Category: Infocom

🔸 Այս պայմաններում միջազգային հանրությունը չի կարող կույր ձևանալ և պատրանքներ ունենալ, թե ԼՂ ժողովրդի իրավունքների և անվտանգության հարցերը կարող են հասցեագրվել առանց միջազգային հատուկ և անհետաձգելի ուշադրության, ներգրավման և ջանքերի: 
🔸 Լեռնային Ղարաբաղի 120 հազար հայության իրավունքների և անվտանգության հասցեագրումը միջազգային մեխանիզմի շրջանակներում Բաքու-Ստեփանակերտ երկխոսության միջոցով, անհրաժեշտ է և կենսական: Անհրաժեշտ ենք համարում կրկին ընդգծել, որ Հայաստանի Հանրապետությունը շարունակելու է անկեղծ ջանքերի գործադրումը տարածաշրջանում խաղաղության հաստատման համար: [ՀՀ ԱԳՆ հայտարարությունը]

🇺🇸🇹🇷 Ըստ թուրքական «Անադոլու» գործակալության՝ ԱՄՆ պետքարտուղար Էնթոնի Բլինքենը և Թուրքիայի նորանշանակ արտգործնախարար Հաքան Ֆիդանը Լոնդոնում կայացած հանդիպմանը անդրադարձել են նաև Հայաստանի ու Ադրբեջանի միջև հարաբերությունների նորմալացմանը։
📌 ԱՄՆ պետքարտուղարության հաղորդագրության մեջ, սակայն, այս մասին չի հաղորդվում։ Նշվում է, որ կողմերը քննարկել են ընդհանուր հետաքրքրություն ներկայացնող տարածաշրջանային մի շարք առաջնահերթություններ։ |azatutyun.am|

📌 2004թ․ հունիսի 1-ին «Կրեդիտ Երևան բանկ» ՍՊԸ լուծարվող բանկի և ՊՆ-ի միջև՝ ի դեմս նախարար Ս. Ս.-ի (Սերժ Սարգսյան՝ խմբ․) կողմից լիազորված անձ Վ. Ա.-ի, կնքվել է պայմանագիր, ըստ որի՝ բանկը ՊՆ հանդեպ իր ունեցած 500 հազար ԱՄՆ դոլար պարտավորությունների դիմաց ՊՆ-ին է հանձնել Մոլդովական 27ա հասցեում գտնվող 441,01 քմ մակերեսով շինությունն ու 525 քմ մակերեսով հողամասը:
📌 Պայմանագրով նախարարությունը պարտավորվել է գույքի վաճառքից գոյացած գումարը՝ 500 հազար ԱՄՆ դոլարը, գերազանցելու դեպքում ավելի գումարը վերադարձնել «Կրեդիտ Երևան բանկ» ՍՊԸ-ին:
📌 Մինչդեռ ընդամենը մեկ ամիս 12 օր անց նախարարությունը՝ ի դեմս նախարար Ս. Ս.-ի, նույն գույքը 90 հազար ԱՄՆ դոլարով՝ 410 հազար ԱՄՆ դոլարով պակաս, վաճառել է «Անելիք բանկ» ՍՊԸ-ին: [ՀՀ գլխավոր դատախազություն]

🇧🇾🗣 Հայաստանը հիմնավորված պնդումներ է առաջ քաշում, Ղրղզստանը երկար ժամանակ օգնություն է խնդրում Տաջիկստանի հետ հակամարտությունը լուծելու համար։ Այս մասին հայտարարել է Բելառուսի նախագահ Ալեքսանդր Լուկաշենկոն այսօր ՀԱՊԿ անդամ երկրների արտաքին գործերի նախարարների հետ հանդիպմանը՝
📌 «Եթե մենք չլուծենք այդ խնդիրները, ապա ՀԱՊԿ երկրները միշտ կհանդիմանեն միմյանց, դժգոհություն կհայտնեն կազմակերպության աշխատանքից: Ուստի, պետք է ընկղմվել ՀԱՊԿ երկրների խնդիրների մեջ և ելք փնտրել»,- ասել է Բելառուսի ղեկավարը։ |tert.am|

‼️ Հունիսի 17-ին՝ ժամը18:40-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Վերին Շորժայի հատվածում տեղակայված հայկական դիրքերի ուղղությամբ:
Հայկական կողմում տուժածներ չկան: [ՀՀ ՊՆ]

🇦🇲🇦🇿 🇺🇸 Նիկոլ Փաշինյանը կառավարության նիստին ասաց, որ առաջիկայում Վաշինգտոնում նախատեսվում է Հայաստանի և Ադրբեջանի ԱԳ նախարարների հանդիպումը և հույս հայտնեց, որ վաշինգտոնյան նախորդ հանդիպման ժամանակ արձանագրված որոշակի առաջընթացը կզարգանա։
🗣 «Որքան էլ դժվար, Ադրբեջանի հետ հարաբերությունների կարգավորման և խաղաղություն հաստատելու ուղղությամբ մեր աշխատանքները պետք է լինեն շարունակական, այս հարցում մենք պետք է լինենք հետևողական»։

❗️Այսօր՝ ժամը 15:10-ին, Ադրբեջանի ԶՈՒ-ն Կապանի հատվածում տեղակայված հայկական դիրքի վրա կիրառել է դրոն-ԱԹՍ: Հայկական կողմում տուժածներ չկան: [ՀՀ ՊՆ]

❗️Ադրբեջանի պաշտպանության նախարարությունը, 11:30-ի սահմաններում տարածելով ապատեղեկատվություն այն մասին, թե իբր ՀՀ ԶՈՒ-ն կրակ է բացել Երասխի հատվածում տեղակայված ադրբեջանական դիրքերի ուղղությամբ, ստեղծելով տեղեկատվական հիմք, 10-15 րոպե անց՝ ժամը 11:45-ի սահմաններում, նույն ուղղությամբ կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել օտարերկրյա 2 քաղաքացի: [ՀՀ ՊՆ]