Category: Tatev Hayrapetyan

2020 թվականի սեպտեմբերի 27-ին Ադրբեջանը սանձազերծեց լայնամասշտաբ պատերազմ ընդդեմ Արցախի․․․
Այս մի նախադասության մեջ կա անսահման ցավ, պայքար, կորուստ ու օդում կախված հարցերի շարք։ Բայց հինգ տարի անց, մտածելով օրվա խորհրդի մասին, ես հասկացա, որ չեմ ուզում որևէ ղեկավարի հիշատակել այսօր. սա ինձ համար պայքարի ու կամքի բացառիկ օրինակ ցուցաբերած հազարավոր լուսավոր երիտասարդների հիշատակի ու նրանց կռվի և զոհողության առաջ խոնարհման օրն է։ Սա այն օրն է, երբ ևս մեկ անգամ հասկանում ես, որ դու հենց այդ պայքարից ես ուժ ստանում։ Ես իրենց կռվի համար հավերժ երախտապարտ եմ, ես իրենց պարտք եմ, պարտքի զգացողություն ունեմ հենց իրենց առաջ։ Գիտակցումը, որ այդ լուսավոր, երազանքներով լի տղաները, որոնցից շատերը ծնվել էին 2000, 2001 և 2002 թվականին, չկան այսօր, չկան, որովհետև սեր ունեին իրենց մեջ, պայքար, աննկուն կամք. չկան, որովհետև հավատում էին իրենց կռվին, որովհետև պաշտպանում էին թիկունքում մնացածներին․․․ Այսօր՝ հինգ տարի անց, հենց այդ թիկունքայինները չհանձնվելու, խելք հավաքելու, կամք դրսևորելու կարիք ունեն։
Գոռը, Դավիթը, Արսենը, Աշոտը, Գևորգը, Էրիկը, Համլետը, Լևոնը․․․ Տղաները վիճակագրություն չեն, կլորացվող թվեր չեն, նրանք լուսավոր, վառ անուններ են, սիրուն ժպիտներ են, իրենց հարազատների հենման կետն են, օդում մնացած երազանքներ են, սպասում, ցավ, կորուստ ու խոնարհում են։
Հարցեր կարելի է տալ տարվա մնացած այլ օրերին, իսկ այսօր նրանց լուսավոր անունների օրն է, նրանց աներևակայելի համառ պայքարը հարգելու և դրա առջև գլուխ խոնարհելու օրն է․․․

Ադրբեջանում պետական մակարդակով էթնիկ հայի դեմ ատելություն է քարոզվում ու հաստատ չեք կարող ասել, որ դա արվում է խաղաղասիրական միտումներով…
Թվացյալ «խաղաղության» հակառակ կողմը…

⁉️«Արևմտյան Ադրբեջանում՝ ներկայիս Հայաստանի տարածքում, տարիներ շարունակ անտեսված մզկիթների վերականգնումը երկու երկրների միջև դիվանագիտական ​​հարաբերությունների բարելավման ֆոնին ամենասպասված քայլերից մեկն է։ Այս քայլը կարելի է դիտարկել որպես կարևոր ազդանշան, որը կարող է դրականորեն ազդել Ադրբեջանի պատմական և մշակութային ժառանգության պահպանման, ինչպես նաև տարածաշրջանում խաղաղության գործընթացի վրա»,-այդ մասին ասել է Ադրբեջանի իշխող ուժի պատգամավոր Ջեյհուն Մամեդովը նշելով, որ «Հայաստանն ունի ավելի քան 300 մզկիթ, ինչպես նաև մոտ 500,000 արևմտյան ադրբեջանցիների գերեզմաններ և տասնյակ մշակութային հուշարձաններ։ Ադրբեջանի պահանջն է նաև, որ այդ մշակութային հուշարձանները վերականգնվեն։ Դրանց պաշտպանությունն ու վերականգնումը պետք է իրականացվի ներկայիս Հայաստանի տարածքում, որտեղ գտնվում են ադրբեջանական պատմամշակութային հուշարձանները։ Այս հարցերը բազմիցս բարձրացվել են Հայաստանի հետ բանակցություններում։ Հայերը նույնպես պետք է աշխատեն այդ պահանջները կատարելու ուղղությամբ, և, կարծում եմ, նրանք կկատարեն դրանք»։
Այստեղ կա երկու կարևոր դրվագ։ Մեկ, ՀՀ տարածքը Ադրբեջանի իշխող ուժի պատգամավորը կոչում է «Արևմտյան Ադրբեջան», անուն, որը չունի որևէ պատմական, աշխարհագրական, քաղաքական հենք, դա հստակ զավթողական հայեցակարգ է, որը շրջանառության մեջ է դրվել Ալիևի կողմից 2022 թվականի դեկտեմբերի 24-ին։ Այժմ նաև հանրակրթական դասագրքերի բովանդակության մեջ է ներառվել։
Երկրորդ դրվագն էլ այն է, որ երբ ՀՀ իշխանությունները համառորեն լռում են, նաև լռեցնում բոլոր նրանց, ովքեր խոսում են Արցախում եղած հայկական քրիստոնեական ժառանգության վերացման մասին, հարևան հակառակորդը իր համար հորինում է «մշակութային ժառանգություն» մեր երկրում։ Իրանական կապույտ մզկիթը մեկ անգամ չէ, որ «յուրացրել են», մնացածի հետ կապված էլ հորինում են, ինչ խելքներին փչի։ Ահա, այսպես, մեր ամրագրված իրավունքներից հրաժարումը ոչ միայն չի բերում սպասված բարիդրացիության, այլ հակառակը՝ ոգևորում է մեր դեմ մշակել զավթողական ծրագրեր ու առաջ քաշել գոյություն չունեցող իրավունքներ ու այդ ամենի մասին խոսվում է հենց պետական մակարդակով։

Փաշինյանը իրավունք կունենար խոսելու իր լեգիտիմ ու ընտրված լինելուց, եթե 2018-ին գար ու ասեր, ժողովուրդ ջան, գալիս եմ, որ Արցախը հանձնեմ, քանի որ այդպես եմ տեսնում Հայաստանի անկախությունը։ Կամ 2021-ի հունիսին գար ու ասեր, այն ինչ մնացել է Արցախից, գալիս եմ դա էլ հանձնեմ, մի տեսակ ներվայնացրիք, 44 օր կռվեցիք, Արցախից ինչ-որ բան մնաց, ավելին՝ հայերը գնացին հետ իրենց տները, դրա համար իմ ներվերի վրա ազդող ու պայքարող ժողովուրդ, ես Արցախը ճանաչելու եմ Ադրբեջանի մաս ու նենց անեմ, որ Արցախում էլ հայ չապրի, հուսամ՝ այդ ժամանակ Ալիևն ինձնից գոհ կմնա։ Կամ էլ գոնե 2025-ին գար ու ասեր, միամիտ ժողովուրդ, ես Ալիևի ուղիղ հրահանգով առաջնորդվող մարդ եմ ու խաղաղության/ինքնիշխանության/անկախության կեղծ լոզունգների ներքո պայքարում եմ հայոց պետության կազմաքանդման համար, անում եմ դա անասելի ագրեսիայով ու ֆանտաստիկ, հանդուգն ու ցինիկ խրախճանքով։ Մինչև հիմա չե՞ք հասկացել։ Այ տենց, որ ասեր ու ընտրվեր, կարող էր հանգիստ ասել՝ ես լեգիտիմ եմ, լեգիտիմ կոլաբորանտ․․․

Մայրամուտն ու Բիբլիական Արարատը ❤️🇦🇲

«Армянские заключенные и громкий суд в Баку стали в руках Алиева мощными инструментами для антиармянской пропаганды и разжигания ненависти. Даже после договоренностей в Вашингтоне, где стороны обязались не разжигать вражду, Алиев сразу же по возвращении стал оскорблять армян, называя их «врагами» и «больным обществом». Он продолжает требовать изменить конституцию Армении, хотя это внутреннее дело Армении. 
Заголовки материалов о судебном фарсе в Баку выстраивают мифы об ужасающих преступлениях армян против Азербайджана, опираясь на абсурдные свидетельства. 
Например, по делу Рубена Варданяна выступают люди, рассказывающие о «преступлениях» 90-х годов, хотя связь Варданяна с Арцахом в тот период нереальна.
Азербайджан не стесняется подобных выдумок. Судебный процесс проходит без международных журналистов или представителей, несмотря на заявления об “открытости”. 
Алиев использует пленных как рычаг давления на Армению. В газете “Бакинский рабочий”, учредителем которой является Управление делами президента Азербайджана, опубликован материал, в котором так и написано, что “обвинительное заключение прокурора направлено против Армении”».
https://jam-news.net/ru/%d0%bf%d0%be%d0%bf%d1%8b%d1%82%d0%ba%d0%b8-%d1%81%d0%b0%d0%bc%d0%be%d1%83%d0%b1%d0%b8%d0%b9%d1%81%d1%82%d0%b2%d0%b0-%d0%b8-%d0%b3%d0%be%d0%bb%d0%be%d0%b4%d0%be%d0%b2%d0%ba%d0%b8-%d0%b7%d0%b0%d0%ba/

Հայաստան ջան, դու սիրտդ լայն ես պահում այն ժամանակ անգամ, երբ մենք սիրտ չենք ունենում զգալու, երազելու համար, դու ուժեղ ես մնում մեզ համար այն ժամանակ, երբ մեր պրպտող միտքը չի կարողանում գտնել լուծման ու ելքի ուղին, դու ներում ես մեզ միշտ, երբ մենք, մեր ու քո գլխին հերթական գալիք աղետը տեսնելով, դա կանխելուն միտված բան չենք անում, դու հանդուրժող ես մեր հանդեպ այն իրավիճակում, երբ մենք անվարան իրար ենք ոչնչացնում, դու լույս ես տալիս այն ժամանակ, երբ մենք ելքերի մասին չենք էլ մտածում։ Դու կաս ու լինելու ես հավերժ, լինելու ես անկախ ու շատ ավելի զորեղ ❤️
Երազանք ունեմ՝ կրկին տեսնել քեզ երկու ոտքիդ վրա ամուր կանգնած, կրկին ժպիտ տեսնել շուրթերիդ վրա, կրկին տեսնել քեզ ներքուստ խաղաղ, տեսնել պայքար ոչ թե լինելու, այլ հզոր լինելու համար․․․Մի բան հաստատ իմացի, քեզ սիրողները միշտ ավելի շատ են, քան քո գոյության դեմ պայքարողները, այդ սիրողների էներգիան մի օր խելք կդառնա, կամքով էլ կամրանա ու կփոխի վտանգավոր զարգացումների չարաբաստիկ ընթացքը։ Շնորհակալ եմ, որ կաս ու այսքան համբերատար ես․․․
Շնորհավոր ՀՀ անկախության օրը 🇦🇲