Category: Infocom

❗️ Անկախությունը քչերից կախվածությունը փոխարինելն է շատերից կախվածությամբ։ Պետությունը սեփական բախտը որոշելու, ճակատագիրը կանխորոշելու լավագույն գործիքն է ժողովրդի համար, բայց այս նպատակին առավել արդյունավետ ծառայելու համար պետությունը պետք է լինի հնարավորինս անկախ:
🗣 Փոխինտեգրված և գնալով ավելի փոխինտեգրվող աշխարհում անկախությունը ոչ միայն բացարձակ չէ, այլև երբեք չի եղել բացարձակ, որովհետև պետություններն այսպես թե այնպես կախված են այլ պետություններից: Հետևաբար, անկախ եղել են, կան և կլինեն այն պետությունները, որոնք կախված են ոչ թե քչերից, այլ շատերից:
🔸 Հետևաբար, անկախության ռազմավարությունը քչերից կախվածությունը շատերից կախվածությամբ փոխարինելու ռազմավարությունն է: […] Սա նշանակում է ոչ թե բոլորից հավասար կախված լինել, այլ մեկից կախվածությունը հավասարակշռել մյուսից կախվածությամբ, բայց այդ հարաբերության մեջ երբեք չլինել ստատիկ:
[Նիկոլ Փաշինյան]

📌 Ժողովրդի եւ պետության առաջ անհատի առաջնային հոգսը հարկեր վճարելն է, ինչպես յուրաքանչյուր ընտանիքի, յուրաքանչյուր անդամի առաջնային հոգսը ընտանիքի նյութական ապահովությունն է։
🔸 ՀՀ պետբյուջեն յուրաքանչյուր ընտանիքի բյուջեի մասն է, պետբյուջեն յուրաքանչյուր ընտանիքի բարօրության համար ավելի մեծ միջոցներ է ծախսում, քան յուրաքանչյուր ընտանիքն իր համար, հետեւաբար ինչպես որեւէ մեկն ավելորդ չի համարում իր ընտանիքի համար ավելորդ ծախսերը, այնպես էլ ավելորդ չպետք է համարի ՀՀ-ի նկատմամբ հարկային պարտականությունների եւ պարտավորությունների կատարումը […]։
[Նիկոլ Փաշինյան]
🔗 Կարդալ ավելին

🇺🇸🇷🇺🇺🇦 Դոնալդ Թրամփը մեկնաբանել է երեկ Էր Ռիադում կայացած ռուսական և ամերիկյան պատվիրակությունների բանակցությունները:
🗣 «Ես գոհ եմ Սաուդյան Արաբիայում Մոսկվայի և Վաշինգտոնի միջև ուկրաինական ճգնաժամի շուրջ բանակցություններից։ Դրանք լավ են անցել: Այժմ ես շատ ավելի վստահ եմ գործարքի հնարավորության հարցում: Ռուսաստանը ցանկանում է ինչ-որ բան անել, դադարեցնել վայրի բարբարոսությունը:
🔸 Անչափ հիասթափված եմ լսել, որ Ուկրաինան մտահոգված է բանակցությունների սեղանի շուրջ տեղ չունենալու կապակցությամբ: Երեք տարի շարունակ ուկրաինացիները հնարավորություն ունեին նստել բանակցությունների սեղանի շուրջ, և ռազմական հակամարտությունը կարող էր լուծվել Ուկրաինայի համար առանց տարածքային մեծ կորուստների»,- ասել է Թրամփը: |1urer.am|

❗️ Ռուբեն Վարդանյանը կրկին հացադուլ է հայտարարել: Ընտանիքի հետ հեռախոսազրույցի ժամանակ փոխանցել է միջազգային հանրությանն ուղղված իր հայտարարությունը՝ ի նշան կեղծ «դատավարության» դեմ բողոքի.
🗣 «Ես որոշում եմ կայացրել հացադուլի միջոցով բողոքս հայտնել ի նշան իմ նկատմամբ իրականացվող դատական ֆարսի: Սա իմ պատասխանն է միջազգային իրավունքի և Ադրբեջանի դատավարական իրավունքի նորմերի կոպտագույն խախտումներին:
🔸 Այն, ինչ կատարվում է դատարանի դահլիճում, չի կարելի համարել դատավարություն: Դա քաղաքական շոու է, որտեղ ցուցադրաբար արհամարհվում է արդար դատաքննության իմ իրավունքը»:

🇷🇺🇺🇸 ՌԴ նախագահ Վլադիմիր Պուտինը հայտարարել է, որ բարձր է գնահատում Էր Ռիադում անցկացված բանակցությունների արդյունքները։ Ըստ նրա՝ ռուս և ամերիկացի դիվանագետների արտաքսումը ոչ մի լավ բանի չի հանգեցնում, և այժմ դիվանագիտական ​​առաքելությունների աշխատանքը կվերսկսվի։
📌 Պուտինը նշել է, որ Ռուսաստանը պատրաստ է Ուկրաինայի հարցով վերադառնալ բանակցությունների սեղանի շուրջ։ ՌԴ նախագահը հայտարարել է, որ իրենց համար բավական չէ պարզապես հանդիպել Թրամփի հետ, անհրաժեշտ է մշակել ամենակարևոր, ներառյալ՝ Ուկրաինայի առնչությամբ հարցերը: |news.am|

🚙❄️ Կան փակ և դժվարանցանելի ավտոճանապարհներ:
❌ Փակ են Արագածոտնի «Ամբերդ» կայանից Քարի լիճ և Ամբերդ ամրոց տանող ավտոճանապարհները։ Բերքառատ-Ալագյազ-Գեղադիր ավտոճանապարհին տեղ-տեղ առկա է մերկասառույց։ Վարդենյաց լեռնանցքը (ձյուն) փակ է բեռնատարների համար, դժվարանցանելի՝ մյուս տրանսպորտային միջոցների համար։
🌨 Աշոցքի տարածաշրջաններում, Դիլիջանի ոլորաններում, Հրազդան, Չարենցավան, Իջևան, Տաշիր, Ստեփանավան և Ապարան քաղաքներում տեղում է ձյուն։
🌬 Իջևան, Նոյեմբերյան, Բերդ քաղաքներում մառախուղ է։
❗️ Լարսը փակ է բոլոր տեսակի տրանսպորտային միջոցների համար։

Կկարողանա՞ք 150 դրամով (առանց տեղփոխի) երթևեկել ապագայում, երբ ներդրվի նոր երթուղային ցանցը, թե այնուամենայնիվ ստիպված կլինեք փոխել մի քանի տրանսպորտ և օգտվել 300 դրամանոց կամ առաջարկվող այլ փաթեթներից։
Սա հասկանալու համար ստեղծել ենք ինտերակտիվ քարտեզ։ Փորձարկե՛ք այն և մեկնաբանություններում գրեք՝ բերե՞լ է ձեր տրանսպորտային բախտը։
Փորձարկել քարտեզը

⚖️ Քիմիկների զորամասի անձնակազմի հետ մարտական առաջադրանքի մեկնած փոխգնդապետ Ռաֆայել Փնջոյանի խոսքով՝ ուղեկցող Արման Նուրիջանյանին ճանապարհին առնվազն չորս անգամ հարցրել է՝ գիտի՞, թե իրենց ուր է ուղեկցում, ինչին վերջինս դրական է պատասխանել, անգամ վրդովվել, թե՝ գիտեմ էլի, իմ ամեն օրվա ճանապարհն է։ Նուրիջանյանը, սակայն, դատարանում հայտարարարել էր, թե իրեն ոչ ոք չի ասել՝ մինչեւ ուր պիտի ուղեկցի:
❗️ Սխալ տեղանք հասնելու հետեւանքով 62-հոգանոց անձնակազմից 5 զինծառայող գերեվարվել է, 12-ը՝ սպանվել, 23-ի եւ 1 վարորդի գտնվելու վայրն անհայտ է առ այսօր։
🗣 Փնջոյանը հայտնեց նաեւ, որ ունեցել են ինքնաձիգներ, սաղավարտ, զրահաբաճկոն կեսից քիչն է ունեցել, իսկ նռնակ, գնդացիր, ռադիոկապ ընդհանրապես չեն ունեցել։
📎 Կարդալ ավելին

🇮🇱🇦🇿 Իսրայելի վարչապետ Բենիամին Նեթանյահուն ընդունել է Ադրբեջանի նախագահի օգնական Հիքմետ Հաջիևին:
🔸 Կողմերը քննարկել են երկկողմ համագործակցության հարցեր, ինչպես նաև տարածաշրջանային զարգացումները: