Category: Infocom

🇦🇲🇺🇸 ԱՄՆ պաշտպանության նախարարությունը չի մեկնաբանում Հայաստանի ուղղությամբ զինտեխնիկայի հնարավոր տեղափոխման մասին տեղեկատվությունը, որի մասին հրապարակում էր արել ռուսական RT գործակալությունը։
🗣 «ԱՄՆ-ն բարձր է գնահատում Հայաստանի հետ հարաբերությունները։ Պաշտպանության նախարարությունը չի մեկնաբանում զինտեխնիկայի տեղաշարժերը՝ օպերացիոն անվտանգության նկատառումներից ելնելով»,- ասացին ԱՄՆ պաշտպանության նախարարությունից։
📌 Ավելի վաղ, ռուսական RT լրատվական գործակալությունը հրապարակել էր տեղեկություն այն մասին, որ ԱՄՆ բանակի լոգիստիկ հրամանատարությունը նախատեսում է Գերմանիայի «Դյուլմեն» ռազմաբազայից զինտեխնիկա և տարբեր նշանակության սարքավորումներ տեղափոխել Հայաստանի «Զառ» զորավարժարան՝  հայ-ամերիկյան հավանական զորավարժությունների համար😐armenpress.am|

☔️ Երևանում մարտի 18-ի ուշ երեկոյան, 19-22-ը սպասվում է անձրև, հնարավոր է ամպրոպ։
❄️ Հանրապետության տարածքում 19-22-ը լեռնային շրջաններում հատկապես գիշերը՝ ձյան տեսքով, մարտի 19-20-ը առանձին շրջաններում տեղումները կլինեն առատ։
🌡 Օդի ջերմաստիճանը մարտի 17-ի ցերեկը կբարձրանա 1-3 աստիճանով, մարտի 19-22-ին հատկապես ցերեկային ժամերին աստիճանաբար կնվազի 8-10, Լոռիում, Տավուշում, Սյունիքում՝ 10-12 աստիճանով։

🗣 Այս փուլում ես չեմ կարծում, որ Ադրբեջանն էսկալացիայի գնա, նոր ենք հայտարարել, որ խաղաղության համաձայնագիրը համաձայնեցված է, և ակնհայտ է ԵՄ դիտորդների գնահատականը․ Ալեն Սիմոնյան
📌 Այս մասին ՀՀ ԱԺ նախագահն ասաց՝ անդրադառնալով Ադրբեջանի ՊՆ երեկվա հաղորդագրություններին և նոր էսկալացիայի վտանգին։
🔸 Սիմոնյանի կարծիքով՝ Ադրբեջանի ՊՆ հաղորդագրությունները Ադրբեջանի նախագահի հայտարարություններն արդարացնելու համար են արվել։ Սիմոնյանը հիշեցրեց Ալիևի հայտարարությունն այն մասին, թե «հայկական կողմի նկատմամբ 0-ին մոտ վստահություն կա»։

📄 Կարող ենք փորձաքննության ուղարկել 2 երկրների Սահմանադրությունը, պարզելու՝ արդյոք Ադրբեջանի պնդումներն իրականության հետ աղերս ունեն, թե ոչ. Ալեն Սիմոնյանը՝ ՀՀ Սահմանադրության վերաբերյալ Ադրբեջանի դիրքորոշման մասին
🗣 Նրա խոսքով՝ կարող են 2 երկրների Սահմանադրությունները Վենետիկի հանձնաժողով ուղարկվել, և նրանք թող պատասխանեն՝ կա նման բան, թե ոչ:
📌 «Այն բոլոր «մտավախությունները», որոնք որ Ադրբեջանն առաջ է քաշում պայմանագրի մեջ, այդ բոլոր «մտավախությունների» հետ կապված լուծում կա: Եվ եթե դա էլ չլինի, մենք պատրաստ ենք քննարկել, հասկանալ՝ արդյոք ՀՀ-ի Սահմանադրության մեջ տարածքային պահանջների մեջ տենց բան կա, թե ՝չկա: Ի վերջո, այդ հարցը ո՞նց է լուծվելու, մենք ասում ենք՝ այդ հարցը մենք լուծել ենք խաղաղության պայմանագրով», — լրագրողների հետ զրույցում ասել է ՀՀ ԱԺ նախագահը: |tert.am|

🇺🇸🇦🇿 ԱՄՆ նախագահի ազգային անվտանգության գծով խորհրդական Մայք Ուոլցը Ադրբեջանի նախագահի ազգային անվտանգության գծով խորհրդական Հիքմեթ Հաջիևին ասել է՝ «այժմ պետք է վերջնականացնենք խաղաղության գործարքը, ազատ արձակենք բանտարկյալներին և միասին աշխատենք տարածաշրջանն ավելի անվտանգ և բարգավաճ դարձնելու ուղղությամբ»:
🇦🇲🇦🇿 «Կոնֆլիկտը Հարավային Կովկասում պետք է ավարտվի:… Մենք գոհ ենք, որ Ադրբեջանը և Հայաստանը առաջընթաց մեծ քայլ են արել և համաձայնել են խաղաղության պայմանագրի շուրջ»,- ասել է Թրամփի խորհրդականը։|azatutyun.am|

🇪🇺🇦🇲🇦🇿 ՀՀ-ում ԵՄ առաքելությունը պարեկներ է ուղարկել սահմանի երկայնքով տարբեր հատվածներ.
🗣 «Իրավիճակը մնում է հանգիստ և հանդարտ, ոչ մի արտառոց ակտիվություն չի նկատվում»,- ասված է ԵՄ առաքելության հաղորդագրության մեջ։
📌 Մարտի 16-ին Ադրբեջանի ՊՆ-ն երեք անգամ ապատեղեկություն է տարածել, թե հայկական զինված ուժերը կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ։

🇲🇰 Առնվազն 51 մարդ է զոհվել Հյուսիսային Մակեդոնիայի Կոչանի քաղաքի գիշերային ակումբում շաբաթ ուշ երեկոյան բռնկված հրդեհի հետևանքով, ևս շուրջ 100 մարդ հոսպիտալացվել է։
📌 Մարդաշատ ակումբում հրդեհը բռնկվել է DNA խմբի համերգի ժամանակ պիրոտեխնիկայի օգտագործման հետևանքով, այսօր ասուլիսի ժամանակ հայտնել է երկրի ներքին գործերի նախարար Պանչե Տոշկովսկին։ Նրա խոսքով՝ ակումբի առաստաղն ակներևաբար եղել է դյուրավառ նյութից, այդտեղից էլ սկիզբ է առնել կրակը, և ծուխն արագ տարածվել է։
🔸 Դատախազությունը հայտարարել է, որ բոլոր պատկան ծառայությունները դեպքի վայրում են, զոհերի և տուժածների ճշգրիտ թիվը պարզվում է։ |azatutyun.am|