Category: Vardan Voskanyan

Ամերիկյան «New York Times»-ն, ըստ ԱՄՆ-ի հետախուզությունում ունեցած իր աղբյուրների՝ տեղեկացնում է, որ Իրանն օգտագործում է կեղծ թիրախներ, և կարողանում է ժամերի ընթացքում վերականգնել հասանելիությունը ռմբակոծված իր ստորգետնյա ռազմական ենթակառուցվածքներին։
Իրանը ճանաչողները գիտեն, որ այս երկրի ռազմաքաղաքական միտքը իրանական արեւմտյան սահմանը մշտապես դիտարկել է խոցելի՝ հենվելով նաև պատմական փորձի վրա, երբ Ալեքսանդր Մակեդոնացին կամ արաբները կարողացել են ներխուժել Իրան հենց արեմուտքից։
Սա հաշվի առնելով էլ իրանցիները մշտապես ձգտել են իրականացնել մի ռազմավարությունը, ըստ որի՝ Իրանի դե ֆակտո պաշտպանական գիծը արևմուտքում պետք է ձգվի առնվազն մինչև Իրաքի խորք և ավելի անդին, իսկ ռազմական կարողությունների հիմնական մասը տեղակայվի կենտրոնական և արևելյան շրջաններում։
Այս երկու ուղղություններն էլ այժմ աշխատում են՝ Իրաքում ակտիվորեն գործում են իրանամետ խմբավորումները, իսկ հրթիռային և ԱԹՍ-երի պաշարները համալրվում են ավելի հեռավոր շրջանների ենթակառուցվածքների միջոցով։
#հարափոփոխ_տարածաշրջանը
🆔 @vardan_voskanian

Մոտ մեկ ամիս առաջ Իրանին սպառնացող և դողդոջուն ձեռքերով «երկաթե բռունցք» ցույց տվող Բաքվի բարբարոսական վարչախմբի պարագլուխը հասկացել է, որ այդ պետության հետ «կատակները» պատժվում են։
Այսօր «X» սոցիալական ցանցում Բաքվի բռնապետը գրել է, որ արհեստածին Ադրբեջանը և Իրանը կշարունակեն լինել միմյանց կողքին նաև «դժվարին օրերին»:
Արևելյան այս շողոքորթության ֆոնին հենց նույն այդ բռնապետի քարոզչամեքենան ակտիվորեն շարունակում է առաջ մղել հակաիրանական քարոզչական գիծը, ինչը ցուցիչ է, որ արհեստծին Ադրբեջանում իրականում ոչինչ էլ չի փոխվել։
Կասկած չկա, որ պատերազմի ավարտից հետո Իրանում դեռ հիշելու են իրենց իրական բարեկամներին և թշնամիներին՝ անկախ վերջիններիս նողկալի «քաղցրախոսություններից»:
#հարափոփոխ_տարածաշրջանը
🆔 @vardan_voskanian

Այսօր ԱՄՆ-ի օդուժի համար ակնհայտորեն անհաջող օր է եղել Իրանի երկնքում։
Իրանական ՀՕՊ համակարգը խոցել է ևս մեկ՝ A-10 Thunderbolt ռազմական ինքնաթիռ, որն, ամենայն հավանականությամբ, կործանվել է Պարսից ծոցի ջրերում։
Իրանական աղբյուրներում հաղորդվում է ամերիկյան երկու Black Hawk տիպի ուղղաթիռի խոցման մասին ևս։
Իրանական պետական լրատվամիջոցները տարածել են A-10 ինքնաթիռի խոցման պահը ցույց տվող տեսանյութ։
#հարափոփոխ_տարածաշրջանը
🆔 @vardan_voskanian

Այսօր ՄԱԿ-ի ԱԽ-ում Ռուսաստանի, Չինաստանի և Ֆրանսիայի ջանքերով տապալվել է Բահրեյնի կողմից ներկայացված բանաձևի ընդունումը, ըստ որի՝ մասնավորապես, Պարսից ծոցի երկրները իրավունք կստանային նաև ուժի կիրառությամբ բացել Հորմուզի նեղուցը։
Ռուսաստանի և Չինաստանի դիրքորոշումն անսպասելի չէր, սակայն «տարօրինակ» էր Ֆրանսիայի մոտեցումը։
Ամեն ինչ պարզ է դառնում, սակայն, եթե հաշվի առնենք, որ այսօր Իրանի թույլտվությամբ Հորմուզի նեղուցով անցել է նավթով բեռնված ֆրանսիական նավը։
Թե ինչպես է Իրանը չեզոքացնում Հորմուզի նեղուցի հարցով իր դեմ կոալիցիայի ստեղծման ջանքերը, գրել էի երեկ, իսկ այսօր ականատեսը եղանք դրա հերթական օրինակին։
#հարափոփոխ_տարածաշրջանը
🆔 @vardan_voskanian

Իրանի խորհրդարանի նախագահ, ԻՀՊԿ պաշտոնաթող սպա Ղալիբաֆը «X» սոցիալական ցանցում ծաղր պարունակող անգլերեն գրառում է արել։
Դրանում, մասնավորապես, նշվում է, որ «Իրանին 37 անգամ հաղթելուց» հետո, այս առանց որևէ ռազմավարության, պատերազմում ԱՄՆ-ը «ռեժիմի փոփոխությունից» իջել է մինչև «հեյ, որևէ մեկը կարող է գտնել մեր օդաչուներին, խնդրում ենք» մակարդակի։
Ակնհայտ է, որ ինքնաթիռի խոցման և օդաչուի չգտնվելու պարագայում իմիջային նկատելի հարված կարող է հասցվել ԱՄՆ-ին, ինչի քարոզչական նախապատրաստությունն արդեն իսկ սկսվել է Իրանում։
#հարափոփոխ_տարածաշրջանը
🆔 @vardan_voskanian

Ամերիկյան առայժմ ոչ պաշտոնական աղբյուրներն աստիճանաբար սկսում են հաստատել այսօր առավոտյան Իրանից տարածված այն տեղեկատվությունը, որ այդ երկրի ԶՈւ-երի ՀՕՊ-ը Իրանի երկնքում խոցել է ամերիկյան ռազմական ինքնաթիռ, որը կործանվել է, և այժմ ընթանում են դրա օդաչուին գտնելու գործողություններ։
ԱՄՆ-ի և Իսրայելի կողմից բազմաթիվ անգամներ հայտարարվել է, որ Իրանն, իբր, այլևս ՀՕՊ համակարգ չունի, մինչդեռ պարզվում է, որ այն ոչ միայն գոյություն ունի, այլ նաև, ըստ իրանական տեղեկատվության, կարողանում է խոցել F35 մակնիշի աշխարհի ամենաանտեսանելի ինքնաթիռներից մեկը։
Եթե իրանցիներին հաջողվի գտնել և գերեվարել կործանված ինքնաթիռի օդաչուին, ապա դա կդառնա այս պատերազմում լարվածության նոր փուլի առիթ։
#հարափոփոխ_տարածաշրջանը
🆔 @vardan_voskanian

Իրանի դեմ ընթացող պատերազմը վերջնականպես ապացուցում է, որ աշխարհում այլևս չի գործում միջազգային և ոչ մի իրավունք։
Իրանական կրթական, բժշկական և դեղագործական հաստատությունների վրա հարձակումներն, ընդհանրապես, նոր երևույթներ են, որոնք ցույց են տալիս, որ աշխարհում, որքան էլ դա ցավալի լինի, այժմ գործում են «ջունգլիների օրենքները»։
Այլ պետության քաղաքական ղեկավարության սպանությունները և դրանով «հպարտանալը» ևս խոսում են այն մասին, որ աշխարհը մուտք է գործել նոր և չափազանց վտանգավոր մի շրջափուլ։
Եթե որևէ առանձին վերցրած անձ պայթեցնի դպրոց, համալսարան, դեղագործական ինստիտուտ և կամուրջ կամ սպանի որևէ երկրի ղեկավարի, ապա նա, անշուշտ, ահաբեկիչ է, բայց երբ նույն բանը արվում է պետական մակարդակով, ապա նույնիսկ միջազգային ատյաններում չի էլ դատապարտվում։
Գայլային այս «օրենքները» շատ ավելի խոցելի են դարձնում հատկապես այն երկրները, որոնք ունեն համեմատաբար սահմանափակ պաշտպանական ռեսուրսներ, ուստի, որքան էլ տարօրինակ թվա, աշխարհում էլ ավելի շատ պետություններ այլևս սկսելու են մտածել միջուկային զենքի ստեղծումով սեփական անվտանգության երաշխավորման մասին։
#հարափոփոխ_տարածաշրջանը
🆔 @vardan_voskanian

Շատերին է հետաքրքրում հարցը, թե ԱՄՆ-ի նախագահ Թրամփն ինչո՞ւ չի կարողանում Հորմուզի նեղուցի բացման հարցում հավաքել կոալիցիա նույնիսկ ՆԱՏՕ-ի դաշնակիցների վերաբերյալ սուր հայտարարություններով։
Բնականաբար, առաջին հիմնական պատճառը Հորմուզի նեղուցում ցանկացած ռազմական գործողության խիստ ռիսկային լինելն է։ Չնայած, թե՛ ԱՄՆ-ը և թե՛, դիցուք, Մեծ Բրիտանիան ունեն հզոր նավատորմ, սակայն մի քանի տասնյակ կիլոմետր լայնությամբ ջրային տարածք ցանկացած խոշոր ռազմանավի մուտքը հավասար է, պատկերավոր ասած, փիղը նեղ նրբանցք մտցնելուն, դա էլ այն դեպքում, երբ նրբանցքի շինությունների պատերից վստահաբար կրակ է թափվելու։
Երկրորդ պատճառը հետպատերազմական հնարավոր այն սցենարի իրատեսականության բարձր աստիճանն է, ըստ որի՝ Իրանը կարող է պահպանել Հորմուզի նեղուցի փաստացի կառավարումը, ուստի նեղուցի կարիքն ունեցող ոչ մի երկիր չի ցանկանում փչացնել հարաբերությունները Թեհրանի հետ։
Երրորդ պատճառը իրանական շատ ճկուն մոտեցումն է, որը որոշակի վճարի դիմաց թույլատրում է Իրանի կողմից թշնամական չդիտարկվող երկրների՝ դիցուք, Ճապոնիայի համար նախատեսված բեռների անցումը նեղուցով՝ այդպիսով ճեղքելով հնարավոր հակաիրանական կոալիցիան։
#հարափոփոխ_տարածաշրջանը
🆔 @vardan_voskanian

ԱՄՆ-ի նախագահ Թրամփի երեկվա ուղերձն Իրանի վերաբերյալ, ըստ էության, ոչ մի նորություն չէր պարունակում։
Վերջին երկու օրերի միակ «նորությունն» այն էր, որ ԱՄՆ-ի նախագահը սպառնում էր այնպիսի հարվածներ հասցնել Իրանի ենթակառուցվածքներին, որ այս երկիրը հետ վերադառնա «քարի դար»։
Նման սպառնալիքն իրանական հասարակության մեջ այլևս գրեթե ոչ մի կասկած չի թողնում, որ Իրանի վրա հարձակման նպատակն այս երկրի ժողովրդին՝ իշխանությունը տապալելու համար, իբր, օգնելը չի եղել։
Իրանի ժողովրդին «օգնության» պաշտոնական քարոզչական պատումը, որը ԱՄՆ-ի և Իսրայելի կողմից առաջ էր մղվում այս պատերազմից առաջ և դրա սկզբնական փուլում, և ի սկզբանե էլ համոզիչ չէր թվում, այժմ այլևս գոյություն չունի։
#հարափոփոխ_տարածաշրջանը
🆔 @vardan_voskanian

Երեկ Իսրայելի վարչապետ Նեթանյահուն նախօրոք ձայնագրված ելույթում նշում էր, որ Հորմուզի նեղուցի իրանական արգելափակումը պայմաններ է ստեղծել, որպեսզի ապագայում իր երկիրը Պարսից ծոցի արաբական միապետությունների հետ համաձայնության գա կառուցելու նավթամուղեր և այդ երկրների նավթն արտահանելու Իսրայելի տարածքով։
Սա ակնհայտ անիրատեսական հեռանկար է, քանի որ Պարսից ծոցի արաբական միապետություններում, եթե իշխանությունը գնա նման գործարքի, ապա կարող է հարուցել «արաբական փողոցի» չափազանց վտանգավոր հուզումներ։
Միևնույն ժամանակ, այսօր «Ալ-Ջազիրայի» արաբական ծառայությանը հարցազրույցում Իրանի ԱԳ նախարար Արաղչին խոսում էր հետպատերազմական Պարսից ծոցի տարածաշրջանի ճակատագրի մասին՝ նշելով, որ ամերիկյան ռազմակայանները ոչ թե պաշտպանում, այլ վտանգում են արաբական երկրների անվտանգությունը, ուստի կարիք է լինելու նոր՝ Իրան — արաբական երկրներ, տարածաշրջանային անվտանգության համակարգ ստեղծելու։
Կասկած չկա, որ այս պատերազմը ցանկացած ելքի դեպքում էլ անճանաչելիորեն փոխելու է ոչ միայն Պարսից ծոցի տարածաշրջանի, այլ նաև ողջ Մերձավոր Արևելքի պատկերը՝ ազդելով նաև հարակից և ավելի հեռու տարածաշրջանների վրա։
#հարափոփոխ_տարածաշրջանը
🆔 @vardan_voskanian