կարդալ ավելին

❗️ Ճանապարհաշինական աշխատանքներով պայմանավորված՝ սույն թվականի հունիսի 3-20-ը` ժամը 21:00-07:00-ն, փակ է լինելու Բաղյան փ. — Գայի պ. խաչմերուկից մինչև Բաղյան փ. — Գյուրջյան փ. խաչմերուկ ընկած ճանապարհահատվածը։
[Երևանի քաղաքապետարան]