Category: Infocom

‼️ Երբ ԼՂ-ից բռնի տեղահանված անձը ծանուցում է ստանում, որ դիմումի համաձայն՝ նրան ՀՀ քաղաքացիություն է շնորհվել, այդ պահից նրա «070» ծածկագրով անձնագիրը դառնում է անվավեր։
🔸 Այդ պատճառով կարող են խնդիրներ առաջանալ թոշակ ու նպաստ ստանալու, բանկային գործարքներ կատարելու, այլ երկրի վիզա ստանալու կամ արտերկիր մեկնելու հետ կապված։
🔸 Հորդորում ենք ծանուցում ստանալուց անմիջապես հետո դիմել ՀՀ քաղաքացու անձնագիր ստանալու համար։
[Միգրացիայի և քաղաքացիության ծառայություն]

💬 Իհարկե, [նոյեմբերի 9-ի փաստաթուղթը] որոշակի առումով նաև կապիտալյացիոն փաստաթուղթ է, բայց երբ խոսք է գնում Մեղրիի հատվածով, Սյունիքով ճանապարհների տրամադրման մասին, իսկ Ադրբեջանը նաև նախատեսում է, որ դա պետք է լինի միջանցք, ապա պետք է վերադառնալ այդ փաստաթղթին, որովհետև դրա շուրջ չորս-հինգ կետեր իրականացված չեն:
‼️ Միայն այդ փաստաթուղթն է այսօր, որ հնարավորություն կտա նաև, դրա վրա հենվելով, փորձել Արցախի վերադարձի հարցը լուծել:
[ԱԺ «Հայաստան» խմբակցության ղեկավար Սեյրան Օհանյանը՝ Եռաբլուրում լրագրողների հետ զրույցում] |news.am|

‼️ Հիշողությունը կորցրած ժողովուրդը վաղ թե ուշ կորցնում է նաև իր ապագան։ Մենք հիշում ենք:
📣 Հիշողությունը գործելու մեր կամքն է հիմնավորապես մերժելու Հայաստանի ներկայիս կառավարիչների գաղափարախոսությունը՝ մոռանալ սեփական արմատները, պատմությունը, հայրենի ծննդավայրը, ազգային արժանապատվությունը, չընդունելու պետության և հայրենիքի մասին շինծու և վտանգավոր թեզերը, թոթափելու անտարբերությունը, հաղթահարելու վախերը, չկորցնելու զգոնությունը, անվրեպ հաշվարկելու վտանգները, կրկին հասնելու հաղթանակի:
[Սերժ Սարգսյանի ուղերձը Արցախի վերածննդի օրվա և Ղարաբաղյան շարժման 37-ամյակի առթիվ]

🚧 Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։
🚛 Վարդենյաց լեռնանցքը (ձյուն) փակ է բեռնատարների համար, դժվարանցանելի՝ մյուս տրանսպորտային միջոցների համար։
🚚 Ջերմուկ քաղաքի խաչմերուկից մինչև Կապան քաղաք տանող ավտոճանապարհը փակ է կցորդիչով բեռնատարների համար։ Տավուշի մարզի միջպետական ավտոճանապարհները փակ են կցորդիչով բեռնատարների համար, դժվարանցանելի՝ մյուս տրանսպորտային միջոցների համար։ Լոռու մարզի բոլոր ավտոճանապարհները դժվարանցանելի են։
❄️ Արագածոտնի մարզում, Սարավան-«Զանգեր» հատվածում, Արտաշատի, Մասիսի, Արարատի, Վեդու տարածաշրջաններում, Սյունիքի մարզում (բացի Ագարակ, Մեղրի քաղաքներից), Տավուշի, Լոռու, Շիրակի մարզերում, Տիգրանաշենի ոլորաններում, Հրազդան, Ջերմուկ քաղաքներում, Ելփին, Զանգակատուն գյուղերում տեղում է ձյուն։
🧊 Ալագյազի տարածաշրջանի ավտոճանապարհներին տեղ-տեղ առկա է մերկասառույց։ Արագածի տարածաշրջանում, Ռյա Թազա-Ապարան և Վեդի-Լանջառ ավտոճանապարհներին բուք է։
‼️ Ստեփանծմինդա-Լարս ավտոճանապարհը [արդեն 3-րդ օրն է]՝ փակ է բոլոր տեսակի տրանսպորտային միջոցների համար։
[ՆԳՆ փրկարար ծառայություն]

🇮🇹🇦🇲 Իտալիայի Սենատը միաձայն՝ 112 կողմ ձայնով, ընդունեց «Հայաստանի և Ադրբեջանի միջև խաղաղ գործընթացին աջակցելուն ուղղված նախաձեռնությունների մասին» բանաձևը։
🗣 Այս մասին գրել է ԱԺ նախագահ Ալեն Սիմոնյանը։

Infocom pinned a photo