Category: Մայր Հայաստան

Ահավոր է
—————
Գործող վարչապետն այնքան տգետ է ու զուրկ պետական, իրավական պատկերացումներից, որ իր ընտանիքին պատկանող թերթում տպագրել է ՛՛Ինչպես ԽՍՀՄ-ը ոչնչացրեց մեր ուղեղը. Անդրանիկ Թևանյանի կալանավորումը «պատմական» է՛՛ վերնագրով մի հոդված:
Հոդվածն ամբողջովին պատմական թեմաներով ու գաղափարախոսական առումով զառանցանք է, բայց դա չի կարևորը, կարևորն այն է, որ Անդրանիկ Թևանյանի ձերբակալությունը բացատրում է ոչ թե ինչ-որ քրեական հանցագործություն կատարելու, այլ բացարձակապես քաղաքական ու գաղափարախոսական պատճառներով, և այն համարում է ՛՛պատմական՛՛:
Հոդվածում զուգահեռներ է տարվում Քրիստափոր Ապահունի կաթողիկոսի (628-630թթ) և Անդրանիկ Թևանյանի միջև (մեղա, մեղա), իսկ այս վարչապետը, քաղաքական առումով, նույնականացվում է Հայոց մարզպան Վարազտիրոց Բագրատունու հետ:
Հոդվածով պարզ կերպով հայտարարվում է, որ Թևանյանը քաղաքական բանտարկյալ է:
Շնորհակալություն, իհարկե, այս հոդվածի համար, որը պարզ կերպով բացահայտում է Թևանյանի դեմ հարուցված հոդվածի ՛՛գաղափարաբանական՛՛ պատճառները, սակայն, հերթական անգամ, այս վարչապետի հոգեկան առողջության, և, որպես հետևանք, մեր պետական անվտանգության վտանգներն է ցուցանվում:
«Մայր Հայաստան» կուսակցության վարչության անդամ Ստեփան Դանիելյանի ֆեյսբուքյան էջից

Հունիսի 7-ին ժողովուրդը ծնգլահան կանի Ալիևի հարբած ծաղրածու Նիկոլի Փաշինյանին
———
Նիկոլ Փաշինյանի համար լավագույն հայը մեռած հայն է, ինչպես որ դարեր շարունակ եղել է թուրքերի համար։
Դա է պատճառը, որ նա աջուձախ գոռգոռում է, թե բա՝ ինչի՞ չեք զոհվել։ Ինքը երազում է, որ բոլոր արցախցիները զոհված լինեին, երազում է 37 թվականի ռեպրեսիաներին համահունչ ազատազրկել իր բոլոր ընդդիմախոսներին, երազում է ցմահ դատապարտել Անդրանիկ Թևանյանին։
Պատերազմ, պարտություն բերած, հազարավոր զոհեր, հաշմանդամներ ու գերիներ տված էս իշխանությունը մի բան էլ նեռվայնանում է, երբ իրենց գերիներների մասին են հարցնում։ Արտգործնախարար Արարատ Միրզոյանն ասում է՝ դե ծնգլ արեցիք։
Արարատ Միրզոյա՛ն, բա որ իմանաք, թե դո՛ւք ինչքան եք ծնգլ արել
էս ժողովրդին։
Ծնգլ եք արել ձեր ստախոսությամբ։
Ծնգլ եք արել ձեր թալանով։
Ծնգլ եք արել ձեր կոռուպցիայով։
Ծնգլ եք արել ձեր ատելության մթնոլորտով։
Ծնգլ եք արել ձեր պոնչիկ-պեռաշկի փարթիներով։
Ու հունիսի 7-ին ժողովուրդը ձեզ ոչ թե ծնգլ, այլ ծնգլահան է անելու։
Գնալու է ընտրատեղամաս, դեմ է քվեարկելու ձեզ ու ծնգլահան է անելու թուրքի դրածոներին։
Ծնգլահան է անելու ստախոսներին։
Ծնգլահան է անելու թալանչիներին։
Ծնգլահան է հանելու Ալիևի հարբած ծաղրածու Նիկոլ Փաշինյանին։
Դեմ է քվեարկելու ՔՊ-ին ու ձևավորելու է հայկական իշխանություն։
Ազատություն Անդրանիկ Թևանյանին
Միացի՛ր, որ փոխենք
«Մայր Հայաստան» կուսակցության վարչության անդամ Արեգնազ Մանուկյանի ֆեյսբուքյան էջից

Սիրելի՛ հայրենակիցներ,
ս. թ. մայիսի 23-ին 2 ամսով կալանավորվել է հայտնի քաղաքական գործիչ, «Մայր Հայաստան» կուսակցության նախագահ Անդրանիկ Թևանյանը՝ առանց որևէ իրավական հիմքերի: Այս սարքովի մեղադրանքի սնանկությունը տեսանելի է անգամ ոչ մասնագիտական և անզեն աչքով: Թևանյանը քաղաքական ապօրինի հետապնդումների զոհ է, ուրեմն և՝ քաղբանտարկյալ:
Հայրենակիցնե՛ր.
ամենուրեք, առավելապես այս քարոզարշավի ընթացքում, խախտվում են մարդու ազատ տեղաշարժի, ազատ խոսքի սահմանադրական իրավունքները, անընդունելի բառամթերքով են հանդես գալիս իշխանության ամենաբարձր պաշտոնյաները, հնչեցվում են բռնության սպառնալիքներ, մոռացության են մատնվում մեր դարավոր պատմությունն ու մշակույթը, ձերբակալվում են ընդդիմախոսները:
Օրհասական այս պահին հայ մտավորականը լռելու ոչ մի բարոյական իրավունք չունի. չէ՞ որ մտավորականությունն է ազգի գոյության զարկերակը: Եվ ազգի պատմության ամենադժվար պահերին մտավորականությունը պետք է լինի առաջին դիրքերում՝ ժողովրդի կողքին:
Ո՜ւր եք հանրային դեմքե՛ր, մշակույթի անվանի՛ գործիչներ, տարբեր ոլորտների ներկայացուցիչնե՛ր: Ե՜րբ եք ձայն հանելու… երբ այլևս Հայաստան չլինի՞, երբ վերջնականապես թշնամին իր սևարյուն թևերը կփռի աշխարհի մի փոքրիկ այս հողակտորի վրա՞, երբ մեր եկեղեցիների գլխին ոսկե խաչի փոխարեն կշողշողա սառը կիսալուսի՞նը…
Ահա այս ամենի դեմ է անզիջում պայքար մղում մեր քաջ հայորդին՝ Անդրանիկ Թևանյանը, որին այսօր փորձում է մեկուսացնել նեռը:
Ձեռքերդ հեռո՛ւ Անդրանիկ Թևանյանից՝ գոչում ենք մենք:
Ազնվասիրտ հայե՛ր,
հունիսի 7-ի ընտրություններով է որոշվելու հայ ժողովրդի՝ որպես միասնական նպատակներ ունեցող ազգի և Հայաստան պետության լինելիության հեռանկարը:
Դիմում ենք բոլորիդ՝ ի մասնավորի՝ մշակույթի, գիտության, կրթության ոլորտների ներկայացուցիչներին, հայության ճակատագրով մտահոգ մտավորականությանը.
մոռացե՛ք իրար միջև բոլոր տարաձայնությունները, վե՛ր կանգնեք անձնական ամեն տեսակի հավակնություններից, բավական է ձեր իսկ ձևակերպումով՝ ընտանիք և մշակույթ պահեք: Հասկացե՛ք վերջապես՝ առանց Հայրենիք չի կարող լինել ո՛չ ընտանիք և ո՛չ էլ մշակույթ: Արթնացե՛ք ինքնակործան թմբիրից, վաղն այլևս ուշ կլինի: Բավակա՛ն է զբաղվել ինքնախաբեությամբ, մութ ակնոցներ սոսնձել աչքերին և ոչինչ չտեսնել, հարմարվել այն ամեն կեղծիքին, ինչ տեղի է ունենում մեր շրջապատում: Արթնացե՛ք և տե՛ր կանգնեք ձեր երկրին ու պայքարի առաջնագծում գտնվող քաղբանտարկյալներին:
Մշակույթի գործիչների «Ձայն հայրենեաց» շարժում

Սրանք պանիկայի մեջ են. ԱՄՆ-ը գործում է ՌԴ-ի հետ համաձայնեցված. Վաշինգտոնը Հայաստանում կաշխատի ցանկացած նոր ուժի հետ. Ստեփան Դանիելյան
https://youtu.be/Qv2SjtY8m1M?si=6WPc7sudIJAQu212

Կարմիր գծերի թալանը և Թևանյանի գործում ՔՊ-ի հատած կարմիր գծերը
https://youtube.com/live/Peq9ujCSX30?feature=share

Ասեցին սեր ու համերաշխություն, բերեցին ատելություն և թշնամանք․ Մանուկ Սուքիասյան

«Մայր Հայաստան կուսակցության նախագահ, քաղբանտարկյալ Անդրանիկ Թևանյանի 2-րդ հոդվածը «Երևան-Կենտրոն» քրեակատարողական հիմնարկից

Կարմիր կետագծերի թալանը և մեր հաղթանակը
———-
«Մայր Հայաստան» խմբակցությունը 2 տարի հետևողական պայքարեց ու դատարանում հաղթեց Երևանի ՔՊ-ական իշխանությանը (ներառյալ՝ կցորդներին):
Խոսքը մայրաքաղաքում կարմիր և կապույտ կետագծերով ավտոկայանատեղիների մասին է: Դա առաջին հերթին քաղաքացու հաղթանակն է:
12 հազար դրամից 160 հազար դրամ դարձած կարմիր կետագծերի գինը կամայական էր որոշված: Դա նիկոլական իշխանության հերթական թալանչիական որոշումներից էր: Դատարանն անօրինական է որակել այդ թանկացումը:
Ամեն օր ժողովրդի մասին խոսող, իբր ժողովրդին սիրող, ժողովրդի առաջ խոնարհվող, ժողովրդով հպարտացող, ժողովրդին ծառայող Նիկոլ Փաշինյանի երևանյան դրածողները 2 տարի շարունակ ապօրինաբար մտել են նույն այդ ժողովրդի գրպանը և հավաքած գումարներով՝ 1 մլրդ դրամի չափով պարգևավճարներ են բաժանել:
Ու այդ գործելոճը համատարած է:
8 տարում 8 միլիարդ դոլարով պետական պարտք ավելացրած և այդ գումարները մսխած նիկոլական իշխանության համար կարմիր կետագծերի թանկացմամբ ժողովրդին թալանելը մանր չարաճճիություն է:
Իշխանափոխությունից հետո ժողովուրդը շոկի մեջ է ընկնելու սրանց թալանի մասշտաբներից ու բնույթից:
Իսկ այս պահին շնորհավորում եմ վարորդներին: Շնորհավորում եմ նաև այս գործով մեր շահերը դատարանում ներկայացնող փաստաբան Վահե Գրիգորյանին՝ քաղաքացու շահերը պաշտպանելու հարցում համատեղ հաղթանակի համար:
Հիմա հերթը վարորդներինն է: Նրանք կարող են դատարաններ քարշ տալ Երևանի ՔՊ-ական իշխանությանը և պահանջել իրենց փողերը:
Վերցնում եք «Մայր Հայաստանի» ստացած հերթական դատական վճիռը ու անցնում գործի: Թալանը հետ բերելուն քաղաքացին էլ պետք է մասնակցի:
Մենք ոչ թե խոսքով, այսինքն՝ նիկոլաբար, այլ գործով ենք ծառայում քաղաքացուն և պաշտպանում նրա շահերը:
Միացի՛ր, որ փոխենք։
Անդրանիկ Թևանյան
«Մայր Հայաստան» կուսակցության նախագահ
«Բարգավաճ Հայաստան» կուսակցության համամասնական ցուցակի 2-րդ համար
——
Հ․Գ․ Օրենքով սահմանված կարգով Անդրանիկ Թևանյանն ունի վստահված անձանց միջոցով հանրության հետ շփվելու իրավունք։ Մինչև նախընտրական քարոզարշավի ավարտն Անդրանիկ Թևանյանի ուղերձները կհրապարակվեն «Մայր Հայաստան» շարժման ֆեյսբուքյան էջով։

Ազատություն քաղբանտարկյալ Անդրանիկ Թևանյանին
Հասմիկ Սարգսյանի ֆեյսբուքյան էջից

Սա այն դեպքն է, որ չես կարող չհամաձայնվել Ալիևի «հարբած ծաղրածուի» հետ.
Ինչպես գիտեք Նիկոլ Փաշինյանի ապօրինի հրամանով նրա կամակատար իրավապահ համակարգը օրեր առաջ ձերբակալել է «Մայր Հայաստան» կուսակցության նախագահ Անդրանիկ Թևանյանին։ Թիվ մեկ գործակալը շատ լավ գիտի, որ Թևանյանն այս իշխանությունների թիվ մեկ գաղափարական ընդդիմախոսներից է, և նաև հենց դա է պատճառը, որ մերօրյա Հայաստանի փոքրիկ բռնապետը նրա հանդեպ ապօրինի մեղադրանք է առաջադրել:
Փաստորեն դավաճանն ամենաբարձրն է գոռում բռնե՛ք դավաճանին։
Վաղարշապատի ավագանու «Մայր Հայաստան» խմբակցության ղեկավար Հարություն Խաչիկյանի ֆեյսբուքյան էջից

Անդրանիկ Թևանյանը նույնիսկ քրեակատարողական հիմնարկից է հաղթում այս իշխանություններին
2 տարվա համառ պայքարը տվեց իր դրական արդյունքը․ դատարանը բավարարեց Երևանի ավագանու «Մայր Հայաստան» խմբակցության հայցը և ապօրինի ճանաչեց Երևանում կարմիր և կապույտ կետագծերով ավտոկայանատեղիները թանկացնելու քաղաքային իշխանության որոշումը։
Այս հաղթանակը հնարավոր եղավ արձանագրել գլխավորապես «Մայր Հայաստան» կուսակցության նախագահ, այժմ Փաշինյանի ապօրինի հրահանգով «Երևան-Կենտրոն» քրեակատարողական հիմնարկում կալանավորված, քաղբանտարկյալ Անդրանիկ Թևանյանի հետևողական ջանքերի շնորհիվ։
Սա մեծ հաշվով նաև քաղաքացո՛ւ հաղթանակն է և նիկոլական իշխանության խայտառակ պարտությունը։
Սիրելի՛ վարորդներ, այսուհետ դուք կարող եք որպես հիմք վերցնել «Մայր Հայաստան»-ի հայցի հիման վրա դատարանի կայացրած որոշումը, դիմել դատարան և քաղաքային ՔՊ-ական իշխանությունից հետ պահանջել կարմիր և կապույտ կետագծերի համար ձեզանից անօրինական կերպով գանձված գումարները։
Փաստացի, ՔՊ-ն 2 տարի շարունակ թալանել է քաղաքացիներին և ապօրինի գանձված այդ գումարներով իրենց միլիոնների հասնող պարգևավճարներ բաժանել։
Սա դասական թալան է, նիկոլակա՛ն թալան։
Եվ սա արմատախիլ կարելի է անել հունիսի 7-ին՝ գնալով ընտրատեղամաս, դեմ քվեարկելով ՔՊ-ին ու իր մանր-մունր կցորդներին ու ձևավորելով հայկական իշխանություն։
Հ․Գ․ Ստորև տեղադրում եմ Անդրանիկ Թևանյանի տեսանյութը, երբ նա դեռ մեկ տարի առաջ անդրադառնալով դատական այս գործընթացին՝ խոստանում էր, որ «Մայր Հայաստան»-ը հետևողական է լինելու, պայքարելու է, գնալու է մինչև վերջ և հասնելու է հաղթանակի։ Այսօր արդեն այդ խոստումը կատարված է։
Ազատություն Անդրանիկ Թևանյանին
Միացի՛ր, որ փոխենք
«Մայր Հայաստան» կուսակցության վարչության անդամ Արեգնազ Մանուկյանի ֆեյսբուքյան էջից
https://youtu.be/xDWaooo2KXA?si=bbrN5yAQPxybuMBl