Category: Infocom

📢 Ահազանգ ստացվեց, որ այսօր Ոսկետափ բնակավայրի վարչական ղեկավար Նշան Հովհաննիսյանը և Սուրբ Սահակ–Մեսրոպ եկեղեցու կառուցման հովանավոր Համլետ Գորոյանն այցելել են եկեղեցի և հոգևոր հովիվ Տեր Արտաշես քահանա Հակոբյանից պահանջել են ազատել եկեղեցին։ Այս մասին հայտարարություն է տարածելՄասյացոտնի թեմը:
📌 «Նրանք նաև հայտնել են, որ մեկ ժամ անց վերադառնալու են՝ եկեղեցու մուտքի դռների բանալիները փոխելու նպատակով։
🗣️ Նման գործողությունները անօրինական և անթույլատրելի միջամտություն են Հայաստանյայց Առաքելական Սուրբ Եկեղեցու ներքին կյանքին և հոգևորականների ծառայությանը։ Հորդորում ենք անհապաղ դադարեցնել Սուրբ Սահակ–Մեսրոպ եկեղեցու բնականոն գործունեությանը խոչընդոտող բոլոր քայլերը և քահանայի նկատմամբ իրականացվող ճնշումները»,- ասված է թեմի հայտարարության մեջ:

Արցախից անցում «Արևմտյան Ադրբեջանին»․ Ադրբեջանական ինքնության պահպանման «գինը»
🇦🇿 44-օրյա պատերազմից և Արցախի հայաթափումից հետո, թվում էր, Բաքուն պետք է ընտրեր հակամարտության լուծման ռացիոնալ ուղին։
❗️ Ադրբեջանի հակահայկական նարատիվներն ու քարոզչությունը, սակայն, ոչ միայն չմեղմացան, այլև նոր թափ ստացան։
📃 Small Wars and Insurgencies ամսագրում հրապարակված հոդվածում գիտնականներ Լևոն Հովսեփյանն ու Արտյոմ Տոնոյանը հիմնավորում են, որ Ադրբեջանի համար հակահայկականությունը սեփական ազգային ինքնությունը կառուցելու գոյաբանական անհրաժեշտություն է։
🇦🇲🇦🇿 Այս համատեքստում հայ-ադրբեջանական հակամարտությունը դուրս է գալիս լոկ տարածքային վեճի սահմաններից՝ վերածվելով ադրբեջանական ինքնության կարևոր հենասյուներից մեկի։
🔗 Կարդալ ավելին

🚧 Սյունիքի մարզում փակ ճանապարհների պատճառով Սիսիանից և հարակից գյուղերից մի քանի տասնյակ դիմորդներ չեն կարողացել հասնել Գորիսի քննական կենտրոն՝ «Հայոց լեզու և գրականություն» առարկայից միասնական քննությանը մասնակցելու համար։
❗️Գորիսի թիվ 2 հիմնական դպրոցում գրանցված 158 դիմորդներից այս պահին քննության են մասնակցում 118-ը, 40 բացակա կա։ Այս մասին հայտնել է ԳԹԿ մամուլի խոսնակ Խաչանուշ Գրիգորյանը։
🗣 «Քննությունը մեկնարկել է 11։30–ին և կտևի 3 ժամ։ Քննության ավարտից հետո քննարկումներ տեղի կունենան, կվերլուծվի իրավիճակը և լուծումներ կառաջարկվեն։ Գործընթացն անպայմանորեն դիմորդի շահերից պետք է լինի, որովհետև նրանք չեն կարողացել քննության հասնել իրենցից անկախ հանգամանքներում և օգտվել միասնական քննություն հանձնելու լրացուցիչ հնարավորությունից (ամառայինից բացի խմբ)»,- նշել է նա։ | armeniasputnik.am|

🇺🇦🇷🇺 Ուկրաինայի նախագահ Վլադիմիր Զելենսկին հայտարարել է, որ Աբու Դաբիում Ռուսաստանի, Ուկրաինայի և Միացյալ Նահանգների ներկայացուցիչների բանակցությունների հիմնական թեման եղել է տարածքային խնդիրը, հայտնում է Reuters-ը:
🗣 «Ամենակարևորն այն է, որ Ռուսաստանը պատրաստ լինի ավարտել այս պատերազմը, որն ինքն է սկսել», – նշել է Զելենսկին՝ հավելելով, որ ինքը պարբերաբար կապի մեջ է ուկրաինացի բանակցողների հետ, բայց դեռ վաղ է եզրակացություններ անել ուրբաթ օրվա բանակցություններից։ |azatutyun.am|

📌 Ժամը 10:30-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են:
🚧 Եղանակային անբարենպաստ պայմանների պատճառով, սաստիկ բքի, տեսանելիության բացակայության պայմաններում և երթևեկության անվտանգության նկատառումներից ելնելով ճանապարհները ժամանակ առ ժամանակ փակվում են։
🛤 Նորավանի խաչմերուկից մինչև Շինուհայրի խաչմերուկ և դեպի Գորիս, Տաթև ավտոճանապարհները, Նորավան-Լծեն-Տաթև ճանապարհահատվածը փակ են բոլոր տեսակի տրանսպորտային միջոցների համար։
🔸Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար։ [«Ճանապարհային դեպարտամենտ» հիմնադրամ]

🇦🇲 🇺🇸 Կայացել է 2025թ. օգոստոսի 8-ին Վաշինգտոնի խաղաղության գագաթնաժողովի պայմանավորվածությունների իրականացման ՀՀ-ԱՄՆ աշխատանքային խմբի երկրորդ հանդիպումը:
🤝 ՀՀ ԱԳ նախարարի տեղակալ Վահան Կոստանյանը և ԱՄՆ պետքարտուղարի փոխտեղակալ Սոնաթա Քոուլթերը գոհունակությամբ արձանագրել են ՀՀ-ԱՄՆ ռազմավարական գործընկերության զարգացման ուղղությամբ արձանագրված առաջընթացը։
🔸 Որպես ևս մեկ կարևոր ձեռքբերում առանձնանշվել է ԹՐԻՓՓ նախագծի` Հայաստան-ԱՄՆ իրականացման շրջանակի ընդունումը:
📌 Աշխատանքային խումբն անդրադարձ է կատարել տնտեսական համագործակցության, էներգետիկայի, բարձր տեխնոլոգիաների և այլ ոլորտների օրակարգային հարցերին՝ նախանշելով առաջիկա անելիքները:
[ՀՀ ԱԳՆ]

🇦🇲🇬🇪🇦🇿 Վրաստանի վարչապետ Իրակլի Կոբախիձեն չի կարծում, որ Հայաստանի և Ադրբեջանի միջև նոր ուղիղ բեռնափոխադրման երթուղիները կարող են սպառնալ երկրի տարանցիկ գործառույթներին:
🗣️ Հնարավոր տարանցիկ կորուստների մասին խոսակցությունները նա անվանել է «դատարկ ենթադրություններ»։
🫱🏼‍🫲🏽 Վրաստանի վարչապետը ողջունել է երկու հարևան երկրների միջև հարաբերությունների վերականգնումը և նրանց միջև առևտրատնտեսական կապերի զարգացումը։ |factor.am|

🚌 Հաշվի առնելով եղանակային անբարենպաստ պայմանները՝ հանրային տրանսպորտի որոշ երթուղիներում հնարավոր են ուշացումներ:
[Երևանի քաղաքապետարան]