Category: Infocom

Խաղաղության բոլոր նախադրյալներն առկա են. վարչապետ Նիկոլ Փաշինյանի հոդվածը
🇦🇲🇦🇿 Արդյո՞ք Հայաստանի բանակի բարեփոխումները կապ ունեն Ադրբեջանի հետ: Եվ այո, եւ ոչ: Ոչ, որովհետեւ Հայաստանը Ադրբեջանի դեմ ոչ մի ռազմական գործողության ծրագիր, մտադրություն, նպատակ չունի:  Այո, որովհետեւ ՀՀ անվտանգության դեմ սպառնալիքներ գեներացվում են հենց Ադրբեջանում:
🔸 Նախ, ի հեճուկս Պրահայի պայմանավորվածության, Ադրբեջանի բարձրագույն օղակներից հնչում են ՀՀ տարածքային ամբողջականությունը կասկածի տակ առնող հայտարարություններ, [որոնք] ամբողջական կերպով ձեւակերպված են, այսպես կոչված, «Արևմտյան Ադրբեջան» խոսույթում, …: 
‼️ Հիմա սա համադրենք Բաքվում ընթացող թատերականացված դատավարության, Ադրբեջանի կողմից միլիարդների հասնող սպառազինությունների ձեռքբերման եւ պաշտոնական Բաքվի ագրեսիվ հռետորաբանության հետ եւ հասկանալի կդառնա, որ ՀՀ անվտանգության դեմ Ադրբեջանում գեներացվում են իրական սպառնալիքներ:

🇷🇺🇪🇺 Մենք տեսնում ենք, որ ԵՄ-ն այստեղ նույնպես հավատարիմ է իրեն, քանի որ առանց վիզայի հարաբերությունների առումով որևէ խոստում տալու կամ որևէ լուրջ որոշում կայացնելու՝ Հայաստանից արդեն պահանջում է քաղաքական լոյալություն ցուցաբերել և միանալ հակառուսական պատժամիջոցներին:
🔸 Եվ այս ամենը տեղի է ունենում այն ֆոնին, որ Հայաստանի անդամակցությունը Եվրասիական տնտեսական միությանը շոշափելի և զգալի երկարաժամկետ օգուտներ է բերում ԵԱՏՄ-ի հետ առևտրի ավելացման և ԵԱՏՄ-ից Հայաստան ներդրումների ավելացման տեսքով։
[ՌԴ ԱԳ նախարարի տեղակալ Միխայիլ Գալուզին] |news.am|

🇦🇲🇫🇷 Նիկոլ Փաշինյանը փետրվարի 10-11-ն աշխատանքային այցով մեկնել է Ֆրանսիա՝ մասնակցելու Արհեստական բանականության գործողությունների գագաթնաժողովին: 
 
🤝 Նախատեսված է վարչապետի հանդիպումը Ֆրանսիայի նախագահ Էմանուել Մակրոնի հետ:

❗️ Միջազգային արբիտրաժային ատյաններում ՀՀ կողմից տարած դեռևս ռեկորդային ամենամեծ հաղթանակը՝ «Ռասիա ՖԶէ-ն և Ջ. Բորկովսկին ընդդեմ ՀՀ-ի» գործով, եզակի է միջազգային ներդրումային արբիտրաժի պրակտիկայում: Փաստաբանական թիմին հաջողվել է հասնել նրան, որ Արբիտրաժային տրիբունալը վճռով պարտադրել է հայցվորներին փոխհատուցել այդ հայցերի հետևանքով Հայաստանի կրած բոլոր դատական ծախսերը՝ 2.8 մլն ԱՄՆ դոլարի չափով:
📌 Գործը վերաբերում էր ՀՀ-ի և «Ռասիա ՖԶԷ» ընկերության միջև կնքված կոնցեսիոն պայմանագրերին, որոնց համաձայն՝ ընկերությունը պետք է իրականացներ «Հայաստանի հարավային երկաթուղու» և «Հայաստանի հարավային արագընթաց ճանապարհի» տեխնիկատնտեսական ուսումնասիրությունը: «Հայաստանի հարավային երկաթուղի» ծրագիրը, որպես «Հյուսիս-հարավ» միջազգային տրանսպորտային միջանցքի պակասող առանցքային օղակ, դառնալու էր Սև ծովի նավահանգիստներից դեպի Պարսից ծոցի նավահանգիստներ կատարվող փոխադրումների ամենակարճ ուղին:
🔸 Ավելի ուշ «Ռասիա» ՖԶԵ ընկերությունը ՀՀ-ից պահանջեց 225 միլիոն ԱՄՆ դոլար և տոկոսներ։ Մասնավորապես, հայցվորները մեղադրում էին Հայաստանին, որ վերջինս փորձում է իրենց փոխարինել Չինաստանից եկող գործընկերներով այն բանից հետո, երբ պատրաստվել են ճանապարհների շինարարության տեխնիկատնտեսական հիմնավորումները։
🔸 2023թ. հունվարի հունվարի 20-ին Ներդրումային վեճերի կարգավորման միջազգային կենտրոնի տրիբունալը մերժել է Հայաստանի դեմ ներկայացված պահանջը, ինչից հետո հայցվորները դիմել էին Ներդրումային վեճերի կարգավորման միջազգային կենտրոն՝ չեղարկելու տրիբունալի վճիռը: Այստեղ ևս հաջողության չեն հասել: Արդյունքում արբիտրաժային տրիբունալն ամբողջությամբ մերժել է հայցը՝ գտնելով, որ այն ներկայացվել է վաղեմության ժամկետը լրանալուց հետո։ |hetq.am|
Կարդալ ավելին