Category: Infocom

🇦🇲🇹🇷 Հայաստանի և Թուրքիայի պատվիրակությունների հանդիպում է տեղի ունեցել Վիեննայում ԵԱՀԿ Խորհրդարանական վեհաժողովի ձմեռային նստաշրջանի շրջանակներում։
📌 Հանդիպմանը քննարկվել են երկու երկրների միջև հարաբերությունների կարգավորմանը վերաբերող հարցեր: Երկկողմ կարևորվել է տարածաշրջանի ճանապարհների և այլ ենթակառուցվածքների շուտափույթ ապաշրջափակումը եւ տնտեսական հարաբերությունների զարգացումը:
[Արտաքին հարաբերությունների մշտական հանձնաժողովի նախագահ Սարգիս Խանդանյան]

✝️ Երուսաղեմի Հայոց պատրիարքության սեփականությունը կարող է բռնագրավվել և աճուրդով վաճառվել․ պատրիարքը դիմել է Իսրայելի վարչապետին։
⚖️ Որպես բռնագրավման պատճառ բերվում է 1994 թվականից չվճարված գույքահարկը։ Երկուշաբթի տեղի կունենա վարչական միջնորդության լսում, որտեղ Պատրիարքարանը կփորձի կանխել Արևմտյան Երուսաղեմում դարեր շարունակ իրեն պատկանող գույքի օտարումը։ Եթե միջնորդությունը մերժվի, քաղաքապետարանը կսկսի գույքի բռնագրավման և աճուրդի գործընթացը՝ ձգտելով հավաքել այն, ինչը Պատրիարքարանը համարում է «վիճելի պարտքեր»։ Ըստ Պատրիարքարանի՝ այս պարտքերը երբևէ չեն հաստատվել դատական կարգով։
📄 Պատրիարք Ամեն. Տ. Նուրհան արք. Մանուկյանը Նեթանյահուին ուղղված նամակում հորդորել է միջամտել և դադարեցնել քաղաքապետարանի գործողությունները, վերսկսել իր նշանակած կառավարական հանձնախմբի հանդիպումները՝ խնդրին լուծում գտնելու համար:
📌 Այս հարկային վեճը չի առնչվում Հայոց թաղամասում գտնվող «Կովերի պարտեզի» հայտնի խնդրին։ |civilnet.am|

🚨🚙 Մեկ տասնյակից ավելի մեքենաներ են բախվել Հանրապետության Մ-1 ավտոճանապարհի Մաստարա-Լանջիկ հատվածում։
📌 Ըստ նախնական տվյալների՝ այս պահին կա 4 տուժած, և դեպի Երևան ճանապարհը երկկողմանի փակվել է:
👮 Նշված հատվածում ծառայություն են իրականացնում ՆԳՆ Փրկարար ծառայության և Ոստիկանության աշխատակիցներ։ Ձեռնարկվում են միջոցառումներ ճանապարհահատվածը բացելու ուղղությամբ։
[ՆԳՆ մամուլի քարտուղար]

🗳 Գյումրիում ավագանու ընտրությունները տեղի կունենան մարտի 30-ին։ ԿԸՀ-ն հաստատել է նաև ընտրությունների անցկացման և նախապատրաստման հիմնական միջոցառումների ժամանակացույցը։
✅👤 Նշենք, որ մինչ այս պահը ընտրություններին մասնակցության մասին հայտնել են ԱԺ ընդդիմադիր «Պատիվ ունեմ» խմբ․ պատգամավոր Մարտուն Գրիգորյանը, պրոդյուսեր, հասարակական գործիչ Ռուբեն Մխիթարյանը՝ «Իմ հզոր համայնք» կուսակցությամբ, «Դեմոկրատական այլընտրանք» կուսակցության ցուցակով նախկին ԲՀԿ-ական, ապա անկուսակցական Արտյոմ Ղարաղազարյանը: «Մայր Հայաստան» դաշինքի ցուցակը գլխավորում է «Մենք» ՀԿ-ի ղեկավար Կարեն Սիմոնյանը, «Քաղաքացիական պայմանագրինը»՝ քաղաքապետի պաշտոնակատար Սարիկ Միասյանը: Մասնակցության մասին հայտնել է նաև Գյումրիի նախկին քաղաքապետ Վարդան Ղուկասյանը՝ «Կոմկուս»-ի ցուցակով: «Ապրելու երկիր», «Հանուն Հանրապետության», «ՀՅԴ», ԴՕԿ կուսակցությունները ևս մասնակցության ցանկություն են հայտնել։

🚗✅ Մայիսի 1-ից վարորդներին մեկ տարվա համար տրվող միավորները կավելանան՝ 9-ից դառնալով 13․ Կառավարությունը հավանություն է տվել նախագծին
🗣 ՆԳ նախարար Արփինե Սարգսյանի խոսքով՝ կարգավորումը թույլ կտա ճկունություն ունենալ, և այն իրավախախտումների պարագայում, որոնք կախված չեն երթևեկության անվտանգության կազմակերպման հետ, քաղաքացիները կկարողանան ավելի ազատ լինել։
📌 Ըստ նրա՝ 9 միավորից 13-ի անցնելու դեպքում կա կոնսենսուս, որ կխստացվեն այն խախտումների համար պատասխանատվության միջոցները, որոնք վերաբերում են անվտանգությանը․ օրինակ՝ չամրակապված վարելը, հանդիպակաց գոտի դուրս գալը, վարելիս կապի միջոցներից օգտվելը։
🗓 Չսպառված միավորներ ունեցող քաղաքացիների բալերի շեմը ինքնաշխատ եղանակով կդառնա 13 միավոր։ Իսկ վարելու իրավունքը կասեցված լինելու դեպքում՝ կասեցումն ավարտվելու հաջորդ օրվանից, կտրամադրվի 13 միավոր։
[ՀՀ ՆԳՆ]

Ամերիաբանկը ճանաչվել է 2025թ. լավագույն ներդրումային բանկը Հայաստանում՝ ըստ Global Finance ամսագրի
Տասներորդ տարին անընդմեջ Ամերիաբանկը ճանաչվում է լավագույն ներդրումային բանկը Հայաստանում՝ ըստ Global Finance ամսագրի: Մրցանակաբաշխության հաղթողները գնահատվել և ընտրվել են ամսագրի խմբագրական թիմի և ոլորտի փորձագետների կողմից մի շարք չափանիշների հիման վրա, այդ թվում` բանկային հավելվածները, մասնաբաժինը շուկայում, գործարքների թիվը և ծավալը, սպասարկման որակը, շուկայի իրավիճակին արձագանքելու կարողությունը, նորարարությունը, գնային քաղաքականությունը, տեղաբաշխված արժեթղթերի շարժը երկրորդային շուկայում, ինչպես նաև համբավը շուկայում:
Մանրամասները
#վճարովի_բովանդակություն

🗣 «Ազգային անվտանգության ռազմավարության վերանայման անհրաժեշտություն առաջացել է՝ պայմանավորված այն փոփոխություններով, որ տեղի են ունեցել Հայաստանի անվտանգային միջավայրի շուրջ։
🔸 Թե որ ուղղություններով են փոփոխություններ լինելու, այս պահին չենք կարող խոսել: Հիմնական քննարկումները եղել են աշխատակարգի, կանոնակարգի շուրջ»,- այս մասին ասաց ՀՀ ԱԽ քարտուղար Արմեն Գրիգորյանը լրագրողների հետ զրույցում:
📌 Նշենք, որ ՀՀ վարչապետ Նիկոլ Փաշինյանը երեկ որոշում է ստորագրել, որով ստեղծվում է ՀՀ ազգային անվտանգության ռազմավարության վերանայման աշխատանքները համակարգող միջգերատեսչական հանձնաժողով, որի նախագահը ՀՀ ԱԽ քարտուղար Արմեն Գրիգորյանն է:

‼️ ՀՀ ԱԽ քարտուղար Արմեն Գրիգորյանը «չի կիսում այն կարծիքը», որ պետք է վերադառնալ Նոյեմբերի 9-ի եռակողմ հայտարարությանը:
🗣 «Որն է դրա արգումենտը, չեմ հասկանում՝ ինչպես են կարողանում մարդիկ նման փաստարկ բերել, երբ այն մեկ հոդված չունի, առնվազն ևս 8 հոդված ունի, և էդ ութ հոդվածի հետ տեսել ենք՝ ինչեր են տեղի ունեցել: Ինչպես կարող է որևէ մեկը՝ քաղաքական գործիչ լինի կամ չլինի, պնդել, որ այդ ութի հետ տեղի ունեցածը… Իրականությունը չընդունի, և ասի, որ մենք մեկ հոդվածի համար պետք է վերադառնանք:
🔸 Կարող է վերադառնանք, և նույն ճանապարհը կրկնենք էն ութի հետ կապված, ինչ եղել է: Դրա համար ընդհանրապես չեմ կիսում այդ կարծիքը»,- հայտարարեց Գրիգորյանը:
📌 Նշենք, որ մի շարք ընդդիմադիր գործիչներ կարծիք են հայտնում, որ տրանսպորտային ապաշրջափակման հարցի շրջանակը քննարկելու համար պետք է վերադառնալ Նոյեմբերի 9-ի փաստաթղթին:

🇺🇸 «Մտածեք, միջակ կատակերգուն՝ Վլադիմիր Զելենսկին, բանակցել է ԱՄՆ-ի հետ 350 միլիարդ դոլար ծախսել՝ մտնելու մի պատերազմի մեջ, որն անհնար էր հաղթել, մի պատերազմի, որը երբեք չպետք է մեկնարկեր, բայց որը ինքը առանց ԱՄՆ-ի ու Թրամփի չի կարող երբևէ կարգավորել:
✅ Ավելի լավ կլինի, որ Զելենսկին արագ շարժվի տեղից, կամ նա այլևս պետություն չի ունենա: … Նա մերժում է ընտրությունները, և միակ բանը, որը նրա մոտ լավ էր ստացվում Բայդենին «ջութակի պես» նվագելն էր: Բռնապետ՝ առանց ընտրությունների»,- հայտարարել է ԱՄՆ նախագահ Դոնալդ Թրամփը:
🇺🇦 Ավելի վաղ Ուկրաինայի նախագահը, արձագանքելով ընտրություններ անցկացնելու մասին հայտարարությանը, ասել էր, որ «Թրամփն ապատեղեկատվության պղպջակի մեջ է»՝ նշելով. «Եթե ինչ-որ մեկն ուզում է ինձ փոխարինել հենց հիմա, ապա հենց հիմա դա չի ստացվի»: