Category: Sputnik Armenia

Օրենքի փոփոխությունը գործարարների համար ավելորդ գլխացավանք է դառնալու, հատկապես, որ դատավորը կարող է և մերժել տուգանքի վճարումը կասեցնելու միջնորդությունը. «Մանթաշյանց» գործարարների ակումբի նախագահ Վահրամ Միրաքյանի հետ զրուցել ենք Վարչական դատավարության օրենսգրքի փոփոխությունների նախագծի մասին
📌Արդարադատության նախարարության հեղինակած ու հանրային քնարկման ներկայացրած նախագիծը մասնագիտական շրջանակներում լուրջ քննարկումների առարկա է դարձել։ Ըստ գերատեսչության տարածած բացատրության՝ նախագծով առաջարկվում է ուժը կորցրած ճանաչել Վարչական դատավարության օրենսգրքի 83-րդ հոդվածը, որտեղ գրված է, որ դատարանի կողմից վիճարկման հայցը վարույթ ընդունելը կասեցնում է տուգանքի վճարումը՝ մինչև դատարանի վերջնական վճռի ուժի մեջ մտնելը։ Իրավաբանները պնդում են, որ իշխանությունն այդ կերպ փորձում է քաղաքացուն զրկել վիճահարույց վարչական ակտերով նախատեսված տուգանքները չվճարելու սահմանադրական իրավունքից։ Նախարարությունը, մինչդեռ պնդում է, որ նախագիծը ճիշտ չի մեկնաբանվում։ Գերատեսչության պարզաբանումը, սակայն, մասնագետների մտահոգությունները չի փարատել։
♥️@RadioSputnikArm | LIVE 106.0FM | vk | dzen

«Գյումրիում ընտրություններին ընդառաջ սկսվել են քաղաքական ուժերի նկատմամբ ճնշումները, առայժմ՝ ոչ բացահայտ». Sputnik Արմենիայի մամուլի կենտրոնում հրավիրված ասուլիսում ասել է քաղաքական վերլուծաբան, «Դեմոկրատական այլընտրանք» կուսակցության առաջնորդ Սուրեն Սուրենյանցը։
Նրա դիտարկմամբ՝ ճնշումների մեկնարկը տրվել է կիրակի օրը Գյումրիում Նիկոլ Փաշինյանի հայտնի ելույթից հետո։
Սուրենյանցը կարծում է, որ այս առումով «Քաղաքացիական պայմանագիրն» ու նրա առաջնորդը Հանրապետության երկրորդ քաղաքում դարձյալ փորձում են կիրառել 2021թ–ի ընտրությունների մոդելը։
🎦ասուլիսն ամբողջությամբ
♥️@RadioSputnikArm | LIVE 106.0FM | vk | dzen

▪️«Հրապարակ»․ Նիկոլ Փաշինյանը թուրք լրագրողնրի հետ խոսել է հայ-թուրքական հարաբերությունների կարգավորման, սահմանն առանց նախապայմանների բացելու, ինչպես նաև ցեղասպանության ճանաչման պատմությունը վերանայելու, Մեղրիով երկաթուղային անխոչընդոտ բեռնափոխադրում ապահովելու պատրաստակամության մասին։ «Ըստ էության, հաստատվում են լուրերը, որ Փաշինյանը սերտ շփումներ ունի Թուրքիայի նախագահ Էրդողանի հետ եւ պատրաստ է իր իշխանությունը պահելու դիմաց Ռուսաստանին փոխարինել Թուրքիայով»,- գրում է թերթը:
▪️«Հրապարակ»․ Փաշինյանն իր թիմին հրահանգել է ոչ մի կերպ չխառնվել երկրորդ եւ երրորդ նախագահների թիմերի միջև շաբաթներ ձգվող լեզվակռվին: Առաջարկել է` թուլանալ և հաճույք ստանալ, թե ինչպես են իրենց հակառակորդներն իրար միս կրծում։
▪️«Իրավունք»․ Կարկառուն ՔՊ-ականները շարունակում են անվստահությամբ վերաբերվել Գյումրու քաղաքապետի իրենց թեկնածու Սարիկ Մինասյանին ու կիրակի օրվա հավաքույթի ժամանակ էլ այդ մասին շեֆի ականջին մի բոլ դժգոհել են։
▪️«Հրապարակ»․ ՔՊ-ում կարծում են, որ ՄԻԵԴ-ում ՀՀ կառավարության ներկայացուցիչ Եղիշե Կիրակոսյանի ազատումը դրսի պահանջով է եղել։ Ուրբաթ օրը ԱԺ-ում ՔՊ ֆրակցիայի հետ հանդիպման ժամանակ Նիկոլ Փաշինյանն ասել է, որ Եղիշե Կիրակոսյանին ազատել է ինքը, քանի որ դժգոհություններ ունի նրա աշխատանքից։ Այն դեպքում, որ պաշտոնապես հաղորդվել էր, թե Կիրակոսյանն ազատվել է սեփական դիմումի համաձայն, և նման պայմանավորվածություն է ձեռք բերվել ամիսներ առաջ:
🔈Լսեք՝ ինչ են գրում թերթերը։
♥️@RadioSputnikArm | LIVE 106.0FM | vk | dzen

Ստեփանակերտում քանդել են Արցախի կառավարության շենքը. կադրերը հրապարակվել են սոցցանցերի ադրբեջանական տիրույթում
Ավելի վաղ ադրբեջանական իշխանությունները հավանություն էին տվել Ստեփանակերտի խորհրդարանի շենքի և որոշ տների քանդմանը:
@ArmeniaSputnik

Հյուսիս-հարավի Տրանշ-4-ի Քաջարան-Ագարակ ճանապարհի կառուցման աշխատանքների ընթացքն է տեսանյութով ներկայացրել Ճանապարհային դեպարտամենտը։
Կառուցվում է 32կմ երկարությամբ ճանապարհ։ Ծրագիրը ֆինանսավորվում է ՀՀ կառավարության և Կայունացման և զարգացման եվրասիական հիմնադրամի միջոցներով:
♥️@RadioSputnikArm | LIVE 106.0FM | vk | dzen

Բաքվում այսօր շարունակվել է Արցախի նախկին պետնախարար, բարերար Ռուբեն Վարդանյանի գործով շինծու դատավարությունը։
Ադրբեջանական լրատվամիջոցները հայտնում են, որ Վարդանյանը բողոք է հայտնել «գործը» քննող դատավորների կազմի դեմ։ Նա նշել է, որ նախորդ «նիստերին» իր ներկայացրած որոշ միջնորդություններ չեն բավարարվել։ Վարդանյանը հրաժարվել է պատասխանել հարցերին։
Հաջորդ «նիստը» նշանակված է մարտի 18-ին։
📎Վարդանյանը փետրվարի 19–ից հացադուլի մեջ է` ի նշան դատական ֆարսի դեմ բողոքի։
@ArmeniaSputnik

Ռուբեն Վարդանյանի նոր լուսանկարն են հրապարակել ադրբեջանական լրատվամիջոցները Բաքվի դատարանի դահլիճից․ Ռուբեն Վարդանյանի հացադուլի արդեն 21-րդ օրն է։
Ադրբեջանական լրատվամիջոցները գրում են ինչ–որ «ականատեսի» տված ցուցմունքի մասին, ով պնդում է, որ Վարդանյանը Ղարաբաղում ստեղծել է «մինչև 45-50 տարեկան մարդկանց վարձկան ստորաբաժանումներ»։
Արցախի նախկին պետնախարարը հրաժարվում է պատասխանել «դատարանի» հարցերին՝ դա համարելով շոու ու իմիտացիա։ Իր տեսաուղերձում Վարդանյանն ասել էր, որ դատում են ոչ թե իրեն և ևս 15 մարդու, այլ ողջ հայությանը։
♥️@RadioSputnikArm | LIVE 106.0FM | vk | dzen

Фото дня: Трюдо ушел и унес кресло из Палаты общин
Трюдо занимал пост премьер-министра Канады с 2015 года. На этом посту его сменит бывший глава Центрального банка страны Марк Карни.
Радио Sputnik

«Հայաբնակ Քեսաբում իրավիճակը համեմատաբար հանգիստ է»․ Սևակ Հակոբյան
Սիրիական Լաթաքիայում և Տարտուսում զինված
խմբավորումներն արդեն 4 օր ցեղասպանության են ենթարկում ալևիներին և ազգային այլ փոքրամասնությունների։ Լաթաքիայի հայաբնակ Քեսաբում իրավիճակը համեմատաբար հանգիստ է, բայց ամեն պահի կարող է փոխվել։
Ինչ է տեղի ունենում Լաթաքիայում և Տարտուսում (տեսանյութ), ովքեր են զինված խմբավորումների կազմում․ Sputnik Արմենիային պատմել է Բեյրութում լույս տեսնող «Զարթոնք» հայկական պարբերականի գլխավոր խմբագիր Սևակ Հակոբյանը։
♥️@RadioSputnikArm | LIVE 106.0FM | vk | dzen