Category: Infocom

⚖️ Արեգնազ Մանուկյանը մեղադրվում է պետական գաղտնիք պարունակող տեղեկություններ հրապարակելու հատկանիշներով:

📌 Նրա նկատմամբ հարուցվել է հանրային քրեական հետապնդում։
[Քննչական կոմիտե] |factor.am|

🇺🇸 Ամերիկյան ուժերը իրանական ափերին գտնվող շուրջ 90 ռազմական օբյեկտ են թիրախավորել՝ հակաօդային պաշտպանության համակարգեր, հրթիռների և անօդաչուների պահման վայրեր և այլ ռազմական ենթակառուցվածքներ։ Այս մասին հայտնել է ԱՄՆ կենտրոնական հրամանատարությունը։
📣 Ըստ իրանական կողմի՝ հարվածները հիմնականում հասցվել են Իրանի հարավային ափամերձ շրջաններին՝ Հորմուզի նեղուցից մինչև Օմանի ծոց։ Թիրախների թվում է եղել Բանդար Աբբասը, որտեղ գտնվում է Իրանի խոշորագույն նավահանգիստը, ինչպես նաև ռազմածովային ուժերի և Իսլամական հեղափոխության պահապանների կորպուսի կարևոր օբյեկտներ։
🇮🇷 Իրանի Իսլամական հեղափոխության պահապանների կորպուսն արդեն հայտարարել է, որ Պարսից ծոցի հարևաններ Բահրեյնում և Քուվեյթում տեղակայված երկու ռազմաբազա է թիրախավորել՝ սպառնալով ամերիկյան հարվածների շարունակման պարագայում ընդլայնել հարվածների աշխարհագրությունը։ |azatutyun.am|

🇮🇷🇺🇸 Իրանը դադարեցնում է Վաշինգտոնի հետ վերջնական կարգավորման բանակցությունները: Այս մասին ՏԱՍՍ-ին հայտնել է իրանական բարձրաստիճան աղբյուրը։
🗣 «Դոնալդ Թրամփի կողմից Իրանի ժողովրդին ուղղված ուղղակի սպառնալիքների և Վաշինգտոնի կողմից իր պարտավորությունների բազմիցս խախտումների պատճառով Իրանը դադարեցրել է ԱՄՆ-ի հետ վերջնական համաձայնագիր կնքելու բանակցությունները», – նշել է գործակալության աղբյուրը։
📌 Նրա խոսքով՝ Իրանի դեմ ԱՄՆ-ի ցանկացած ռազմական ագրեսիա կհանդիպի ավելի լայնածավալ և վճռական պատասխանի, քան նախկինում։ |armenpress.am|

🗣 Այս ընտրություններն ի հայտ բերեցին նոր մարտահրավերներ, ընտրակաշառքների լայնածավալ բաժանումն ի ցույց դրեց մեր պետության խոցելիությունները, որոնց շուրջ մենք, իհարկե, անխուսափելիորեն պետք է մտածենք, Խաչատուրյանի հետ հանդիպման ժամանակ ասել է Փաշինյանը։
🔸Վահագն Խաչատուրյանն էլ նշել է, որ 2026 թվականի ընտրությունները Հայաստանի Հանրապետության քաղաքական զարգացման նոր հանգրվանն են։
🗣 «Մենք իսկապես խաղաղ պայմաններում ենք ընտրություններ անցկացնում։ Կարողացել ենք հասնել մի իրավիճակի, որ մենք հիմա հարևանների հետ, ըստ էության, այլևս վիճելի խնդիրներ չունենք, որոնք կարող են պատերազմական իրավիճակներ ստեղծել»,- նշել է նա։
[ՀՀ վարչապետի աշխատակազմ]

🇺🇸🇮🇷 Թրամփը նախազգուշացրել է Իրանին, որ ԱՄՆ-ն, ամենայն հավանականությամբ, այսօր երեկոյան նոր հարվածներ կհասցնի՝ նախորդ օրը տեղի ունեցած հարձակումներից հետո։
📣 «Մի փոքր նախազգուշացում կտամ. այսօր երեկոյան մենք նրանց ծանր հարվածներ կհասցնենք», — Թուրքիայում անցկացվող ՆԱՏՕ-ի գագաթնաժողովում՝ նախքան Ուկրաինայի նախագահ Վլադիմիր Զելենսկու հետ հանդիպումը հայտարարել է նախագահ Թրամփը: |azatutyun.am|