Category: Tatev Hayrapetyan

❗️Իրանի նախագահը տեսաուղերձով մի քանի հետաքրքիր հայտարարություն է արել հարևան երկրներին հասցված հարվածների մասին․
🔹«Անհրաժեշտ է, որ ես իմ կողմից ներողություն խնդրեմ այն հարևան երկրներից, որոնք հարձակման են ենթարկվել Իրանի կողմից։ Մեր առաջնորդը, մեր հրամանատարները և մեր աշակերտները իրենց կյանքը կորցրեցին թշնամու վայրագ ագրեսիայի պատճառով։
🔹 Մեր զինված ուժերը պատրաստ են անձնազոհության. նրանք իրենց կյանքը դրել են ափի մեջ՝ պաշտպանելու երկրի տարածքային ամբողջականությունը։ Երբ հրամանատարները ներկա չէին, նրանք գործեցին սեփական նախաձեռնությամբ («կրակ՝ ըստ հայեցողության»)՝ անելով այն ամենը, ինչ անհրաժեշտ էր մեր հայրենիքը պատվով ու հզորությամբ պաշտպանելու համար։
🔹 Մենք մտադիր չենք հարևան երկրների դեմ ագրեսիա իրականացնել, նրանք մեր եղբայրներն են, և մենք ջանում ենք ձեռք ձեռքի տված նրանց հետ խաղաղություն ու անդորր հաստատել։
🔹 Երեկ Առաջնորդության ժամանակավոր խորհրդում որոշեցինք և զինված ուժերին փոխանցեցինք, որ այսուհետ հարևան երկրների վրա չպետք է հարձակվեն կամ հրթիռով հարվածեն, քանի դեռ այդ երկրներից հարձակում չի եղել մեր ուղղությամբ։ Այս հարցերը մենք պետք է լուծենք միմյանց հետ դիվանագիտության միջոցով»։
📍Փեզեշքիանի այս հայտարարությունը կարող է պայմանավորված լինել Նախիջևանի միջադեպով և դրանից հետո Ադրբեջանի բարձրացրած աղմուկով ու գործողություններով։
📍Զինված ուժերի՝ սեփական հայեցողությամբ գործելու մասին պնդումը կարող է և՛ արդարացում լինել, և՛ գետնի վրա տիրող իրական պատկերը ներկայացնել։ Նմանատիպ հայտարարություն ուներ նաև արտգործնախարար Արաղչին։ Տվյալ դեպքում հնարավոր է գործ ունենք այստեղ ներկայացված առաջին տարբերակի Ա և Գ կետերի հետ։
📍Բայց միաժամանակ դեռ վաղ է, Փեզեշքիանի հայտարարությունից ելնելով, եզրակացնել, որ տարածաշրջանի երկները չեն թիրախավորվելու։ Իրանական կողմը դա միշտ մեկնաբանել է որպես ոչ թե հարևանների, այլ ամերիկյան բազաների թիրախավորում։ Հետևաբար նույն հիմնավորմամբ կարող են շարունակել գործել՝ միաժամանակ գուցե նեղացնելով թիրախների շրջանակը։
@IRI2day

1665 թ. մարտի 6-ին Լոնդոնի թագավորական ընկերությունը հրատարակեց «Philosophical Transactions» («Փիլիսոփայական աշխատություններ») հանդեսի առաջին համարը։
Այն անգլալեզու աշխարհի հնագույն գիտական պարբերականն է և երկրորդը պատմության մեջ (ֆրանսիական «Journal des sçavans»-ից հետո)։ Սակայն ֆրանսիականից այն տարբերվում է մի կարևոր առանձնահատկությամբ՝ սա աշխարհի ամենահին հանդեսն է, որը հրատարակվում է անընդհատ՝ առանց ընդմիջումների։ Անգամ համաշխարհային պատերազմները չեն կարողացել ընդհատել դրա թողարկումը։
Շատերը զարմանում են՝ ինչու է գիտական ամսագրի անվան մեջ կա «փիլիսոփայություն» բառը։ Պատճառն այն է, որ 17-րդ դարում բնական գիտությունները կոչվում էին բնափիլիսոփայություն (natural philosophy)։ Այն ժամանակ ֆիզիկան կամ կենսաբանությունը դեռևս չէին առանձնացվել որպես ինքնուրույն ճյուղեր։
Այս ամսագրի էջերում են առաջին անգամ տպագրվել Նյուտոնի, Դարվինի, Ֆարադեյի և գիտության այլ հսկաների աշխատությունները։
Մաքուր Պատմություն📖

Հանրային դաշտը բուռն փոթորկվում է և բանավեճի մեջ է մտել Միջազգային հանրապետական ինստիտուտի (International Republican Institute)՝ ՀՀ-ում հանրային կարծիքի ուսումնասիրության հերթական զեկույցի շուրջ։ «Տվյալները հավաքվել են 2026 թվականի փետրվարի 3-13-ն ընկած ժամանակահատվածում հեռախոսային հարցման մեթոդով (CATI)», նշված է զեկույցում։ Առհասարակ IRI-ի հարցումները միշտ են քննարկման առարկա դառնում, քանի որ դրանք քիչ թե շատ արտացոլում են առկա պատկերը։ Իշխանությունը փորձում է դա ներկայացնել որպես «հաղթանակ», իսկ ընդդիմությունը՝ որպես իշխանության «ձախողում»։ Ըստ իս, երկուսն էլ սխալ են։
Իրական ընդդիմադիրներին, որոնք ուզում են հեռացնել Ալիևի մարդուն երկրի ղեկավարի պաշտոնից, պետք է ամենից շատ հետաքրքրի հարցման մեջ առկա հետևյալ պատկերը։
📍Հարց՝ «Ո՞ր քաղաքական գործչին եք ամենից շատ վստահում։ Իսկ ո՞վ է երկրորդ ամենավստահելին»։
«Ոչ ոքի՝ 48%»։
Ընդ որում, 18-35 տարեկանները, այսինքն՝ երիտասարդության 63%-ը, ոչ ոքի չի վստահում։
📍Մյուս հետաքրքիր հարցի կարևոր պատասխանը՝
Հարց՝ «Խնդրում եմ ասեք, թե որ քաղաքական կուսակցությանը կամ դաշինքին կքվեարկեիք, եթե խորհրդարանական ընտրությունները լինեին հաջորդ կիրակի»։
«Չի որոշել / Դժվարանում է պատասխանել՝ 30%»։
📍Ի վերջո, ինձ համար ամենից հետաքրքիր դրվագը՝
«Որքանո՞վ կարևոր կամ անկարևոր են հետևյալ հարցերից յուրաքանչյուրը Ձեր քվեի որոշման համար»։

Հարցվածների 92%-ը նշել է, որ շատ կարևոր են բանակին վերաբերող հարցերը։ Հարցվածների 80%-ն էլ Ադրբեջանը համարում է սպառնալիք Հայաստանի համար։
Ինչ է ստացվում. հարցվածների մեջ կա 30% չկողմնորոշված, որոնց մեծ մասը հենց երիտասարդներն են։ Այստեղ է ընդդիմության խնդիրը, ոչ թե պետք է գնալ Փաշինյանի աջակիցների ուղղությամբ, քանի որ եթե այսքանից հետո մարդը որոշել է, որ ուզում է ընտրել «Քանդենք պետությունը» կուսակցությունը, ուրեմն այդ մարդկանց պետք է ուղղակի հանգիստ թողնել։ Ոչ թե որակումներ տալ, պիտակավորել, այլ թողնել հանգիստ։ Գնացեք ու փորձեք շահել չկողմնորոշված և մեծ տոկոս կազմող ընտրողների սրտերը, փորձեք քաղաքական դաշտի հանդեպ հետաքրքրություն առաջացնել երիտասարդների մեջ։ Դա հեշտ չէ․ իրենք այլ սերնդից են, իրենց ալգորիթմների և հետաքրքրությունների մեջ մտնելը բարդ է։
Ամենակարևորը՝ մարդկանց բացարձակ մեծամասնությունը ասում է, որ իր քվեի որոշիչը կլինեն բանակին վերաբերող հարցերը։ Այսօր իշխող ուժը այս թեմայով թակարդ է ստեղծել ընդդիմության համար. ով բանակից ու հզորացումից խոսի, Ալիևի հետ ձայն ձայնի տված կորակեն որպես «ռևանշիստ», «խաղաղության ընդդիմադիր», «խաղաղությունը կործանող»։ Այս թակարդի մեջ շատերն են ընկել, հատուկենտ մարդիկ են խոսում անվտանգությունից, ներկայացնում ծրագրեր անվտանգության մասին։ Մինչդեռ նույն Փաշինյանը պատրաստվում է ռազմական շքերթ անել մայիսի 28-ին։ Ինչու՞։ Քանի որ ուզում է գոյություն չունեցող ուժը ցույց տալ։ Ինչու՞։ Քանի որ գիտի, որ մարդկանց մեծ մասը Ադրբեջանը դիտում է որպես սպառնալիք և ուզում է ուժ տեսնել։
Ուստի խորհուրդներիս շարքը կամփոփեմ հետևյալ կերպ՝ խոսեք բանակից, հզորացումից և դրանց վերաբերյալ ձեր ծրագրերից, հարգելի ընդդիմադիրներ, և պայքարեք հենց չկողմնորոշված մեր քաղաքացիների վստահությունը շահելու ուղղությամբ։ Ընտրություններին կա մոտ 100 օր, և այդ ընթացքում շատ բան կարելի է փոխել, եթե պայքարի ուղղությունները ճիշտ ընտրվեն։ Քաղաքականությունը խելքի, մտքի և համառության մասին է։

Իրանագետ Ժաննա Վարդանյանը մի քանի վարկած է առաջարկում: Կարծում եմ հետաքրքիր կլինի կարդալ
https://t.me/IRI2day/1331

Այս դաժան ու բարդ օրերին Հյուսիսային Կորեային «չխաղացնելու» թեմայով հումորների պակաս չկա 😏

Այսօր որձաքարե տղամարդ Վազգեն Սարգսյանի ծննդյան օրն է… Խառը ժամանակներ են, սերունդներ կանցնեն, բայց Վազգենի կերպարը ու դերակատարումը եղել ու մնալու է բացառիկ նորանկախ Հայաստանի պատմության մեջ 🇦🇲
«Տղամարդու քիչ մնացած՝ որձաքարե տեսակից է Պողոս Սահակյանը։ Քոքով մայր հողին ձուլված, զարմանալի կամքի, զարմանալի ուժի տեր, փշոտ, իրասածի, նույնքան էլ՝ զարմանալի նրբանկատ ու լավատես։ Այդ լավատեսությունը հատկապես է զարմացնում. ախր, շատ դժվար կյանք է ապրել։ Եղել են սարսափելի ժամանակներ, երբ սևին սև ասելու համար մարդը կյանքով է վարձահատույց եղել։ Պողոս Սահակյանն այդ սարսափելի ժամանակների զոհերից է։ Կյանքի լավագույն տարիները բանտերում ու աքսորում են անցել։ Ինչե՞ր միայն չի քաշել։ Մեկ է, էլի սևին սպիտակ ասել չի սովորել։ Ու իր դժվար կյանքի համար չի փոշմանել։ Չի տրտնջում։ Միայն հայրաբար մեզ՝ հիմիկվաններիս, մի քիչ նախանձում է. «Լավ ժամանակներում եք ապրում»։ Հանդիմանում է նաև. «Շատ եք առաջ գնացել՝ լավ եք արել։ Մենակ թե բարձրացել, հողից կտրվել եք, հողին չեք ուզում տիրություն անել…»։
https://granish.org/amentank-pargevy/

📍Հեռախոսազրույց են ունեցել Իրանի ու Ադրբեջանի արտգործնախարարները։
Արաղչին հերքել է Նախիջևանի ուղղությամբ որևէ «արկի» արձակումը և նշել, որ Իրանի ԶՈւ-ն ուսումնասիրում է այս դեպքը։
Նա ևս ակնարկել է, որ միջադեպը կարող է Իսրայելի կողմից կազմակերպված լինել՝ Իրանի և հարևանների միջև հարաբերությունները խաթարելու նպատակով։
@IRI2day

📍«Նաև պետք է նշեմ, որ այսօր առավոտյան ինձ տեղեկացրին, որ Իրանի փոխարտգործնախարարը զանգահարել է Բաքու և Ադրբեջանից օգնություն խնդրել Լիբանանում մնացած Իրանի դեսպանատան աշխատակիցների տարհանման հարցում, քանի որ նրանք չէին կարող դա անել։ Ինձ տեղեկացրին այդ մասին։ Ես անմիջապես հրաման տվեցի օգնություն ցուցաբերել և ինքնաթիռ ուղարկել։ Նրանք նույնիսկ ասացին, որ պատրաստ են վճարել դրա համար։ Ես ասացի, որ անհրաժեշտ չէ. եթե մենք հիմա օգնություն չտրամադրենք այսպիսի դժվարին ժամանակներում, ապա ե՞րբ պետք է օգնություն տրամադրենք։ Այս ամենի դիմաց՝ Նախիջևանին հարվածել տգեղ, վախկոտ և անամոթ ձևով։ Այս բիծը երբեք չի ջնջվի նրանց տգեղ դեմքից։ Հետևաբար, դիվանագիտական ուղիներով կձեռնարկվեն բոլոր անհրաժեշտ միջոցները։ Մեր զինված ուժերը, Պաշտպանության նախարարությունը, Պետական սահմանապահ ծառայությունը և մյուս բոլոր հատուկ նշանակության ուժերը բերվել են առաջին մակարդակի զորահավաքի և պետք է պատրաստ լինեն ցանկացած գործողություն իրականացնելու։ Այսքանը առայժմ»։
📍«Մենք ադրբեջանական ժողովրդին կտեղեկացնենք իրադարձությունների ընթացքի մասին։ Պաշտպանության նախարարության հայտարարությունն արդեն հրապարակվել է լրատվամիջոցներում։ Ադրբեջանի ժողովուրդը պետք է վստահ լինի, որ ցանկացած չար ուժ ստիպված կլինի բախվել մեր երկաթե բռունցքին»։
Կարճ կասեմ իմ գնահատականը․ Ալիևի ելույթը պարունակում է որակումներ և սպառնալիքներ, որոնք փաստացի միտված են իրավիճակն էլ ավելի էսկալացնելու։ Ամեն դեպքում սպասենք դեպքերի հետագա զարգացմանը։ Դե իհարկե Հայաստանի մասին չէր կարող չխոսել, անգամ այս իրավիճակում․․․

⚡Իրանի ԶՈւ ԳՇ-ն հերքել է, որ Իրանն Ադրբեջանի ուղղությամբ ԱԹՍ է արձակել։
«Սիոնիստական կեղծ ռեժիմի կողմից տարբեր միջոցներով մուսուլմանական երկրների հարաբերությունները խաթարելուն ուղղված նմանատիպ գործողությունները նախադեպեր ունեն։ Կատարված ուսումնասիրությունների համաձայն՝ տվյալ գործողությունն իրականացվել է այդ ռեժիմի կողմից՝ Իրանի Իսլամական Հանրապետությանը մեղադրելու նպատակով»,- նշվել է հայտարարությունում։
@IRI2day